لاس رسیدونکی لینک

Breaking News

صدر ټرمپ دغیرقانوني کډوالو په ضد دعملیاتو اعلان کړی


دامریکا صدر ډانلډ ټرمب نن د اتوار څخه امریکا کې په غیر قانوني توګه د میشتو کورنیو په ضد دعملیاتو پیل کولو اعلان کړی اؤ ویلي یې دي دددې عملیاتو موخه جنوبي امریکا ته د نورو کډوالو د راتګ مخه نیول دي.

خبري شبکه رائټرز وایي دا عملیات به دامریکا ۱۰ؤ ښارونو کې د میشتو هاغو سلګونو کورنیو په ضد کیږي چې د محکمې د امر باوجود امریکا څخه وتلو ته اماده نه دي.

تیره میاشت هم صدر ټرمپ په ټیوټر همداسې یو اعلان کړی ؤ خو وروسته یې دکډوالو په ضد عملیات ځنډولي وؤ ،

دجمعې په ورځ خبریالانو ته صدر ټرمپ ویلي” خلک په غیرقانوني ډول امریکا ته راننوځي‌ او مونږ دوئ په قانوني توګه وباسو ، دا ډیر ستر عملیات دي چې مقصد یې امریکا د جرائم پیشه خلکو نه پاکول دي”

چارواکي وایي روانه اوونۍ په زرګونو غیرقانوني کډوال نیول شوي هم دي چې دغو کډوالو ته وړاندې څخه د وتلو هیڅ خبرداری نه ؤ ورکړل شوی.

صدر ویلي وو هغه ددې خبرې پرواه نه کوي چې د وړاندې نه د خبرداري ورکولو له امله به ګڼ شمیر قانوني کډوال له نیونې بچ پاتي.

صدر ټرمپ امریکا ته دکډوالو دننوتلو مخنیوي دخپلې تګلارې مهمه نکته ګڼي، دامریکا اؤ میکسیکو دپولې څخه دجنوبي امریکا څخه په زرګونو کورنۍ امریکا کې پناه اخستلو ته لیواله دي.

XS
SM
MD
LG