لاس رسیدونکی لینک

Breaking News

اسفنديار: زما په خپل دولت خپل اختیار پکار دی


د عوامي نيشنل ګوند مرکزي مشر اسفندیار ولي خان

د عوامي نيشنل ګوند مرکزي مشر اسفنديار ولي خان وايي د هغوي او قبايلي سیمو د اولس يواځې دا غوښتنه نه وه چې د سيمې څخه دې د فاټا کرښه ختمه شي بلکې دوي ته دې د دوي په وسايلو اختیار هم ورکړی شي.

په مومند قبايلي ضلع کې د خپل ګوند جلسې ته په وېنا کې هغه وويل خوشحاله دی چې د پښتنو په منځ کې د پېرنګي راښکلې کرښه ورانه شوې ده.

خو وې ويل له دې وروسته ورته بله کرښه د بلوچستان او پښتونخوا د پښتنو ترمنځه ده هغه به هم ختموي، ځکه پښتون قوم يو هډ دی او دوي پکې تفريق نه مني.

اسفنديار ولي خان وويل د دوي او د قبايلي سيمې د اولس يواځې دا خواهشات نه ؤ چې يواځې دا کرښه دې ختمه شي.

هغه وويل د دوي خواهشات خو د کرښې ورانېدو وروسته ؤ او د جلسې د ګډون والو نه يې پوښتنه وکړه چې کرښه ختمه شوه خو اختیار هم درته درکړی شو؟.

هغه زياته کړه نن هم خلک راځي د دې سیمې د غرونو په دولتونو پسې. نن د پنجاب نه خلک راځي وايي چې په مومندو کې ښکلي کانونو دي ټېکه يې اخلي او د کروړونو روپو ټېکه په زرګونو روپو واخلي او ځايي تن پکې په دياړۍ ولګوي.

نوموړي وويل دوي دياړي ماري نه بلکې د خپلې خاورې په دولت خپل اختيار غواړي او د پښتنو د بچو د خلې نمړۍ يا نوړۍ د بل بچي له نه شي ورکولی او هغه به د خپل پښتون بچي د حق دپاره مبارزه کوي.

نوموړي په خپلو خبرو کې هغه خبره هم تکرار کړه چې په دوي به تورونه لګېدل چې د ملک نه بهر يې جايدادونه جوړ کړي خو هيڅ څيز پرې ثبوت نه کړی شو او د پاکستان تحریک انصاف په حکومت يې نيوکې وکړي.

XS
SM
MD
LG