واشنګټن: افغانستان ته څېرمه د خیبرپښتونخوا صوبې په باجوړ کې د سړک د غاړې په یوې چاودنه کې د پاکستان د پوځ یو میجر او یو سرتیری وژل شوي او څلور نور ژوبل شوي دي.
په باجوړ کې ځايي چارواکو ددې خبرې پخلی کړی خو د پاکستان د پوځ مطبوعاتي څانګې تر اوسه پورې په دې اړه څه نه دي ویلي.
تر اوسه پورې د یادې پېښې پړه چا په غاړه نه ده اخیستې.
د باجوړ په ګډون د پخوانیو قبایلي سیمو کې په اکثرو برخو کې ترهګرې ډلې (طالبان او داعش) فعالیت کوي او پاکستان او افغانستان دواړو ته امنیتي ستونزې جوړوي.