لاس رسیدونکی لینک

Breaking News

له احتجاجونو سره سره هندي صدر په شهریت کې د بدلون مسوده لاسلیک کړه


واشنګټن ــــ په هند کې پر شدیدو احتجاجونو برسېره د دواړو پارلمانونو له خوا په شهریت کې د بدلون پر منظوره شوې مسوده باندې د دې هېواد ولسمشر رام نات کووند لاسلیک کړی چې دې سره دا مسوده د قانون برخه شوه.

د رایټرز خبري ایجنسۍ د خبر له مخې په آسام صوبه کې پرون هم زرګونو خلکو له تاوتریخوالي ډک احتجاجونه کړي چې وایي پر سرکاري ودانیو یې بریدونه هم کړي دي.

قهرجنو مظاهره چیانو د اورګاډو د یوه سټېشن د سوځولو هڅه کړې، خو پولیسو یې د مخنیوي لپاره ورباندې ډزې کړې چې دوه تنه یې وژلي او ګڼ شمېر نور یې ټپیان کړي دي.

د دې مسودې تر ټولو زیات مخالفت په آسام صوبه کې شوی او احتجاج کوونکي وایي له دې سره به د بهرنیو خلکو بهیر د دوی پر لور ور مات شي. د دې قانون په بنیاد هغو مهاجرینو ته لومړیتوب ورکول کېږي چې مسلمانان نه دي.

د انډیا ټوډې ورځپاڼې د خبر له مخې ددې قانون په بنیاد به د پاکستان، بنګله دېش او افغانستان هغو هندوانو، سکانو، بودایانو، عیسایانو، پارسیانو او د جین مذهب پالونکو ته شهریت ورکول کېږي چې تر 2014م کال مخکې هند ته ورغلي یا یې شپږ کاله هلته تېر کړي دي.

د دسمبر پر 9مه د هند د کورنیو چارو وزیر امیت شاه په شهریت کې د بدلون جنجالي مسوده قومي اسمبلۍ ته وړاندې کړه چې دوولس ګنټې ورباندې تود بحث وشو او په دې مهال د اپوزیشن او حکومتي ګوندونو د غړو تر منځ ترخې جملې هم تبادله شوې.

په قومي اسمبلۍ کې تر بحث وروسته د دې مسودې په حق کې 311 رایې ورکړل شوې او 80 تنو یې مخالفت وکړ او په سېنټ کې د 105 رایو په مقابل کې د 125 رایو په اکثریت سره منظوره شوه.

په هند کې تر 20 کروړه زیات مسلمانان اوسېږي او د دې هېواد شمال ختیځو سیمو ته له بنګله دېشه زیات شمېر مسلمانان ورغلي او په آسام صوبه کې اباد شوي دي. په شهریت کې د بدلون په مسوده کې د مسلمانانو د ذکر د نشتوالي له کبله پر حکومت کلکې نیوکې کېږي.

د هند د یوې رسنۍ "ویان" په وینا له بنګله دېشه د ورغلیو مسلمانانو په هند کې لسګونه کلونه شوي خو هغوی ته تر اوسه د هند شهریت نه دی ورکړل شوی او هغوی د نېشنل رجسټرېشن (این آر سي) په بنیاد غیرقانوني مهاجرین ګڼل کېږي.

د هند توندروه واکمن مذهبي ګوند بهارتي جنتا پارټي (بي جې پي) په 2016م کال کې لا دغه مسوده لاندیني پارلمان ته وړاندې کړې وه، خو هغه مهال د دې هېواد په سېنټ کې نه وه منظوره شوې.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG