لاس رسیدونکی لینک

Breaking News

امریکې بيا پاکستان د مذهبي ازادۍ د څار په نوملړ کې اچولی


امريکې يو ځل بيا پاکستان، چين، ايران، سعودي عرب، برما، شمالي کوریا، تاجکستان، ترکمانستان او اریټيريا په هغه نوملړ کې شامل کړي چرته د مذهبي ازادۍ په اړوند پوښتنې راولاړيږي.

د امریکې د بهرنيو چارو وزير مایک پمپيو ویلي د ټرمپ انتظاميه مذهبي ازادۍ ته په خپله بهرنۍ پاليسۍ کې لمړيتوب ورکوي.

هغه ويلي په ګرده نړۍ کې د مذهب او عقيدې په نوم زور زياتي کيږي، امريکا د مذهبي ازادۍ دپاره اود سرغړونو د مخنيوي په لړ کې په تندۍ سره کار کوي.

د امریکې د بهرنيو چارو وزارت دغه هېوادونه په ۱۸م دسمبر د څار په نوملړ کې اچولي او ويلي يې دي چې په دغوهېوادونو کې د مذهبي ازادۍ په تړاؤ سرغړونې کيږي.

امریکې النصره محاذ، القاعده، الشباب، بوکوحرام، حوثي، داعش، داعش خوراسان او طالبانو په هغه نوملړ کې اچولي چې د ډېرې اندېښنې وړ دي.

د امریکې خارجه وزارت د روان کال په جون کې په نړۍ کې د مذهبي ازادیو په اړه خپل کلیز رپورټ کې په پاکستان کې د اقلیتونو په صورتحال اندېښنه څرګنده کړې او ویلې يې ؤ چې په کال ٢٠١٨ کې هم وسله والو ډلو د شیعه او احمدي ټولنو خلاف حملو ته دوام ورکړی و خو د ٢٠١٧ په مقابل کې د تشدد دغه کچه ټیټه شوي وه.

په رپورټ کې د پاکستان نه علاوه په شمالي کوریا، ایران، روس، میانمار، چین او ازبکستان کې د انساني حقونو په سرغړونو هم اندېښنه څرګنده کړی شوې وه.

په رپورټ کې د چین په سنکیانګ صوبه کې د مسلماناو سره د سلوک ذکر او ويل شوي ؤ چې د ویغور مسلمانانو مذهبي ازادۍ د خطر سره مخامخ ده.

XS
SM
MD
LG