لاس رسیدونکی لینک

Breaking News

د پی ټی ایم د۳۰ؤ فعالینو پرضد محکمې دغدارۍ مقدمه خارج کړه


بنو کې عدالت د پښتون ژغورنې غورځنګ د ۳۰ؤ مشرانو په ضد د غدارۍ مقدمه خارج کړې خو د پی ټی ایم دیو بل فعال حنیف پښتون دضمانت درخواست یې رد کړی دی.

د بنو مقامی عدالت یا سول مجسټریټ تیره ورځ هغه مقدمه خارجه کړې چې تیر کال اکتوبر کې دپي‌ ټي ایم دشوې جلسې وروسته د پولیسو د پی ټی ایم د مهمو مشرانو پر ضد درج کړې وه.

د پی ټی ایم مخ کښ او د شمالی وزیرستان نه د قامي اسمبلۍ غړی محسن داوړ په ټویټر لیکلي "د بنو عدالت په یوه مقدمه کې بری کړی دی "

د بنو پولیسو تیر کال د اکتوبر په ۲۹مه د پښتون تحفظ موومنټ د مشرانو منظور پښتین، ډاکټر سیدعالم مسید، فضل ایډوکېټ، ثنا اعجاز، وړانګې لوڼۍ، علي وزیر او محسن داوړ په شمول د شاوخوا دیرشو تنو په ضد مقدمه درج کړې وه او دوئ یې د ریاست او پوځ په ضد په جذباتي نعرو تورن کړي وؤ.

دپی ټی ایم پرضد د بنو جلسې وروسته ځائي پولیسو د دوئ پرضد د غدارۍ، په سکولو نو او کالوجونو کې زده کونکي د ریاست پر د ضد را ویستلو او د فساد د مخنیوی دقانون دفعه 144 څخه دسرغړونې په تور درې مقدمې جوړې کړې وې

د پی ټی ایم وکیل بخت نیاز ډیوه ته وویل د نیمګړو شواهدو په اساس تیره ورځ قاضي د دوئ په ضد جوړه مقدمه خارجه کړه او دا یې د بشری حقونو په ضد ګام وګرځولو.

هغه وویل په مقدمه کې د پی ټی ایم لخوا د ریاست اؤ ریاستي ادارې پوځ په ضد د خلکو راپارولو مادې شاملې وې. خو د پولیسو سره د تورونو ثابتولو شواهد نه وو چې بیا د عدالت قاضي دا مقدمه خارجه کړه.

پی ټی ایم تیر کال په اتویشتم اکتوبر بنو کې یوه لویه غونډه کړې وه چې پکې د غورځنګ مشر منظور پښتین غونډې ته د وینا پرمهال ویلی وؤ ملک کې جوړو پوځي عدالتونو کې د تندلارو پر ځائ بې ګنا پښتنو ته سزاګانې اورول کیږی او په دارونو خېژولی شي چې ددې ثبوت د پېښور هائی کورټ فیصله ده.

له دغې جلسې درې ورځې وروسته د پي ټي اېم په 30ؤ غړو باندې مقدمه درج شوه او پکې ویل شوي وؤ چې دوئ په جلسه کې د رياست او رياستي ادارو پرضد خبرې کړي دي.

د پی ټی ایم په خبره سږ کال هم د پی ټیم د ۱۰۰ؤ نه د زیاتو فعالینو پرخلاف د ملک په ضد د غدارۍ کولو مقدمې جوړې کړل شوي چی بیا ورو سته عدالتونو دا مقدمې خارج کړې دي.

په عین حال کې پېښور هائیکورټ‌ بنو څانګې د پی ټی ایم دمخ کش حنیف پښتون په ضمانت دخوشی کیدو درخواست رد کړی.

دې نه وړاندې دمحکمې لخوا د حنیف پشتون سره د نیول شوې فهیم داوړ په ضمانت د خوشی کیدو درخواست هم رد کړل شوی ؤ.

وکیل بخت نیاز وایي اوس به د دغه کیس په بشپړه ډول په عدالت کې اوریدنه پیل کیږي.

په حنیف پښتون او ملګرو یې د خفیه ادارې دیو چارواکي د وژل کیدو تور دی او د بنو پوليس ويلي وؤ دتیر جولائي په میاشت کې چې کله د بنو په ټاؤن شپ سیمه کې د مطلوبو کسانو پرضد پولیسو چاپه وهلې وه نو په کور کې موجودو کسانو په دوئ ډزې کړې وې چې پکې يو د استخباراتي ادارې افسر (انسپکټر) وژل شوی او دوه پوليس ژوبل شوي وؤ.

پولیسو ویلي وؤ د کور نه یې د پي ټي اېم درې غړي حنیف الله، فهيم الله او شاهين الله نيولي وؤ او ډزې هم دوي کړې وې.

د يادې پېښې په اړوند د پښتون ژغورنې غورځنګ (پي ټي اېم) مشر منظور پشتين ویلي وؤ حنيف پشتين د شمالي وزيرستان سره تړاؤ لرونکی محصل دی او د سیمې څخه بنو ته کډوال شوی ؤ په بنو ټاؤن شپ کې اوسېدو په هغه د کوم وراني مقدمه نه وه خو د بنو د جلسې او احتجاج وروسته يې نوم په مقدمو کې اچول شوی ؤ.

منظور پشتين ويلي وؤ په بنو کې د وړاندې نه هدفي وژنې روانې دي او هلته کسانو ته د ترهګرو نه ګواښونه دي او د روژې په مياشت کې په خپله د بنو پوليس حنيف پشتين ته ويلي وؤ چې د ترهګرو لخوا ورته خطره ده او ځان دې سمبال کړي.

  • 16x9 Image

    عدنان بېټنی

    عدنان بېټنی د پښتونخوا په ډېره اسماعیل خان ښار کې د وي او اې ډیوه خبریال دی. هغه د افغانستان او پاکستان تر منځ د پولې دواړو غاړو خصوصاً له وزیرستانه د نورو مسلو تر څنګ د ترهګرۍ، جنګځپلو کډوالو، بشري حقونو او د دواړو هېوادونو تر منځ پر سیاسي اړیکو او اقتصاد رپوټونه جوړوي. نوموړي د ډېره اسماعیل خان له ګومل پوهنتونه د جرنلزم له زدکړو سره سره د سیاسیاتو ماسټري ډګري هم تر لاسه کړې ده.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG