لاس رسیدونکی لینک

Breaking News

افغانستان: په بلخ کې اووه سرتيري او هملند کې ۱۷ طالبان وژل شوي


د افغانستان د کورنيو او دفاع چارو وزارتونو ويلي په بلخ کې د طالب وسله والو په بريد کې اووه سرتيري وژل شوي او په هلمند کې په نښته کې ۱۷ طالب وسله وال وژل شوي دي.

د افغانستان د دفاع وزارت ويلي، "ترهګرو د بلخ په دولت اباد ولسوالۍ کې د ملي امنيت او دفاع ځواکونو په ګډ مرکز بريد کړی د پوځ اووه سرتيري پکې وژل شوي او د دفاع او امنيت شپږ سرتيري پکې ژوبل شوي دي".

د ځايي رسنيو ترمخه دغه عملیات تېره شپه شوي دي.

طالبانو په دغو عملياتو کې د ۲۰ سرتيرو د وژلو او څو نورو د ټپيانو کولو سره د نيولو ادعاوې هم کړي دي.

بل لور ته د کورنيو چارو وزارت ويلي، په هلمند کې د دفاعي ځواکونو سره په نښته کې ۱۷ ترهګر وژل شوي دي.

د دفاع وزارت ويلي، "د هلمند په نادعلي اولسوالۍ کې د ملي امنيت د ځواکونو سره په نښته کې ۱۷ طالب ترهګر وژل شوي دي او د دوی نه په غټه کچه وسله ترلاسه شوې ده".

XS
SM
MD
LG