د امریکې صدر ډانلډ ټرمپ د ايران مذهبي مشر ایت الله خامنه يي ته خبرداری ورکړی چې د "امریکا او يورپ په اړوند خبرو کې بايد پام کوي".
خامنه يي د جمعې په ورځ په خپله وېنا کې د امريکا په صدر ډانلډ ټرمپ ټکونه کړي وو.
صدر ټرمپ ورته په ټويټر غبرګون کې ويلي، "د ايران تش په اصطلاح مشر اوس سپريم ليډر نه دی پاتې. هغه د امریکا او يورپ په اړوند غلطې خبرې کړي دي. د ايران اقتصاد ډوبيږي ولس يې د ستونزو سره مخ دی په داسې حالاتو کې خامنه يي بايد په خبرو کې پام کوي".
نوموړي دغه رنګ يو ټويټ په فارسي ژبه کې هم کړی دی.
د ایران مذهبي مشر ایت الله علي خامنه يې د جمعې په ورځ په تهران کې یوې لوې ګڼې ته په وېنا کې د امریکاد صدر دانلډ ټرمپ پرضد سخته لهجه کارولې وه.
هغه په تهران کې د جمعې لمانځه ته په وینا (خطبه) کې صدر ډانلډ ټرمپ ته مسخره ویلي او زیاته کړې يې ده چې هغه (ټرمپ) ځان د ایرانیانو لوې پلوي ښايي خو په حقیقت کې یو زهر لرونکی تن دی.
ایت الله علي خامنايی ویلي د امریکا په ډرون برید کې وژل شوي ایراني جنرال قاسم سلیماني په جنازه کې د بې شمیره ایرانیانو ګډون دا خبره په ډاګه کړې چې د ایران اولس د خپل حکومت (اسلامي جمهوریت) سره ولاړ دي سره د دې چې په نژدیو کې د مظاهرچیانو پرضد یو شمیر قضیې هم درج شوي.
په خپله خطبه کې ایت الله علي خامینايي زیاته کړې د قاسم سلیماني بزدلانه وژنې د خود سره اسلامي ریاست یا داعش پرضد روانه جګړه کې یو تر ټولو مهم کمانډر لری کړی.
د قاسم سلیماني د وژنې په ځواب کې ایران په عراق کې په امریکايي پوځیانو باندې د بیلسټک میزایلو بریدونه کړي وو چې پکې امریکايي عسکرو ته زیان نه وو رسیدلی.
د ایران مذهبي مشر زیاته کړې دغه بریدونه د نړۍ طاقتوره هیواد یعنې امریکا په مخ یو ګزار وو څوک چې ځان د نړۍ سپر پاور ګڼي.
ایت الله علي خامنه يي د کال ۱۹۸۹ راهسې د ایران ستر مشر دی او په ټولو لویو فیصلو کې د هغه خبره اخیرۍ خبره ګڼل کیږي.
۸۰ کلن خامنه يي د قاسم سلیماني په جنازه کې په ښکاره ژړلي وو او ژمنه يې کړې وه چې د امریکا نه به د دغې مرګ سخت بدل اخلي.
د امریکا او ایران تر منځه تاوتریخوالی د صدر ډانلډ ټرمپ لخوا د کال ۲۰۱۵م د ایټمي تړون نه د وتلو وروسته شورو شو. صدر ټرمپ د دغه لوظنامې نه د وتلو وروسته په ایران نور بندیزونه ولګول.
د قاسم سلیماني د وژنې وروسته بیا ایران اعلان وکړو چې دوي به د ایټمي تړون شرطونه نور نه پوره کوي.
اروپايي هېوادونه چا چې هڅه کله چې دغه لوظنامه ژوندې وساتي تیره اونۍ بیا د دغې ځواب کې ویلي چې دغه لانجه به د کشالو هوارولو کمېشن ته وړي، کیدلی شي د دغې وروسته په ایران نور بندیزونه هم ولګي.
