لاس رسیدونکی لینک

Breaking News

بلوچستان کې د کرونا وايرس څخه ۱۷ تنه ښه شوي دي


د بلوچستان اعلی وزیر جام کمال وایي په ایالت کې د کرونا په وايرس اخته شوي ۱۷ ناروغان جوړ‎ شوي ، ټېسټونه يې سم راغلي دي.

جام کمال په خپل ټویټر پانه لیکلي چې دا اولس تنه د کرونا وایرس ناروغان وو ، د څوارلسو ورځو له قرنطین ورستو روغ شوي او د ټیسټ نتیجې یې منفي راغلې.

د کرونا دغه ناروغان چې اوس جوړ‎ شوي د کوټې په شیخ زاید روغتون کې بستر دي ، تر اوسه ورته خپلو کورونو ته د تللو اجازت نه دی ورکړل شوی.

د ایالت د ترجمان لیاقت شاہواني په خبرہ په ایالت کې د یکشنبې, اتوار په ورځ د کرونا وایرس تازه درې نورو ناروغانو سره شمېر ۱۴۱ ته رسېدلی دي. او په دې ناروغانو کې څلور ډاکټران ھم شامل دي.

د ځوان ډاکټرانو د اتحادیې د یوہ مشر ډاکټر رحیم خان بابړ‎ په خبرہ حکومت و ډاکټرانو ته له کرونا وایرس څخه د ځان ژغورنې اسباب نه دي ورکړ‎ي، ډاکټران به ځان څنڰه خوندي کړ‎ي؟
ھغه له حکومت څخه د مرستو غوښتنه وکړ‎ہ.

تر اوسه په بلوچستان ایالت کې کرونا وایرس د ۷۰ کلن ناروغ د مړینې لامل جوړ‎ شوی دی.

د لیاقت شاہواني په وینا په بلوچستان کې د مثبتو ناروغانو ډیری زایرین (شیعه زیارت کونکي) دي چې په دې وروستیو کې له ایران څخه راستانه شوي وو.

د شاہواني په خبرہ د کومو اولس (۱۷) کسانو چې د ټېسټ نتیجې منفي راغلې حوصله لوړ‎ونکی خبر دی “د ھغو کسانو به نن بل ځل ھم د تسلي لپارہ ٹیسټ کوو،که د ټولو نتیجه بیا منفي راغله دا به په ټول ملک کې اولنی روغتون وي چې په ۱۴ ورځو کې تر ټولو زیات خلک پکې روغ شوي وي۔

د ویاند په خبرہ له وړاندې دوہ تنه نور ھم له څوارلسو ورځو له قرنطین ورسته د کرونا له رنځه روغ شوي او خپلو کورو ته لېږ‎ل شوي دي.

  • 16x9 Image

    حفیظ الله شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

XS
SM
MD
LG