لاس رسیدونکی لینک

Breaking News

دانصاف په نه ترلاسه کیدو یو تن د وزیراعظم عمران خان ددفتر مخې ته ځان سوځولی


دجمعې په ورځ دپاکستان د وزیراعظم د ماڼۍ مخې ته یو تن د انصاف په نه ترلاسه کیدلو خپل ځانته اور پورې کړی اؤ مړشوی دی .

پاکستاني مطبوعات وایي د فیصل عزیز په نوم دغه تن د جمعې دنمونځ نه لږه شیبه وړاندې اسلام اباد کې د وزیراعظم د ماڼۍ مخې ته په ځان تیل واړول اؤ ځان یې وسوځولو.

په مطبوعاتو له مخې په موقعه موجودو پولیسو اؤ لارویانو د یاد تن نه د اور وژلو زیاتې هڅې وکړې اؤ هغه یې په ژوبل حالت کې د پمز روغتون ته ورسولو خو دغلته یې د سوځېدو له امله ساه ورکړه.

پاکستاني مطبوعات دا هم وایي چې د فیصل عزیز په نوم دغه تن د مړی د بیول تاڼې پولیسو ته عریضه کړې وه چې یو بااثره سیاسي شخص دهغه سره زیاتی کوي خو پولیسو دهغه په عریضه هیڅ ګام نه اخستو .

مطبوعات دا هم وایي چې له عریضې کولو وروسته فیصل عزیز ته هغه بااثره سیاسي شخصیت (چې نوم یې جواد عباسي ښودل شوی) د وژلو ګواښونه کول اؤ هغه له دغو ګواښونو تنګ شوی ؤ.

خو تر اوسه نه د جواد عباسي دریځ مخې ته راغلی دی اؤ نه پولیس په دغه هکله دسپیناوي کوم بیان جاری کړی دی.

دپاکستان ایکسپریس نومې ټي‌ وي د ډپټي کمشنر حمزه شفقات له خولې ویلي چې کوم تن ځان سوځولی هغه نشه یي ؤ اؤ یوې ماشومې سره پرې اووه کاله وړاند د زیاتي کولو مقدمه هم درج وه خو دانتظامې لخوا د لګولو شوؤ دې تورونو پخلی ازادو سرچینو نه دی کړی.

دپاکستان وزیراعظم اؤ نورو چارواکو هم د وزیراعظم د ماڼۍ مخې ته د ځان سوځولو په دې پېښه تر اوسه خپل غبرګون نه دی ښکاره کړی خو ډيټي کمشنر یوازې دومره ویلي دي چې ددې پېښې دقضایي پلټنو امر یې کړی دی

XS
SM
MD
LG