لاس رسیدونکی لینک

Breaking News

کرونا وايرس د سېلګرۍ کاروبار تر ټولو ډېر اغېزمن کړی


په پاکستان کې د کرونا وايرس د خورېدو وروستو د نورو کاروبارونو په رنګ د سېلګرۍ کار هم ډېر اغېزمن شوی دی.

د سېلګرۍ کاروبار سره تړلي خلک وايي، تر ټولو زيات دوي اغېزمن شوي او تر ټولو وروستو به د دوي کاروبار بېرته ځای له راځي ځکه چې اول به خلک خپل کاروبارونه په ځای ودروي بيا به هله د سېلګرۍ د سيمو مخه کوي.

د سېلګرۍ د يوې وړې کمپنۍ مالک محمد عبده وايي، د کوريا نه به دوي سېلګري د پاکستان شمالي سيمو ته بوتلل د کوم لپاره چې دوي دوه مياشتې وړاندې د ځايي هوټلو سره خبره کوي خو د کرونا وايرس له امله دغه کارونه د ځنډ ښکار دي.

د پاکستان شمالي سيمې او د دغه ځای اوسېدونکي د سېلګرۍ د کاروبار سره تړلي دي او محمد عبده غوښتنه کوي چې بايد حکومت د دغه ځايي خلکو او دې کاروبار سره تړلې خلکو ته خصوصي پام وکړي.

د ياد وړ ده چې شمالي سيمې په تېرو وختونو کې د ترهه ګرۍ له کبله ډېرې اغېزمنې شوې وې خو په تېرو څلور کلونو کې دا سيمې يو وارې بيا ابادې شوې وې او د پاکستان پشمول د بهر هېوادونو نه د سېلګرۍ په غرض د خلکو راتګ پېل شوی ؤ.

د حکومت له خوا هم د سېلګرۍ لپاره خصوصي قانون جوړ کړی شوی او د دې سيمو د پرمختيايي کارونو لپاره د بهر هېوادونو مرستې هم ترلاسه کړې وې.

په خېبرپښتونخوا کې د سېلګرۍ د يوې کمپنۍ مشر عظمت اکبر دريځ لري چې په شمالي سيمو کې شاوخوا يو مليون خلک د دې روزګار سره تړلي دي خو اوس هلته ټولې هوټلې بندې دي. د ده په وينا چې د سېلګرۍ د کاروبار نه په تېرو څلورو کلونو کې د پاکستان خزانې ته اته اربه روپۍ ګټه ورکړل شوې وه.

نوموړی ادعا کوي چې د ۲۰۲۵م پورې پاکستان ته د سېلګرۍ نه د سل اربه روپۍ ګټې اميد ؤ.

بل اړخ ته څېړونکي وايي چې د کرونا وايرس له امله د پاکستان قامي هوايي شرکت پي اي ای څلور اربه روپۍ زيان سره مخ شوې.

د دې ترڅنګ د کرونا وايرس نه د هوايي سفر د ټکټ، ګاډو او هوټلو روزګار سره تړلي خلک ډېر اغيزمن شوي دي.

څېړنې وايي چې د خېبرپښتونخوا د شمالي سيمو ۷۰ فيصده خلک د سېلګرۍ د کاروبار سره تړلی دی. دا وخت په سوات کې ۴۰۰ ،سکردو کې ۲۰۰،کاغان او ناران کې ۵۰۰ او په هنزه سيمه کې ۳۵۰ هوټلې د کرونا وايرس له امله بندې شوې دي د کوم وروسته چې دلته کار کوونکي هم بې روزګاره شوي دي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG