لاس رسیدونکی لینک

تازه خبر

پاکستان

صدر علوي: حکومت او دیني عالمان په روژه کې د عبادت لپاره په 20 وړاندیزونو موافق شوي دي

د پاکستان صدر - ولسمشر ډاکتر عارف علوي د دیني عالمانو سره کتنې وروسته ویلي چې د خلکو او جوماتونو لپاره د روژې په بزرګه - زبرګه میاشت کې د عمل کولو لپاره د شلو ټکو پلان باندې موافقه شوې ده.

ښاغلي علوي یو مطبوعاتي کانفرانس کې وویل: "روژه د عبادت میاشت ده او مسلمانان دې میاشت سره ډیره مینه لري. لازمه وه چې د هر ډول فېصلې- پریکړې د کولو د مخه د حکومت وړاندیزونه او دیني عالمانو وړاندیزونه راټول شي ".

د صدر عارف علوي په مشرۍ کې د هیواد څلورو صوبو کې د عالمانو سره د ویډیو لینک دلاری شوي غونډی وروسته یوه ګډه اعلامیه هم خپره شوې ده.

بیان کې ویل شوي چې په جوماتونو او امام باړو کې به قالینونه او دری نه غوړول کیږي.

د روژی ماتي او د پیش ماني غونډې به نه تنظیمیږي. د لمانځه وړاندی او وروسته غونډو به مخنیوی کېږي. په کومو جوماتونو کې غولي شته نو باید لمونځونه د کوټو او د هالونو پرځاې بهر وشي.

اعلامیه کې ویل شوي چې د50 کالو نه ډیر عمر لرونکي ، کوچنيان، د ټوخي ، نزله او زکام ناروغان به جوماتونو ته نه ورځي.

د تراویح لمونځ به د جومات په انګړ-غولي کې ترسره کیړي. په کورونو کې د تراویح لمونځونو کولو هم ټینګار شوی دی.

په پاکستان کې د دیني مدرسو د مرکزي دفتر "وفاق المدارس العربیه" ګڼ شمېر دیني عالمانو او د جوماتونو ملا امامانو حکومت ته خبرداری ورکړی و چې په جوماتونو کې دې د جماعت پر لمونځونو نور اضافي بندیزونه نه لګوي.

د رایټرز خبري ایجنسۍ د وروستي خبر له مخې په پاکستان کې په کرونا وایرس اخته شاوخوا ۶۰ فیصده کسان له سعودي او ایرانه را ستانه شوي عمره کوونکي او شیعه زیارت کوونکي او یا هم د تبلیغي جماعت کسان دي.

See all News Updates of the Day

پاکستان کې د مورنیو ژبو تحریکونو زور نیولی، وړې ژبې پکې د خپلې بقاء په جګړه بوختې دي

نن په ۲۱مه فرورۍ چې په ګرده نړۍ کې د مورنیو نړیواله ورځ نمانځل کیږي، په پاکستان کې د وړو ژبو نه ور په اخوا سترې مورنۍ ژبې پښتو، سیندي، بلوڅي او آن تر دې چې د پنجابي قام مورنۍ ژبه پنجابي هم په دفتر او سکول کې د اردو مقابله نه شي کولى )(فایل فوټو)
نن په ۲۱مه فرورۍ چې په ګرده نړۍ کې د مورنیو نړیواله ورځ نمانځل کیږي، په پاکستان کې د وړو ژبو نه ور په اخوا سترې مورنۍ ژبې پښتو، سیندي، بلوڅي او آن تر دې چې د پنجابي قام مورنۍ ژبه پنجابي هم په دفتر او سکول کې د اردو مقابله نه شي کولى )(فایل فوټو)

څېړونکي وایي که څه هم پاکستان کې د هر کال په تېرېدو سره د مورنیو ژبو د ودې تحریکونه اؤ غږونه زور نیسي خو ددې باوجود هم ماضي کې د ژبو په شخړه مات شوي دغه هېواد کې د اردو په مقابله کې نورو ژبو ته هیڅ ارزښت نه ورکول کیږي اؤ په ملک کې ویل کېدونکو وړو ژبو ته د خپلې بقاء خطرې ورپېښې دي.

نن په ۲۱مه فرورۍ چې په ګرده نړۍ کې د مورنیو نړیواله ورځ نمانځل کیږي، په پاکستان کې د وړو ژبو نه ور په اخوا سترې مورنۍ ژبې پښتو، سیندي، بلوڅي او آن تر دې چې د پنجابي قام مورنۍ ژبه پنجابي هم په دفتر او سکول کې د اردو مقابله نه شي کولى اؤ دغه ټولې ژبې د اردو په مقابله کې د خپلې بقاء په جګړه بوختې دي.

دا په داسې حال کې ده چې پروسکال د پاکستان د سيند صوبې په اسمبلۍ کې متفقه قرارداد منظور شوی ؤ چې په صوبو کې ويل کېدونکې ژبې سيندي، پښتو، پنجابي او بلوچي دې قامي ژبې وګرځول شي خو د یو کال په تېرېدو سره هم دغه قرارداد ته بیا هیڅ پام نه دی ګرځول شوی.

همدا شان پروس کال د اکتوبر په میاشت کې د خېبر پښتونخوا نګران حکومت د پېښور هايي کورټ د فيصلې په رڼا کې شخصي تعليمي ادارو ته امر کړی ؤ چې پښتو او نورې سیمه یيزې ژبې دې د نصاب برخه جوړې کړي او ماشومانو ته دې په دې ژبو کې زده کړې ورکول پیل کړي خو د پښتونخوا د حکومت اؤ عدالت دغه پرېکړې تر اوسه نه دي عملي شوي.

په پاکستان، په ځانګړي توګه خېبر پښتونخوا او بلوچستان ایالتونو کې نن په 21مه فرورۍ ګڼ شمیر سیاسي ګوندونو، ولسي تحریکونو، ادبي تنظیمونو او مدني ټولنې د مورنۍ ژبې پښتو په پلوۍ د غونډو، سیمینارونو او مباحثو تابیا کړې ده.

پښتو په پاکستان کې دویمه لویه او د 18.24 فیصد خلکو مورنۍ ژبه ده. په اوله شمېره پنجابي ده چې د پاکستان بیورو آف سټیټسټکس د شمېرو ترمخه د 38.87 فیصدي پاکستانیانو مورنۍ ژبه ده.

اردو، چې د پاکستان قومي ژبه ټاکل شوي ده، د پنجابۍ او د پښتو نه وروسته په پینځمه درجه ده چې 7.08 فیصد خلک یې د مورنۍ ژبې په توګه وايي خو د دې باوجود هم د پاکستان پښتون میشتو سیمو کې اردو د مکتب او دفتر ژبه ده او پښتو د مکتب، دفتر او د روزګار د ژبې حیثیت نه لري.

د ژبې په شخړه د پاکستان ماتېدل:

په 21مه فرورۍ کال 1952 کې د ختیځ پاکستان (اوسنۍ بنګله دیش) په پلارمینه ډهاکه کښې د طالب علمانو لخوا بنګالۍ ژبې ته د قامي ژبې د درجې ورکولو لپاره راجوړ شوي لاریون باندې د پوځ لخوا ډزې شوې وې چې ګڼ شمېر طالب علمان پکې وژل شوي او ژوبل شوي وو.

په دغه پېښه کې د وژل شوو او ژوبل شوو طالب علمانو قربانۍ ته د درنښت ورکولو په موخه وروسته ملګرو ملتونو 21مه فروري د مورنیو ژبو د نړیولې ورځې په توګه اعلان کړه.

وتلی لیکوال اؤ خبریال ښاغلی روښان یوسفزی وایي هر څو که په ماضي کې پاکستان هم د ژبو په شخړه دوه ټوټې شوی خو بیا هم دلته ریاست په بې منطقه ډول د اردو په مقابله کې د نورو وړو اؤ سترو ژبو سره د زیاتي اؤ استحصال لړۍ دوامداره ساتلې .

وي او ای ډیوه سره خبرو کې هغه وایي ، په مورنۍ ژبه زده کړې د هر ماشوم بنیادي حق دی اؤ دا حق حتی ملګرو ملتونو هم منلی دی خو دلته اردو اؤ انګریزي د خلکو په ذهنونو کې داسې کښېنول شوې ده چې اوس د خېبر پښتونخوا په سکولونو کې استاذان ماشومان پخپله مورنۍ ژبه پښتو له خبرو کولو هم منعې کوي.

د روښان یوسفزي په وینا د نړۍ د څومره پرمخ تللو هیوادونو تاریخونه که مطالعه کړل شي نو هغوي ترقي په پردو ژبو کې نه ده کړې بلکې په خپله ژبه کې یې کړه خو له بده مرغه پاکستان لګیا دی په پردۍ ژبه کې په زده کړو کولو کې د ترقۍ خوبونه ویني چې دا به هیڅ تعبیر ونه لري.

هغه وایي په روس،چین ،جاپان اؤ داسې نورو ګڼو هیوادونو کې انګریزي نه ویل کیږي خو هغوي نن ډیر پر وړاندې تللي دي اؤ ډیره ترقي یې کړې ده.

د نوموړي وینا وه چې د ډيرو ژبو زده کړه یو انسان د نړۍ سره اشنا کولی اؤ په علومو سمبالولی شي خو وایي کومه زده کړه چې په مورنۍ ژبه کې کیږي هغه هیڅکله په پردۍ ژبه نه کیږي.

پروسکال د سیند اسمبلۍ ښځینه غړې هیر سوهو صوبایي اسمبلۍ ته قرارداد وړاندې کړی ؤ سيندهي، پښتو، پنجابي او بلوچي دې قامي ژبې وګرځول شي.

هیر سوهو د ډیوه خبریال فضل عزیز سره خبرو کې ویلي وؤ،په هند کې دا وخت 26 ژبو ته د قامي ژبو درجه ورکړی شوې ده ځکه دوی هم غواړي چې په پاکستان کې دې سیندي، پښتو، پنجابي او بلوچي ژبې قامي ژبې کړی شي.

سوهو غوښتنه کړې وه چې د ۱۸م اييني بدلون وروسته دې صوبو ته دا واک هم ورکړی شي چې په صوبو کې کومې نورې ژبې ويل کيږي او صوبه وغواړي چې سیمه ييزه ژبو ته د صوبايي ژبې حیثيت ورکوي چې دغه واک لري.

سیند اسمبلۍ کې هر څو دغه قرارداد په ګډ ډول منظور کړی ؤ خو وروسته بیا تر اوسه دغه موضوع ته څه پام نه دی راګرځول شوی.

د ملګرو ملتونو د ذیلي ادارې یونیسکو له مخې دا مهال د حکومتونو ،ولسي ادارو اؤ اکیډمک ټولنو له لوري دستاویز شوې په ټوله نړۍ کې 8324 ژبې وجود لري چې ویل کیږي یا هم علامتي دي. په دې 8324 ژبو کې خوا و شا 7000 ژبې اوس هم ویل کیږي..


د کارپوهانو په وینا د رسمي پیژندل شویو ژبو کې 1500 ژبې پکې د ورکېدو په درشل کې دي. ‎

ډېره اسماعیل خان: د امنیتي ځواکونو اؤ وسله والو نښته کې د یو "ترهګر" د وژلو دعوه شوې

پوځ وایي د دغو عملیاتو په مهال د امنیتي ځواکونو اؤ ترهګرو ترمنځ سخته نښته شوې اؤ پکې یو هغه ترهګر وژل شوی چې په امنیتي ځواکونو بریدونو اؤ هدفي وژنو کې ککړ ؤ. (فایل فوټو)
پوځ وایي د دغو عملیاتو په مهال د امنیتي ځواکونو اؤ ترهګرو ترمنځ سخته نښته شوې اؤ پکې یو هغه ترهګر وژل شوی چې په امنیتي ځواکونو بریدونو اؤ هدفي وژنو کې ککړ ؤ. (فایل فوټو)

د پاکستان پوځ وایي د خېبر پښتونخوا په ډیره اسماعیل خان سیمه کې د امنیتي ځواکونو اؤ ترهګرو ترمنځ سخته نښته شوې چې پکې یو ترهګر وژل شوی دی.

د پوځ ویاندې ادارې ( آی ایس پي ار) ویلي امنیتي ځواکونو د نهې - سه شنبې په ورځ د استخباراتي معلوماتو په اساس ډیره اسماعیل خان سیمه کې د ترهګرو پرضد عملیات کړي دي.

پوځ وایي د دغو عملیاتو په مهال د امنیتي ځواکونو اؤ ترهګرو ترمنځ سخته نښته شوې اؤ پکې یو هغه ترهګر وژل شوی چې په امنیتي ځواکونو بریدونو اؤ هدفي وژنو کې ککړ ؤ.

خو د پوځ بیان کې بیا د وژل شوي وسله وال په اړه نور تفصیلات مخې ته نه دي راوړل شوي.

پوځ ویلي چې د ترهګرو لټونې لپاره په سیمه کې د امنیتي ځواکونو عملیات روان دي اؤ د سیمې خلکو د ترهګرۍ د لعنت ختمولو لپاره د پوځ عملیات ستایلي اؤ د مرستې باور یې ورکړی دی.

په ۱۰مه فرورۍ ډېره اسماعیل خان ضلعه کې په پولیسو د وسله لخوا شوي برید کې يو پولیس افسر مرستیال اېس ایچ او دین محمد شیراني وژل شوی ؤ او په ځوابي برید او د ډزو تبادله کې د درېو وسله والو د وژلو دعوه هم شوې وه.

په نزدې وختونو کې په ډیره اسماعیل خان سیمه کې په امنیتي ځواکونو د وسله والو بریدونو لړۍ زیاته چټک شوې اؤ په دې بریدونو کې یو شمیر پولیس عسکر وژل شوي اؤ ژوبل شوي دي.

د فرورۍ په پینځمه هم د ډیره اسماعیل خان درابڼ تحصیل په چودوان سیمه کې د پولیسو په تاڼه وسله والو یو ډله ییز برید کړی ؤ چې پکې لس پولیس اهلکار وژل شوي او شپږ نور ژوبل شوي وو.

‎د دغه برید ‌‌ذمه واري تحریک طالبان پاکستان منلې وه.

د فرورۍ په اتمه د عامو انتخاباتو په ورځ کلاچي سیمه کې په پولیسو دوه بیلا بیل بریدونه شوي وؤ چې په یوه چاودنه کې پینځه پولیس اهلکار وژل شوي او دوه ژوبل شوي او په بل برید کې څلور پولیس اهلکار ژوبل شوي وو.

‎د دغو بریدونو وروسته د ډېره اسماعیل خان پولیسو مشر محمد ناصر ستي ويلي وو د عسکرو په تاوان حالات په قابو کې دي او چاته به د ګډوډي اجازه ور نه کړي.

خبریال ناصر داوړ وايي له دغو بریدونو څرګنده کیږي نه یوازې ډېره اسماعیل خان بلکې د صوبې جنوبي ضلعو کې وسله وال منظم نیټ ورک لري.

پاکستان کې د شخړو او امنيت د مطالعاتو څيړنيزې غېر حکومتي ادارې پاکستان انسټيتیوټ فار کانفلیکټ اینډ سیکورټي سټډیز (پېکسس) ويلي، د روان کال په لومړۍ مياشت کې وسله وال فعاليتونه 102 فيصده سېوا شوي دي.

‎په رپورټ کې ویل شوي، په جنورۍ 2024م کې په ملک کې 93 وسله وال بريدونه شوي، 90 کسان پکې وژل شوي، 135 ژوبل شوي او 15 تښتول شوي دي.

د پيکس د رپورټ ترمخه، تېره میاشت په وژل شوو کې 41 ملکي وګړي، 37 امنیتي اهلکار او 12 وسله وال شامل وو، دغه ډول 81 ملکي وګړي او 54 امنیتي اهلکار ژوبل شوي هم دي.

امریکې حکومت سازي د پاکستان کورنۍ معامله بللې خو انتخاباتو کې د درغلیو د تورونو پلټنې یې غوښتي

واشنګټن کې رسنیو ته د احوال تېرولو په وخت چې کله د امریکې د بهرنیو چارو د محکمې ویاند نه پاکستان کې ترسره شوؤ انتخاباتو کې د درغلیو اؤ د حکومت سازۍ په اړوند پوښتنې وشوې نو هغه وویل حکومت سازي د پاکستان کورنۍ چاره ده چې امریکا پکې کار نه لري.
واشنګټن کې رسنیو ته د احوال تېرولو په وخت چې کله د امریکې د بهرنیو چارو د محکمې ویاند نه پاکستان کې ترسره شوؤ انتخاباتو کې د درغلیو اؤ د حکومت سازۍ په اړوند پوښتنې وشوې نو هغه وویل حکومت سازي د پاکستان کورنۍ چاره ده چې امریکا پکې کار نه لري.

د امریکې د بهرنیو چارو د محکمې ویاند میتهیو ملر پاکستان کې حکومت سازي د دغه هیواد خپله کورنۍ معامله بللې ده اؤ ویلي یې دي چې امریکا د پاکستان په کورنیو معاملاتو کې نه پریوځي.

تېره ورځ واشنګټن کې رسنیو ته د احوال تېرولو په وخت چې کله د امریکې د بهرنیو چارو د محکمې ویاند نه پاکستان کې ترسره شوؤ انتخاباتو کې د درغلیو اؤ د حکومت سازۍ په اړوند پوښتنې وشوې نو هغه وویل حکومت سازي د پاکستان کورنۍ چاره ده چې امریکا پکې کار نه لري.

خو انتخاباتو کې د ټګۍ د تورونو په اړوند بیا ښاغلي ملر وویل چې انتخاباتو کې د لاسوهنې اؤ درغلیو کومې دعوې مخې ته راغلي د هغې بشپړه اؤ رڼې پلټنې باید وشي.

هغه ویلي د درغلیو اؤ مداخلې د تورونو پلټنې د پاکستان د خپلو قوانینو اؤ طریقه کار مطابق پکار دي.

د هغه وینا وه چې کله چې د مداخلې کومه دعوه یا تور مخې ته راځي نو بیا مونږ د هغې بشپړه پلټنې لېدل غواړو.

په اتمه فرورۍ پاکستان کې د انتخاباتو په مهال د موبایل فون اؤ انټرنیټ خدمات ځنډول شوي وؤ چې په دې د پاکستاني ولس اؤ سیاسي ګوندونو تر څنګ د نړۍ یو شمیر ملکونو اؤ ادارو هم اندېښنې ښودلي اؤ دا عمل یې انتخاباتو کې د ټګۍ لپاره بللی دی.

ویاند میتهیو ملر ویلي چې امریکا په ګرده نړۍ کې د انټرنیټ د ازادۍ پلوي ده.

د پاکستان دننه د انتخاباتو د نتیجو خلاف بیا بیلا سیاسي ګوندونو د احتجاجونو لړۍ هم پېل کړې ده .

دغه سیاسي ګوندونه تورونه لګوي چې انتخاباتو کې اسټبلشمنټ ښکاره لاس وهنه کړې ده اؤ د انتخاباتو نتیجې یې بدلې کړې دي.

د راولپنډۍ ډويژن پخواني کمشنر لیاقت علي چټهه تېره اوونۍ یو مطبوعاتي کانفرنس ته د وینا په مهال اعتراف کړی ؤ چې هغوي د انتخاباتو نتیجې بدلې کړي اؤ بایللي کاندیدان یې په کامیابو کاندیدانو د پاسه راوستي دي

حتی ځېنو سیاسي مشرانو خو بیا تر دې حده تورونه لګولي چې په انتخاباتو کې ځېنو کاندیدانو د خپلو څوکیو ګټلو لپاره باقاعده قیمت ادا کړی دی خو الیکشن کمیشن اؤ د پاکستان نګران حکومت بیا دا تورونه په سختۍ سره رد کړي اؤ ویلي یې دي چې پاکستان کې شوي انتخابات له درغلیو پاک وؤ.

د پاکستان خارجه وزارت انتخاباتو کې د درغلۍ په اړوند د نړیوالو هیوادونو اندېښنې بې ځایه بللي دي اؤ ویلي یې دي چې دا انتخابات د پاکستاني ولس د خاصې خوښۍ وړ وؤ اؤ هغوي په جذبې سره له کورونو د رایو مرکزونو ته ورغلي اؤ د رایې له لارې یې خپل مشران ټاکلي دي.

د ملګرو ملتونو کارپوهان: جنسي اپارتایډ دې جرم وګرځول شي

د یو مثال یا د بېلګې په توګه افغانستان ته د پام اړولو سره، کارپوهانو ادعا کړې چې په حقیقت کې د طالبانو حکومت د جنسیت پر بنیاد د "توپیر، ظلم او تسلط" نظام ته اداري بڼه یا شکل ورکړی دی.  
د یو مثال یا د بېلګې په توګه افغانستان ته د پام اړولو سره، کارپوهانو ادعا کړې چې په حقیقت کې د طالبانو حکومت د جنسیت پر بنیاد د "توپیر، ظلم او تسلط" نظام ته اداري بڼه یا شکل ورکړی دی.  

د ملګرو ملتونو د کارپوهانو یوې ډلې له نړیوالې ټولنې غوښتي چې په افغانستان کې د طالبانو په څېر د حکومتونو لاندې پر ښځو او جینکو سخت ظلمونه په ګوته کړي، او په رسمي توګه د " جنسیت پر اساس اپارتایډ " د بشریت پرضد جرم وګرځوي.

د ملګرو ملتونو د بشري حقونو له ادارې سره کارکوونکي د امریکا ، چین، مکسیکو، یوګنډا او سربیا د کارپوهانو پنځه کسیزه ډلې ویلي چې دا پیژندنه لا ډېر وخت نه د تاخیر یا ځنډ ښکار ده.

د نهې/سه شنبې په ورځ د ملګرو ملتونو د کار پوهانو په یوه بیان کې وویل: "جنسي اپارتایډ یوازې یو نظریاتي امکان یا قانوني جوړښت نه دی بلکې په ټوله نړۍ کې د میلینونو ښځو او جینکو لپاره یو ریښتینی خطر او ژوندی حقیقت دی - یو داسې حقیقت چې اوس مهال په نړیوال قانون کې په څرګنده توګه نه دی لیکل شوی."

د یو مثال یا د بېلګې په توګه افغانستان ته د پام اړولو سره، کارپوهانو ادعا کړې چې په حقیقت کې د طالبانو حکومت د جنسیت پر بنیاد د "توپیر، ظلم او تسلط" نظام ته اداري بڼه یا شکل ورکړی دی.

د واک تر لاسه کولو راهیسې، طالبانو ښځې او جینکې د ثانوي زده کړو، د زیاتو کار کولو ځایونو، د ډېرو تفریحي فعالیتونو، او په اوږده واټن کې د سفر کولو څخه منع کړې دي.

د ملګرو ملتونو کارپوهانو وویل: "ریاستي قانونونه، پالیسۍ او عمل چې ښځې د سختې نابرابرۍ او د جبر شرایطو سره مخ کوي، او د دې ارادې سره چې په اغیزمنه توګه د هغوي حقونه ، د نسلي اپارتایډ د نظام اصلي بڼه ښي."

دوی د ملګرو ملتونو د عمومي اسمبلۍ له شپږمې کمیټۍ څخه غوښتنه کوي چې د دوهمې مادې لاندې جنسي اپارتایډ اضافه کولو باندې غور وکړي، کوم چې د بشریت ضد د جرمونو مخنیوی او سزاګانو په اړه دی.

د تېر کال په اوږدو کې د بشري حقونو ډلو او د ښځو د حقونو مبارزینو دغه ډول غوښتنې کړي او له نړیوالې ټولنې یې غوښتي چې د طالبانو د جابرانه پالیسو پر وړاندې ګامونه واخلي.

کریمه بینون، چې میشیګان پوهنتون کې د قانون سکول کې د نړیوال قانون پروفېسره ده وي او اې ته په خپل تبصرو کې لیکلي : "د نسلي اپارتایډ په اړه د نړیوال قانون څخه اخیستل شوی، 'جنسي اپارتایډ' په دې خبره ټینګار کوي چې توپیري چلند پخپله د حکومت نظام جوړ شوی دی."

کریمه بینون زیاته کړه: "د افغان ښځو د بشري حقونو فعالین ټینګار کوي چې طالبان نه یوازې د ښځو د حقونو په ساتلو کې پاتې راغلي دي - بلکې په ښځو ظلم د دوی د حکومتي نظام مرکزي او د فلسفې اصلي برخه ده."

د نړیوالې ټولنې لخوا په رسمیت د نه پیژندنې او د ترهګرۍ له وجې د بندیزونو باوجود، طالب چارواکي د اسلامي او کلتوري ارزښتونه د جنسیت پر بنیاد د خپلو بندیزنو دفاع کوي.

شهباز شریف به وزیراعظم او اصف زرداري به صدر ، مسلم ليګ نواز او پيپلز ګوند ايتلافي حکومت په جوړولو موافقه کړی

Photo Credit: PPPMediaCell
Photo Credit: PPPMediaCell

پاکستان مسلم لیګ (ن) اؤ پاکستان پیپلز پارټۍ د ګډ حکومت په جوړښت اتفاق ته رسېدلي.

د دغه موافقې ترمخه به د مسلم لیګ (ن) شهباز شریف به د وزیر اعظم د څوکۍ امیدوار وي او د پيپلز ګوند اصف علي زرداري به د صدر د څوکۍ امیدوار وي.

په اسلام اباد کې د بلاول بوټو زرداري او شهاز شریف تر منځ له خپلو پلاوو سره تر تفصیلي لیدو وروسته په یوه ګډه خبري غونډه کې بلاول بوټو وویل چې دغه اتحاد کې هېواد له بحرانه د ویستلو، د اقتصاد د سمبالولو او په هېواد کې د تقسیم د ختمولو لپاره شاملیږي.

خبري غونډې ته دوينا په مهال بلاول بوټو زرداري وويل د حکومت جوړولو لپاره زمونږ شميره مکمله ده، شهباز شريف به يو ځل بيا وزيراعظم جوړ شي.


په دغه موقع د وزيراعظم لپاره د نواز ليګ لخوا نومول شوي امیدوار او پخواني وزیراعظم شهباز شريف وويل که ازادو غړو حکومت جوړولی شو، او د هغوي شميرې پوره وې نو دوی (مسلم لیګ) به په اپوزيشن یا مخالفه ډلو څوکیو کېنستل خوښ کړی وی ، خو د هېواد د پرمختیا او د سوکالۍ لپاره دوی یو ایتلافي حکومت جوړوي.

په دې موقع پخواني صدر اصف علي زرداري وويل دراتلونکو نسلونو لپاره په گډه کار کولو ته تيار دى.

د مسلم ليګ نواز او د پیپلز ګوند لخوا د ګډ حکومت جوړولو د اعلان وروسته ، پاکستان تحریک انصاف په اېکس (پخواني ټويټر) يو پوسټ کې په مخالف ګوندونو د مېنډېټ (د خلکو د ورکړل شوو رایو) د غلا کولو تور پورې کړو.



پيپلز پارټي د مسلم ليګ (ن) د وزیراعظم اميدوار ته ووټ ورکولو رضامنده ده او د ګوند مشرانو لخوا هم څرګندونه شوې ده. خو پيپلز ګوند غوښتل چې په حکومتي ایتلاف کې شاملیدو سره د پاکستان د صدر څوکۍ ترلاسه کړي. او اوس دواړو ګوندونو د پيپلز ګوند مشر او پخوانی صدر اصف علي زرداري یو ځل بیا د هېواد صدر په جوړولو اتفاق کړی دی.

د وي او اې اردو څانګې سرچينو ترمخه په یو داسې تجویز هم کار روان دی چې پیپلز ګوند ته په مرکزي کابینې کې هغه وزارتونه ورکړل شي چې په سختو فېصلو کې نېغ په نېغه دخيل نه وي او پیپلز ګوند په وفاقي کابينه کې په شامیلدو اتفاق وکړي.

د دغه سرچينو ترمخه هغه وزارتونه چې د پي ټي ايم په حکومت کې د جمعيت علماء اسلام سره وو هغه به هم پيپلز پارټۍ ته ورکړل شي. اوس به دا ولیدل شي چې د نن ورځې د اعلان وروسته به څه قسمه وړاندیز مخې ته راځي.


په قامي اسمبلۍ کې مسلم لیګ (ن) 75، پيپلز ګوند 54، اېم کیو اېم 17 او د دوی نورو همخیالو ګوندونو هم څوکۍ ګټلي. دا شمېرې ښيي چې که دوی وغواړي نو اسلام اباد کې مخلوط حکومت جوړولی شي.

په قامي اسمبلۍ کې د تحریک انصاف د ملاتړو کامیابو ازادو غړو شمېر 93 دی.

پاکستان تحریک انصاف ګوند وايي، په مرکز، پنجاب او خېبرپښتونخوا کې به حکومتونه جوړوي او د پيپلز ګوند، مسلم ليګ ن او اېم کيو اېم ډلې نه ‏علاوه د نورو ګوندونو سره رابطې کوي.‏

پاکستان کې په اتمه فرورۍ ترسره شوو انتخاباتو باندې بېلابيل سياسي ګوندونه نيوکې کوي او د درغلۍ تورونه لګوي، سياسي ګوندونو د درغليو د ‏تورونو په سر احتجاجونه او مظاهرې هم کوي.‏

پاکستان کې په انتخاباتو نه يواځې په ملک کې دننه سیاسي ګوندونه د درغلۍ تورونه لګوي او احتجاجونه کوي، بلکې امریکې، برتانيې او يورپي يونين ‏هم د پاکستان په انتخاباتو کې د ګډوډي او تحفظاتو څرګندونه کړې او پلټنو غوښتنه یې کړې ده.‏

د پاکستان نګران وزيراعظم انوار الحق کاکړ انتخاباتو ته منصفانه ويلي او الېکشن کمېشن د درغليو تورونه رد کړي دي.

یادونه: د دې خبر ځینې معلومات د وي او اې اردو څانګې د رپورټ نه اخیستل شوي دي

نور کتل

ځانګړې ویډیوګانې

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00
XS
SM
MD
LG