لاس رسیدونکی لینک

Breaking News

په ټانک کې د جنوبي وزيرستان د خلکو احتجاجي ناسته د درېو میاشتو راهسې روانه ده


د جنوبي وزيرستان د محسود قبيلې هغه خلک چې د سروکۍ او لدهې تحصيلونو سره یې تعلق دی په ټانک کې د درېو مياشتو راهسې په احتجاج ناست دي چې د راه نجات پوځي عملياتو په مهال دوی ته د اوختي تاوان معاوضه دې ورکړی شي.

د سروکۍ او لدهې سره تعلق لرونکي محسود د جنورۍ په ۲۴ په ټانک کې د جنوبي وزيرستان د انتظاميې د دفتر مخې په احتجاج ناست ؤ کومه ناسته چې اوس هم دوام لري.

د احتجاجي ناستې يو مشر شاه فېصل غازې وايي د دوی درې غټې غوښتې دي، چې د راه نجات په وخت په کومو علاقو کورونه وران شوي او د هغو سروی نه ده شوې په سمدستي ډول دې د هغو سروی وشي.

هغه وويل دوېمه دا چې د کومو کورونو سروی شوې هغو ته دې فوري امدادي مرستې ورکړی شي او درېم دا چې کوم ړنک کورونه په تېر سروی کې پاتې شوي د هغو دې بيا سروی وکړی شي.

وي او ای ډیوه سره په خبرو کې هغه وويل تراوسه پورې د دوی يوه غوښتنه ونه منل شوه ځکه دوی په احتجاج لاس پورې کړو.

په جنوبي وزیرستان کې په کال ۲۰۰۹م کې د راه نجات په نوم د تندلارو وسله والو پرضد د پاکستان پوځ عمليات کړي چې له امله يې نزدې ۷۲ زره کورنۍ کډه شوې وې.

د هغه د وخت انتظاميې په وېنا دغه خلک چې کله بیرته علاقې ته ستنول کېده نو د دوی شمېره د یو نيم لک کورنيو پورې وه.

د قبايلي سيمو دپاره د افتونو په وخت د انتظام اداره (پي ډي اېم ای) وايي په جنوبي وزيرستان کې د عملياتو وروسته په ترسره شوې سروی کې دوی ۹۰ زره وران کورونه شمار کړي دي او د سروی عمل اوس هم روان دی.

اداره پخلی کوي چې په دغه سروی کې د ۴۷ زرو کورونو پخلی شوی هغو ته به مالي مرستې ورکول کيږي او په دوی کې ۳۴ زرو ته پېسې ورکړی شوي هم دي.

حکومت د يو وران کار کور دپاره څلور لکه روپۍ او د نيم وران دپاره يو لک شپېبته زره روپۍ مرستې ورکوي.

د جنوبي وزيرستان د انتظاميې مرستيال فهيدالله وايي د کرونا وبا په مهال هر څه په ټپه ودرېدلې دي ځکه دغو خلکو ته د پېسو چيکونه نه ورکول کيږي.

وي او ای ډیوه سره په خبرو کې هغه وويل دې خلکو ته د مرستو دپاره پېسې راغلي خو د بېنکونو بندېدو له امله دغه عمل ودرول شوی او دوېم دا چې دوی دخلکو د اندراج دپار ه د فارمونو ډکولو بل تېز نظام جوړ کړی دی او په هغې هم کار روان دی.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG