لاس رسیدونکی لینک

Breaking News

اېمنسټي انټرنېشنل: پاکستان دې په عارف وزير د شوي بريد ازادې پلټنې وکړي


عارف وزير

د بشري حقونو نړیوالې ادارې اېمنسټي انټرنېشنل د پاکستاني چارواکو نه غوښتي چې د پښتون ژغورنې غورځنګ (پي ټي اېم) په غړي عارف وزير د شوي برید ازادې پلټنې دې وکړي.

په عارف وزیر د جمعې په ورځ د جنوبي وزیرستان په مرکز واڼه کې وسله وال بريد شوی هغه پکې سخت ژوبل شوی، او نن د خالي/شنبې په ورځ يې د اسلام اباد په پمز روغتون کې د سر د عملياتو (اپرېشن) په وخت ژوند د لاسه ورکړو.

اېمنسټي انټرنېشنل ويلي، "پاکستاني چارواکي دې د پښتون تحفظ مومنټ په غړي ترسره شوي پروني بريد ازاد او موثره پلټنې وکړي. په پېښه کې مشکوک دې محاسبه کړی شي".

د جنوبي وزيرستان د واڼه پوليس وايي، په عارف وزير د شوي بريد مقدمه د نامالومو کسانو پرضد درج کړی شوې او په علاقه کې د لټون عمليات روان دي.

د پي ټي اېم مشران وايي، په عارف وزير چې چا بريد کړی دوی به د دغو ترهګرو د مشرانو پرضد مبازره دوامداره ساتي.

XS
SM
MD
LG