د افغانستان د جنوبي ولايت کندهار په شاوليکوټ ولسوالۍ کې د پوليس د مرکز مخې ته په ځانمرګي بريد کې لږ تر لږه درې پوليس وژل شوي او د 14 پورې کسان ژوبل شوي چې پکې عام ملکي وګړي هم شامل دي.
د افغان رسنيو ترمخه د کندهار د والي وياند بهير احمد ويلي، ځانمرګي نن د شورو/ چهارشنبې په سهار وختي د پوليس مرکز مخې ته د موټر بم د لارې ځانمرګی بريد کړی دی.
د راپورونو ترمخه د شاولیکوټ ولسوالۍ د پوليس مرکز د ګورنر د ماڼۍ سره څنګ ته دی.
د طلوع نيوز ترمخه بهير احمد ويلي، دوی ته د وړاندې نه د ممکنه بريد خبر وه ځکه امنيتي سرتيري چمتو ؤ او ځانمرګی یې هدف ته د رسېدو وړاندې په نخښه کړی خو هغه ځان ته چاؤدنه ورکړې ده.
د برید زمه واري تراوسه چا نه ده منلې.
راپورونه وايي د افغانستان په غزني کې هم د ده يک ولسوالۍ د پوليس مشر په چاؤدنه کې وژل شوی دی.
د ځايي ميډيا ترمخه پوليس مشر حبيب الله هغه ځای ته روان ؤ چرته چې د پوليس د طالبانو سره نښته روانه وه په سړک ښخ بم پرې چاؤدلی او پکې وژل شوی دی.
پرون د نهې/ سه شنبې په سهار په ننګرهار کې هم د پوليس کاروان د موټر بم د لارې ځانمرګي په هدف کړی چې پکې د پوليس مشر په ګډون ټول اووه پوليس سرتيري وژل شوي وو.
د ننګرهار د والي وياند عطاالله خوګياڼي د پېښې په اړه ويلي ؤ چې دغه بريد په خېوه ولسوالۍ کې شوی او پوليس مشر ميرزمان پکې سره د نورو پولیس وژل شوی ؤ، په بريد کې د 11 تنو د ژوبلېدو هم ويل شوي وو.
