د افغانستان په جنوبي صوبه (ولايت) هلمند کې د افغان پوځ هيلي کاپټر بېړنۍ (هنګامي) ناسته کړې ده، دغه خبره د سيمې چارواکو کړې ده.
ځينې راپورونه وايي هيلي کاپټر غورځېدلی خو چارواکو تراوسه د دې تائيد نه دی کړی.
د هلمند د والي وياند عمر ځواک ويلي نن د ګل/ دوشنبې په سهار خواوشا لس بجې په کجکي ولسوالۍ کې د پوځ هيلي کاپټر بېړنۍ ناسته کړې او هغه پکې د دوه پوځي سرتيرو د ټپي کېدو خبر ورکړی دی.
خو راپورونه وايي د بلېک هاک دا هيلي کاپټر رالوېدلی دی.
طلوع نيوز په خپله وېب پاڼه د سرچينو له قوله ويلي، دغه هيلي کاپټر وسله والو ويشتی دی، او په داسې حال کې ویشتل شوې چې ژوبل سرتيري يې وړل.
د پېښې زمه واري هم تراوسه چا نه ده منلې.
د افغان ميډيا ترمخه کجکي د هلمند د ناامنۍ سره مخ سيمه بلل کيږي.
د پېښې په اړه نور جزيات را روان دي.
