لاس رسیدونکی لینک

تازه خبر

ترهګرو سره دمالي مرستو قضیه کې دحافظ سعید د ډلې مشرانو ته دشپاړس نیم کاله بند سزا


د ترهګرۍ دمخنیوي محکمې پاکستان کې دناچله ګرځول شوې تندروه مذهبي ډلې جماعت الدعوه دوؤ مرکزي مشرانو ته دترهګرو سره دمالي مرستو په دوسیه کې د۱۶ؤ کالو اؤ یو ته د یونیم کال دبند سزا اورولې ده.

دپنجاب سرښار لاهور کې تیره ورځ د ترهګرۍ دمخنیوي محکمه کې دجماعت الدعوه د درېوؤ مشرانو په ضد ترهګرو سره دمالي مرستو د قضیې اوریدنه جج اعجاز احمد بټر کړې ده.

ډان ورځپاڼه وایي دمحکمې دغه جج دتندروه ډلې جماعت الدعوه دوؤ مشرانو حافظ عبدالسلام اؤ پروفیسر ظفر اقبال ته د بیلابیلو دفعو په اساس ټول په ټوله دشپاړس نیمو کالو دبند اؤ دیو لک اؤ ۷۰ زره روپو دجرمانې سزا اورولې ده.

همدغه شان عبدالرحمان مکي نومې تن ته هم د جرم په ثابتیدو دمحکمې لخوا د یو نیم کال بند اؤ ۲۰زره روپو دجرمانې سزا اورؤل شوې.

د قضیې اوریدنې په مهال دترهګرۍ دمخنیوي محکمې ته د۱۰ؤ نه زیات ګواهان وړاندې کړل شوي وؤ چې د جماعت الدعوه د یادوؤ بندي مشرانو وکیلانو ددغو ګواهانو په بیانونو جرحه کړې ده.

دترهګرۍ دمخنیوي محکمې پولیسو تیرکال په لاهور،ګوجرانواله،ملتان،فیصل اباد،ساهیوال اؤ سرګودها سیمو کې د جماعت الدعوه د مشر فافظ سعید اؤ دهغه د نورو ملګرو په ضد ۲۳مقدمې درج کړې وې.

په دغو کسانو تورونه لګول شوي وؤ چې د مدرسو اؤ جوماتونو څخه د ترهګرو د مالي مرستو دپاره استفاده کوي.

سږکال دفرورۍ په میاشت کې هم محکمې په دغسې دوؤ قضیو کې دجماعت الدعوه مشر حافظ سعید اؤ ملک ظفر اقبال ته د پینځه نیم کاله د بند سزا اورولې وه.

د ځینو څېړونکو په باور د پاکستان حکومت، امنیتي ادارو او عدالتونو په تېرو څو میاشتو کې د ناقانونه وسلوالو او توندروه ډلو په ضد ګړندي ګامونه اخیستي دي چې وایي د دې تړاو د ایف اې ټي ایف له غوښتنو سره دی چې له پاکستانه د ترهګرو د مالي سرچینو بندول غواړي.

دا په نزدو ورځو کې ترهګرو سره د مالي مرستو په تور د سزا دریمه پرېکړه ده، د جون پر اتلسمه هم د لاهور د ترهګرۍ ضد عدالت د نړیوال ترهګر پېژندل شوي حافظ سعید د ډلې جماعت الدعوه څلور مشران سزا کړي وو.

خو د امریکې د بهرنیو چارو وزارت په تېرو ورځو کې پخپل کالني رپوټ کې یو ځل بیا دعوه کړې وه چې پاکستان د هغو ترهګرو په ضد ګامونه نه دي اخستي چې په هند او افغانستان کې په وسله والو بریدونو کې لاس لري چې پاکستان یې دا دعوه رد کړې ده.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG