لاس رسیدونکی لینک

تازه خبر

د مومندو د مرمرو کان د نړېدو په پېښه کې مړي 19 شول خو د نورو اندېښنه هم شته


پېښور ــــ د خېبر پښتونخوا د وزير اعلا د معدنياتو سلاکار عارف احمدزی وايي د مومندو د زيارت ماربل غر نړيدو په پېښه کې د مړو شمېر 19 ته رسېدلی او شاوخوا شل تنه ټپیان دي، خو وایي امدادي کارونه روان دي، تر کاڼو لاندې د بندو کسانو کره شمېره نه ده معلومه او انديښنه ده چې د مړو شمېر زيات شي.

عارف احمدزی وایي د مرمرو دا درنګونه خطرناک ګڼل شوي وو او کار پکې له ډېره وخته درول شوی وو. وایي پلټنې به کوي چې دا پېښه څنګه وشوه:

"په دې ځای باندې کار بند وو نو که اوس پکې د ماربلو لپاره چاودنه شوې وي دا به بالکل غیرقانوني شوې وي".

د مومندو ضلعې د صافو تحصیل په زیارت کلي کې د ماربلو یا سنګِ مرمر غر د ګل- دوشنبې په ماځیګر را وښویېد چې له کبله یې د مرمرو غټ کاڼي لاندې را ولوېدل او په درنګ کې لسګونه مزدوران تر لاندې شول.

د سیمې اوسېدونکی ایوب خان وایي دوه وروڼه یې تر کاڼو لاندې ګېر دي، وايي د ډېر غربت له وجې یې دې مرګونې مزدورۍ ته غاړه ایښې وه. ایوب خان وایي‌ د وروڼو غم بې حاله کړی دی:

"موږ اووه وروڼه وو دوه مو په دې درنګ کې ګېر دي، د یوه پینځه بچي دي د بل څلور بچي دي. غریبي وه خواري غریبي یې کوله ګوزاره مو نه کېده".

اسماعیل خان د پېښې یو عیني شاهد دی، هغه وایي دلته په سلګونو مزدوران او د ټرکونو ډرېوران موجود وي خو وایي نه د مزدورانو لپاره د کار په وخت حفاظتي انتظامات شته او نه په داسې بیړنیو حالاتو کې د ژغورنې څه انتظام موجود دی:

"دلته هیڅ بندوبست نه شته ډاکټر یې له ښار نه ورته را غوښتي وو، نه مشینرۍ راغلې، د ژغورنې خلک راشي په ګټو [ډبرو] کې وګرځي خو مشینري ورسره نه شته چې ګټې پرې اوچتې کړي".

د مومندو ډپټي کمېشنر افتحار عالم وي او اې ډيوه ته وويل په ملبه کې له څلوېښتو تر پینځوسو پورې کسانو د ګېرېدو اطلاع ورته شوې ده خو وایي په کره توګه هيڅ نه شي ویلای چې څومره کسان د ملبي لاندې شوي دي.

په زيارت ماربل غر کې ګڼ شمېر درنګونه دي چې د بارودي موادو په وسیله ماربل ترې را ایستل کيږي او د روزانه په حساب ترې په لسګونو ټرکه ماربل وړل کيږي، ځايي خلک وايي په درنګونو کې د داسې بيړني حالت د پاره کوم انتظام نه شته خو نیزدې ورته په مامد ګټ سيمه کې يو روغتون جوړ شوی دی.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG