لاس رسیدونکی لینک

Breaking News

شمالي وزيرستان: د نامالومه کسانو په ډزو کې يو ډاکټر وژل شوی دی


د شمالي وزيرستان په میرعلي بايي پاس تيره شپه د نامالومه کسانو په ډزو کې يو ډاکټر وژل شوی دی، پوليس دغه پېښه تاييدوي.

په شمالي وزيرستان د زيارت په ورځ پوځ ویلي ؤ چې په دوه بېلابيلو عملياتو کې درې پوځي سرتيري او دوه ترهګر وژل شوي وو.

د شمالي وزيرستان د پوليس مشر (ډي پي او) شفيع الله وي او ای ډيوه سره په خبرو کې وويل، دغه پېښه تيره شپه ناوخته رامنځته شوې ده.

هغه وويل د نامالومه اړخ نه ډز شوی او ډاکټر چې د درېو نورو کسانو سره په ګاډي کې روان ؤ په ډز لګېدلی دی.

د پوليس افسر په وېنا د پېښې پلټنې پېل کړی شوي دي تراوسه يې علت نه دی مالوم شوی.

پوليس وايي وژل شوی ډاکټر ولي الله نوميږي، او هغه د بنو مېډېکل کالج پتهالوجي پروفېسر ؤ.

ځايي خلک وايي د وژل شوي ډاکټر پلارنی کلی د ميرعلي ارمز کلی دی. هغه کلي ته روان ؤ او په لار کې په هدف شوی دی.

ويل کيږي ډاکټر به د خالي/شنبې او اتوار/يکشنبې په ميرعلي کې کلېنک چلولو.

د پېښې زمه واري تراوسه چا نه ده منلې.

د خېبرپښتونخوا د ځوانانو ډاکټرانو تنظيم (وايي ډي ای) د پېښې غندنه کړې او ویلي يې دي د وژل شوي ډاکټر د چا سره شخصي دښمني نه وه.

دوی ويلي ډاکټر په داسې ځای کې په هدف شوی چې دغه علاقه پوځ پاکه کړې ده.

په شمالي وزيرستان کې وخت په وخت د امنيتي ځواکونو د نښتو، بمي چاؤدنو او هدفي وژنو پېښې مخې ته راځي.

په شمالي وزیرستان کې د ډاکټر د وژنې پېښه په داسې وخت کې رامنځته شوې چې په ياد بايي پاس د تيرو شپرو راهسې يوه احتجاجي ناسته هم دوام لري.

په 23دسمبر په میرعلي بايي پاس په پوځ يو وسله وال بريد شوی چې پکې د پوځ په وېنا يو پوځي سرتيری وژل شوی او اووه نور ژوبل شوي وو، پوځ ويلي ؤ په ځوابي ډزو کې يې دوه ترهګر هم وژلي وو.

د يادې پېښې وروسته په علاقه کې د لټون عمليات شوی او ځايي خلک دعوه کوي چې پوځ څلور تنه نيولي دي.

پوځ په خپله د کسانو نيولو په اړه څه نه دي ويلي او د سيمې د پوليس مشر (ډي اېس پي) قدرت الله وايي نيول شوي کسان د پوليس سره نه دي د پوځ سره دي او دغه عمليات هم پوليس کړي دي.

په احتجاجي پرلت ناست خلک وايي نيول شوي کسان دې خوشي شي يا دې عدالت ته وړاندې کړی شي.

XS
SM
MD
LG