پاکستان کې د دارو درملو د څار دولتي ادارې “ډریپ”د کرونا ضد دیو بل ویکسین دکارؤلو په بېړني ډول منظوري ورکړې ده.
پاکستاني مطبوعاتو دجمعې په ورځ د دارو درملو دڅار د ادارې دسرچینو له خولې ویلي چې د کرونا ویک په نوم دچین جوړ دا ویکسین له دې وړاندې په چین ،برازیل.انډونیشیا،ترکي اؤ یو شمیر نورو هیوادونو کې هم کارؤل شوي دي.
د کرونا ویک په نوم دا ویکسین د دوؤ نه تر اته ډګري سینټي ګريډ کې اېښودل کیدی شي .
د کرونا وایرس په ضد دا پینځم ویکسین چې د کارؤل کیدو منظوري یې ورکړل شوې ده اؤ ددې ویکسین وړتیا د 50 نه تر 60 فیصدي ښودل شوې ده.
پاکستاني مطبوعات وایي ددې ویکسین افادیت کم دی خو دکرونا د دریم بهیر په جریان کې ګټور ثابتیدی شي
له دې وړاندې هم پاکستان د څلورو کمپنيانو ويکسينوته اجازه ورکړې چې پکې دوه د چين، يوه د برتانيې او يوه د روس کمپنۍ شامل ده، چې د دغو کمپنيانو نه ځايي کمپنۍ کولی شي چې د کرونا ويکسين واخلي.
پاکستان وايي د چين څخه راغلي ساينو فام ويکسين په لومړي پړ او کې ډاکټرانو او طبي عملې ته لګول شوي او اوس د 60 کالو نه د سېوا عمر خلکو ته هم لګول پېل کړی شوي دي.
ډاکټران اؤ حکومتي چارواکي وایي پاکستان کې د کرونا دریمه څپه ډیره خطرناکه ده اؤ روزانه په دې هیواد کې زرګونو کسانو ته دا وایرس ورپورې کیږي.
دسرکاري شمیرو ترمخه د تیر یو شوروز په مهال پاکستان کې 105 کسان د کرونا څخه مړه شوي اؤ 5312 پرې اخته شوي دي
