لاس رسیدونکی لینک

تازه خبر

پاکستان

طالبان دنرمښت پخپلولو غواړي په نړۍ ځان ومني،څېړونکي وایي

پاکستان کې څيړونکي وايي دافغان طالبانو لخوا د کابل نيولو نه وروسته دوئ نړۍ ته خپله داسې څېره وړاندې کوي چې ګنې دمخکې په پرتله بدل شوي، نړيوالو سره ښې اړيکې غواړي او د بشري حقونو سرغړونه به نه کوي.

خو د څيړونکو په وینا طالبان به داسې تر ډير وخته پورې ونه کړی شي ځکه چې د دوئ ماضي او نظريې ته په کتو ښکاري چې څه وخت وروسته بيا خپلې تګ لارې بدلې کړي۔

دپېښور پوهنتون دسیمه ییزو مطالعاتو دمرکز پخوانی مشر ډاکټر سرفراز خان وايي طالبان غواړي چې دنيا ته خپله نوې څيره وړاندې کړي، هغوي ښځو ته د کار کولو اجازه ورکړې، په رسنيو کې د ښځو خبريالانو سره مرکې کوي او نور يو شمېر داسې ګامونه پورته کوي ترڅو نړۍ ته باور ورکړي چې دوئ پخواني سخت دريځه طالبان نه دي.

وي او ای ډيوه سره خبرو کې هغه وایي دطالبانو ددې طرز عمل هدف په نړيوالو هېوادونو ځان تسليمول دي۔ خو نوموړی وائي چې نړيوالو ته دا باور ورکول به تر ډيره وخته په ځائ ونه ساتل شي۔

د پېښور پښنتون د شخړو د هواري د مطالعاتو دڅانګې استاذ بلال بشير وايي د طالبانو د افغانستان د نيولو لږي ورځې شوي، کوم کسان يې چې ميډيا ته مخامخ کيږي هغوئ د يو بدل شوي طالب تصور ورکوي خو لا تراوسه د دوئ مشر ملا هېبت الله مخې ته نه دی راغلی، چې هغه به څنګه نظام غواړي؟

ډيوه سره خبرو کې هغه وویل په لاندې کچه چې دطالبانو کوم وسله وال د اسلامي نظام د پاره تر اوسه جنګيدل نو ايا دطالبانو دا نوې څيره به هغوئ ته د منلو وړ وي او که نه دا به دملا هېبت مخې ته د راتلو نه وروسته او راتلونکي وخت کې څرګنده شي۔

"نوموړي وويل ښکاري چې په ميدان جنګيدونکي او سخت دريځه فکر لرونکي طالبان بدل سوچ لري او دوئ د طالبانو په نوي انداز کې راتلو سره په ګرانه موافق شي"

ملګرو ملتونو په افغانستان کې د ملکي وګړو په ځانګړي ډول د ښځو او ماشومان په وضعیت سختې اندېښنې څرګندې کړي، په داسې حال کې چې طالبان دغه هېواد په خپل لاس کې اخلي.

ملګرو ملتونو ويلي افغانستان په نړۍ کې د ماشومانو دپاره تر ټولو د بد وضعيت ملک پاتې شوی دی او د ماشومانو او ښځو مرک ژوبلې پکې زیاتې شوي دي.

ملګرو ملتونو ویلي روان کال په افغانستان کې 550 ماشومان وژل شوي او 1400 معذوره شوي دي،

د ادارې ترمخه د کال 2009 نه وروسته چې اداره د ماشومانو ريکارډ راټولوي دا په کوم يو کال کې په شپږو مياشو کې د ماشومانو د پېښو تر ټولو غټه شمېره ده.

په افغانستان کې د ملګرو ملتونو د بېړنيو مرستو د ادارې مشر مصطفا بن مسعود ويلي د طالبانو په دريځ کې ډېر فرق نه دی راغلی البته د جينکو د تعليم په اړه پکې لږ بدلون ښکاري، او د ښځو د کالجونو په اړه يې ځواب ګډ يا په اندازه ؤ، خو دوی راتلونکي ته يو څه خوشبينه دي

See all News Updates of the Day

په پاکستان کې د ګرانۍ کچه ټیټه شوې ده

د پاکستان حکومتي شمېرې ښيي چې په تېرو شپږو میاشتو کې د ګرانۍ کچه 8.3 فیصده (سلنه) غورځېدلې ده.

د پاکستان د شمېرو دفتر وايي د روان کال فبرورۍ کې د خلکو د استعمال د شیانو بیعې په عمومي کچه 23.1 فیصده وې.

شپږ میاشتې وړاندې د تېر کال په سپټمبر کې د عام استعمال شیان 31.4 فیصده ګران وو.

د پاکستان د خزانې وزارت په فبرورۍ کې د 24.5 - 25.5 فیصده پورې د ګرانۍ اټکل کړی وو خو بازار کې د شیانو بیعې د اټکل شوې اندازې نه کمې ښودل شوې دي.

د تېر کال د مارچ نه تر د 2024م د فبرورۍ پورې څلور داسې میاشتې وې چې د ګرانۍ کچه د 30 فیصده نه لوړه وه او په تېره مۍ کې تر ټولو زیاته ګراني وه.

د پاکستان د شمېرو دفتر د خلکو د استعمال د شیانو په بیعو کې د لري بري په اړه د ګرانۍ میاشتنی رپوټ ورکوي.

یاد دفتر د خوړو، څښلو، دوا، جامې، پېزار، تګ راتګ، سېل سپاټي، تعلیم او دا ډول د نورو شیانو او اسانتیاوو د بیعو په اساس خپل رپوټ تیاروي.

څېړونکي نه ګڼي چې پښتونخوا کې به د پي‌ ټي آي حکومت د ترهګرۍ مخه ونیسي

څېړونکي وايي د خېبرپښتونخوا د نوي حکومت د پاره ترټولو لويه ستونزه ترهګري ده او دوي دا نه ګڼي چې نوی حکومت به د ترهګريزو بريدونو په مخنيوي کې بریالی شي.

د څېړونکو وینا ده چې تېرو وختونو کې هم د پاکستان تحريک انصاف ګوند بيانيه او دريځ د ترهګرۍ د مخنيوي په لړ کې شکمن او کمزوری پاتې شوی دی اؤ ویره شته چې د پي‌ ټي آي په نوي حکومت کې به صوبه کې ترهګري د قابو کېدو پر ځای نوره وده هم وکړي.

تېره ورځ د صوبې د وزیراعلا په توګه له غوره کېدو وروسته ښاغلي علي امین ګنډا پور اسمبلۍ ته پخپله وړومبۍ وینا کې ویلي وؤ چې حکومت به یې د ترهګرۍ مخه نیسي اؤ دې لړ کې به رغنده ګامونه پورته کوي.

څېړونکی او ليکوال ډاکټر عرفان اشرف وي او ای ډیوه ته وایي، دپاکستان تحريک انصاف ګوند وروستی ريکارډ ډېر کمزوری پاتې شوی او د هغوئ دا دريځ هم هم دمنلو نه دی چې ګنې ترڅو پورې هغوي په حکومت کې وؤ نو د ترهګرۍ پېښې کمې شوې وې.

د نوموړي په خبره "نو بريدونه به ولې کمېږي چې تاسو مذاحمت نه کوئ او نه څه وايئ،ولې چې تاسو طالبانو ته پيسې ورکوئ او کله چې ستاسو حکومت و په خېبرپښتونخوا کې نو په سوات کې د پخواني وزير اعلا محمود خان د ورور په اړه داسې رپورټونه راتلل او تورونه پرې لګېدل چې طالبانو ته پيسې ورکوي".

ډاکټر عرفان اشرف وایي ،د پاکستان تحريک انصاف ګوند که څه هم په تېر وخت کې دلته حکومت ؤ نو دا هڅه يې کړې چې طالبان مرکزي دایرې ته راولي او د هغوي عملداري ومني او عمران خان په خپله دا څو وارې ويلي وؤ چې طالبانو ته دې په پېښور کې دفترونه ورکړل شي.

د جمعې په ورځ د خېبرپښتونخوا ټاکل شوي وزيراعلا علي امين ګنډاپور په خپله وړومبۍ وينا کې ويلي وؤ،مونږ به ټولو نه وړومبۍ ترهګري ختموؤ، امنيت به په ځائ کوؤ ځکه چې له دې پرته پرمختګ نه شي کېدای.

څېړونکي وايي د پي ټي ايي ګوند سياسي تګلاره کله هم دا نه ده پاتې شوې چې د ترهګرۍ په مخې نیولو ملکي اقتصاد ښه کړی شي او د خلکو ستونزو ته پام راوګرځولی شي.

پېښورپوهنتون د صنفي علومو د څانګې استاذ ډاکټر درویش اپریدی وایي کله چې په افغانستان کې طالبانو د اشرف غني حکومت نسکور کړی ؤ نو دلته یې د تحریک انصاف د هغه وخت حکومت هرکلی کړی ؤ.

ډیوه سره خبرو کې هغه وویل "بلکې دوئ خو په افغانستان کې چې طالبانو د اشرف غني حکومت وغورځولو نو د دغه ګام هرکلی يې کړی ؤ او په پاکستان کې يو مشر هم داسې نه و چې دې قبضې ته يې په ازاده توګه هرکلی ویلی ؤ خو يوازې عمران خان دا کار کړی ؤ".

هغه وایي عمران خان په افغانستان کې د طالبانو لخوا په اقتدار د قبضې هرکلی په داسې حال کې کړی ؤ چې هغه د پاکستان وزیراعظم ؤ اؤ دا ښیي چې دوئ د پاره ترهګري او طالبان هيڅ مسله نه ده او نه د دوئ ايجنډه دا ده .

نوموړی وایي که په وزيرستان او باجوړ کې د ترهګرۍ پېښې کېږې نو دوي د پاره دا لويه ستونزه نه ده.

په پاکستان تحریک انصاف ګوند اؤ دهغې په مشر عمران خان خپلو مخالفینو مدام طالبانو سره د خواخوږۍ تورونه لګولي دي اؤ هغه یې حتی د "طالبان خان" په نوم یاد کړی دی خو عمران خان اؤ ګوند یې مدام دا تورونه رد کړي اؤ ویلي یې دي هغوي د ملک ایین ته د غاړې اېښودو صورت کې طالبانو سره د مذاکراتو پلوي دي.

څېړونکي وايي خېبرپښتونخوا حکومت به په راروانو ورځو کې ټول وخت مرکزي حکومت سره په لانجو او سياسي کشالو کې تېروي او د امنيت ستونزې ته به هيڅ پام نه راګرځوي.

د ډاکټر عرفان اشرف په خبره"څومره پورې چې په دې سيمه کې داسې مضبوط حکومت رانه شي چې هغه رياستي پاليسو ته هم ودرېدی شي او د پولې د هغې غاړې حکومت په پاليسیو هم پوهېږي او د هغوئ د ولس په نبض هم لاس وي ، نو زما په فکرخو د ترهګرۍ ختمولو دعوې يو خواب کېدای شي".

په اسلام اباد کې د څېړنې او امنيتي مطالعاتو غېر دولتي ادارې سي ار اېس اېس په خپل کلني رپورټ کې ويلي چې تېر کال 2023م کې دپاکستان دننه د ترهګرۍ ۷۸۹ پيښې ترسره شوي چې په کې ترټولو زياتې پيښې په خېبرپښتونخوا او بلوچستان کې ترسره شوي دي.

د پاکستان د خزانې وزارت وایي د هیواد تجارتي خساره کې 36 فيصده کمی راغلی 

د پاکستان د خزانې مرکزي وزارت په خپل مياشتني رپورټ کې ويلي دي چې د نګران حکومت د غوره اقتصادي فېصلو له کبله د روان مالي کال په لومړیو اتو مياشتو کې په تجارتي خساره کې 36 فيصده کمی راغلی دی او دا خساره د 13.87 اربه ډالرو کچې ته راکوزه شوې ده.

د خزانې وزارت ویلي دغه راز په برامداتو کې 14 فيصده اضافه او په درامداتو کې 14 فيصده کمی رېکارډ کړی شوی دی.

رپورټ کې راغلي چې د روان مالي کال په لومړیو اتو میاشتو کې په ترسيلاتو کې 3 فيصده او نېغ په نېغه بهرنۍ سرمایه کارۍ کې 21 فيصده کمی رېکارډ کړی شوی.

د خزانې وزارت په خپل رپورټ کې ادعا کړې چې د نړیوالې مالياتي ادارې آي اېم اېف ټول اهداف یې پوره کړي دي او ویلي یې دي چې د سختو او غېر مقبوله فېصلو له کبله د هېواد اقتصاد د بحالۍ په لوري روان شوی دی.

د خزانې د وزارت په رپورټ کې د شوو دعوو په اړه د اطلاعاتو نګران وزیر مرتضا سولنګي وي او اې ډيوه سره خبرو کې ویلي کله چې نګران کابينې کال 2023 اګست کې حلف اخستو نو هغه مهال په خلاص مارکیټ د ډالر نرخ درې نيم سوه روپۍ ؤ او په اقتصادي توګه د هیواد د دېواليه کېدو خبرې کېدې او د يو ډالر نرخ 500 روپو ته د ختو اندازې وې خو نن روپۍ مستحکم ده.

د هغه په وینا "هم داسې د ډېرو خلکو خيال و چې د اي اېم اېف سره شوې د قرض لنډ مهاله لوظنامه به مونږ مکمل نه کړی شو خو نړیوالې مالياتي ادارې او ورلډ بېنک دا ستاېنه کړې ده چې حکومت دغه اهداف ترلاسه کړي دي".

د خزانې وزارت په خپل مياشتني اقتصادي اوټ لوک رپورټ کې د مارچ په میاشت کې د ګرانۍ د کچې د 25.5 فيصده څخه 24.5 فيصده ته د راښکته کېدو اټکل کړې او ویلي یې دي چي د روان مالي کال په لومړیو 7 مياشتو کې ملکي برامدات د 9.3 فيصد اضافې سره 18 ارب ډالره پاتي شوي دي.

دغه شان د جولاې او دسمبر مينځ کې د محصولاتو د مرکزي ادارې په امدن کې هم 28.8 اضافه شوې ده او په دغه موده کې یې 5149 اربه روپۍ محصولات ترلاسه کړي دي.

د اقتصادي چارو ماهرين وايي راتلونکي حکومت ته به په اقتصادي څانګه کې تر ټولو لوي چېلنج اېکسټرنل فنانسنګ ګېپ(په بهرنۍ کچه مالیاتي توپیرونه) او بجټ خساره پوره کول وي.

د مالي چارو کارپوهه شهريار بټ وايي د تېرو 6 مياشتو راهيسې د سود شرحه په 22 فيصده برقرار ساتل شوې ده او د سود د زياتې شرحې له کبله په پرله پسې توګه حکومتي لګښتونو کې هم اضافه روانه ده.

وي او اې ډيوه سره خبرو کې هغه ویلي، اوس ټول معاملات د نوي حکومت په لاس کې دي، نوي حکومت له به تر ټولو مخکې نجکاري کول وي چې داسې يو شمېر اضافي ډالرې خزانې ته راشي:

"مونږ ګورو چې د هېواد د زر مبادلې ذخيرې د 8 اربه ډالرو څخه هم ښکته راغلي دي. ددې سره سره حکومت له به د آي اېم اېف سره د لنډ مهاله قرض پروګرام هم زر تر زره سرته رسول وي او د هغې د مکمل کېدو وروسته به مونږ ته يو ځل بيا د آي اېم اېف سره غټه د قرض لوظنامه کول وي".

د خزانې د وزارت په یاد رپورټ کې ويلي شوي د روان مالي کال په لومړیو 7 مياشتو کې په ترسيلاتو کې 50 کروړه ډالره کمی راغلی دی او دغه موده کې ټول 15 اربه، 80 کروړه ډالره ترسيلات زر استول شوي دي.

د تېر مالي کال هم په دغه موده کې هېواد ته ټول 16 ارب او 30 کروړه ډالره ترسيلات ترلاسه شوي وو.

په رپورټ کې ويل شوي چې په تېرو 7 مياشتو کې د هېواد دننه نېغ په نېغه بهرنۍ سرمایه کارۍ کې 21.4 فيصدي کمی راغلی دی.

سرفراز بګټي: غره ته ختلي وسله وال دې لاندې راکوز شي، ستونزه به په خبرو هوارول وي

د پاکستان د کړکیچ ځپلې صوبې بلوچستان نوي ټاکل شوي وزیراعلا سرفراز بګټي په بیلتون خوښو بلوڅ وسله والو غږ کړی دی چې هغوي دې له غرونو راښکته شي اؤ د خبرو له لارې دې د ستونزو هواری ولټوي.

د خالي- شنبې په ورځ د وزیراعلا ټاکل کېدو نه وروسته اسمبلۍ ته خپله وړومبۍ وینا کې ښاغلي بګټي وویل حکومت به یې د مرورو (بلوڅانو) سره مذاکرات کوي اؤ بیا بیا به یې کوي خو هغه پخپل تقریر کې بیا ونه ویل چې بلوچستان کې د جبري لادرکیو د لړۍ ودرولو په اړه به یې حکومتي تګلاره څه وي.

په بلوچستان کې له یوې اوږدې مودې راهسې د جبري بې درکیو اؤ د صوبې د قدرتي وسیلواؤ حقونو په مسلو بلوڅ وسله وال په مقاومت بوخت دي اؤ په امنیتي ځواکونو بریدونه کوي.

د صوبې نوي ټاکل شوي وزیراعلا وویل، دا مهال هیواد د جوړجاړي سیاست ته تر هر څه زیاته اړتیا لري، زلمي باید په یو مرکزي صف کې ودرېږي اؤ د بلوچستان اؤ هیواد په پرمختیا کې خپل رول ولوبوي.

سرفراز بګټي وویل بلوچستان د امنیت د ستونزې سره مخ دی اؤ دلته د امن د ټینګښت لپاره به مونږ ټولو ته په ګډه کار کول وي.

د نوموړي وینا وه چې حکومت به یې د صوبې د پسماندګۍ ختمولو ته زیاته پاملرنه کوي اؤ په دې لړ کې به یې هڅه دا وي چې د بلوچستان د معدني وسیلو نه په غوره توګه کار واخلي.

سرفراز بګټي تر دې وړاندې په نګران حکومت کې د کورنیو چارو د وزیر په توګه دنده ترسره کوله اؤ هغه د جبري بې درکیو پرضد د بلوڅانو لخوا کېدونکي احتجاجونو بې اساسه بلل اؤ ویل یې چې بې درکه کسانو کې زیاتره دهشت ګرد دي.

لوچستان د رقبې په لحاظ د پاکستان تر ټولو ستره صوبه ده خو په پسماندګۍ کې هم د هیواد تر ټولو پسمانده صوبه ګڼل کیږي.

په دغه کړکیچ ځپلې صوبه کې د قدرتي وسیلو پریمانه ذخیرې وجود لري چې هرکال دپاکستان قامي خزانې ته د اربونو روپو ګټه ورکوي خو د بلوچستان قام پرست تنظیمونه اؤ سیاسي ګوندونه وایي چې په قدرتي وسیلو دپور مامور دې صوبې وګړي پخپلو وسیلو اختیار نه لري اؤ ګټې یې ټولې بهر روانې دي.

وخت په وخت مخې ته د راغلو شمیرو اؤ معلوماتو له مخې بلوچستان نه ترلاسه کیدونکی قدرتي ګیس دپاکستان د26 فیصده ابادۍ ضرورتونه پوره کوي خو پخپله دبلوچستان زیاتره سیمې دتېرو اویاؤ کالو راهسې دګیس داسانۍ نه محرومې ساتل شوې دي.

بلوچستان کې د قدرتي ګیس ترڅنګ د معدنیاتو نورې ډير سترې ذخیرې هم موجودې دې چې هغې کې د سرو زرو،سپینو زرو، اوسپنې،کرومایټ، تانبې، چونې، قیمتي کانو، سنګ مرمرو وغیره ذخیرې شاملې دي.

پخپلو وسیلو د اختیار نه لرلو پرضد د اوږدې مودې نه بلوچستان کې ګڼ شمیر بلوڅ تنظیمونه په وسله وال مقاومت بوخت دي اؤ غوښتنه لري چې د بلوچستان په وسیلو دې د دې صوبې خپلو وګړو ته واک اختیار ورکړل شي.

د پاکستان نوی وزیراعظم سبا ټاکل کیږي، شهباز شریف اؤ عمر ایوب کاندیدان دي

ټاکل شوې ده د پاکستان قامي اسمبلي سبا د اتوار یا یکشنبې په ورځ د هیواد د نوي وزیراعظم ټاکنه وکړي.

نن د خالي- شنبې په ورځ د وزیراعظم د عهدې لپاره د مسلم لیګ(ن) له لوري د شهباز شریف اؤ د سني اتحاد کوند (پاکستان تحریک انصاف ) له لوري د عمر ایوب کاغدونه د قامي اسمبلۍ د سیکرټري سره جمع کړل شوي دي.

د وزیراعظم د انتخاب لپاره د قامي اسمبلۍ غونډه په دریم مارچ (سبا) سهار یوولس بجې رابل شوې ده.

د وزیراعظم ټاکنه به د پټو رایو له لارې کیږي اؤ د 336 غړو په ایوان کې چې هر کاندید 169 رايې واخلي هغه به د هیواد نوی وزیراعظم وټاکل شي.

پاکستان مسلم لیګ(ن) پاکستان پیپلز ګوند پخوانی وزیراعظم شهباز شریف یو وارې بیا د وزیراعظم عهدې ته کاندید کړی دی اؤ ددغه ګوند مشران هیله ښایي چې ایم کیو ایم اؤ جمعیت علماء اسلام ګوند به هم د شهباز شریف ملاتړ ته اماده کړي.

خو سني اتحاد کونسل بیا لا د بل کوم ستر ګوند سره اتحاد نه دی کړی اؤ پخپل سر یې عمر ایوب د شهباز شریف مقابله کې د وزیراعظم په څوکۍ کاندید کړی دی.

پارلیمان کې کوم ګوند څومره څوکۍ لري؟

په اتمه فرورۍ شوؤ ټاکنو کې د پاکستان مسلم لیګ(ن) کاندیدانو 75عمومي څوکۍ ګټلې وې اؤ نهه نور ازاد کامیاب شوي د اسمبلۍ غړي هم په دغه ګوند کې شامل شوي دي چې ددې سره شمیره 84 ته رسېدلې ده خو دغه ګوند ته بیا څلور د لږکیو اؤ 20 د ښځو ځانګړې څوکۍ هم قامي اسمبلۍ کې ورکړل شوي اؤ دا وخت یې د غړو ټوله شمېره 108ده.

پیپلز ګوند په عمومي ټاکنو کې 54 څوکۍ ګټلي،دوه ورته اقلیتي اؤ 12 د ښځو ځانګړي سیتونه ورکړل شوي اؤ دا مهال یې اسمبلۍ کې شمېره 68 ده.

ایم کیو ایم 17 د قامي اسمبلۍ څوکۍ ګټلي اؤ یوه اقلیتي اؤ څلور د ښځو ځانګړې څوکۍ ورکړل شوي چې دې سره یې پارلیمان کې د غړو شمېره 22 ته رسېدلې ده.

جمعیت علماء اسلام 6 څوکۍ په عمومي ټاکنو کې ګټلي اؤ دوه ورته د ښځو ځانګړې څوکۍ ورکړل شوي اؤ دا وخت یې د غړو شمیره 8 ده.

د تحریک انصاف ګوند ملاتړو ازادو کاندیدانو 81 څوکۍ ګټلي اؤ دوي بیا وروسته په سني اتحاد کونسل کې ددې لپاره شامل شوي چې الیکشن کمیشن ورته د اقلیتونو اؤ ښځو ځانګړې څوکۍ ورکړي خو الیکشن کمیشن تر اوسه هغوي ته ځانګړې څوکۍ نه دي ورکړي اؤ په پارلیمان کې یې د غړو شمېره همغه81 ده.

مسلم لیګ(ق) درې څوکۍ په عمومي ټاکنو کې ګټلي،یو پکې ازاد امیدوار شامل شوی اؤ یوه ورته د ښځو ځانګړې څوکۍ ورکړل شوې اؤ دا مهال یې قامي اسمبلۍ کې د غړو شمېره 5 ده.

استحکام پاکستان ګوند درې عمومي څوکۍ ګټلي اؤ یوه ورته د ښځو څوکۍ ورکړل شوې اؤ د غړو شمیره یې اوس څلور ده.

مجلس وحدت المسلمین ، مسلم لیګ ضیاء،بلوچستان عوامي ګوند،بلوچستان نیشنل ګوند،نیشنل پارټي اؤ پښتونخوا ملي عوامي ګوند په قامي اسمبلۍ کې یو، یو غړی لري.

ددې ترڅنګ د قامي اسمبلۍ په 99 عمومي څوکیو ازاد امیدواران هم کامیاب شوي دي چې 8 کسان پکې تر اوسه هیڅ یو ګوند کې نه دي شامل شوی اؤ د قامي اسمبلۍ په دریوؤ څوکیو د کاندیدانونو د بریاليتوب معامله لا د ځنډ ښکار ده.

نور کتل

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG