لاس رسیدونکی لینک

تازه خبر

دبلوچستان د وزیراعلا په ضد دهغه دګوند ملګرو دبې باورۍ تحریک جمع کړو


دبلوچستان د اعلا وزيرجام کمال خپلو سياسي ملګرو دهغه پر ضد د بې باورۍ تحريک اسمبلۍ جمع کړی دی۔

د بلوچستان عوامي ګوند دايالتي اسمبلۍ څوارلسو مرورو غړو تيره ورځ د خپل ګوندي سياسي ملګري او دبلوچستان د وزير اعلا جام کمال پر ضد د عدم اعتماد یا بې باورۍ د تحريک راوړلو پريکړه کړي،

دوئ د دوشنبې په ورځ د تحریک بې باورۍ د تحريک لپاره قرارداد دبلوچستان د ايالتي اسمبلۍ له سيکرېټري سره جمع کړی دی۔

په قرارداد کې ليکل شوي چې په تېرو دریوؤ کالو کې د جام کمال د غېرذمه دارانه رویې او ناسمو فيصلو له امله په ايالت کې ناامني بې روزګاري، ، او په خلکو کې تشويش زيات شوی دی۔

په قرارداد کې زياته کړل شوي چې صوبه کې د بېلا بېلو ادارو او محکمو سرکاري کارمندان پر احتجاجونو بوخت دي۔

دا تور هم پورې کړل شوی چې وزير اعلا له مرکزي حکومت سره د بلوچستان ستونزې په سنجيدګۍ سره نه دي شریکې کړې ځکه په ايالت کې د بجلۍ اوبو او د معيشت ستونزې لا زياتې شوې دي۔

د بلوچستان د ايالتي اسمبلۍ اوسني غړي او د ايالت دخزانې پخواني وزير ظهور بلیدي او د باپ ګوند نورو غړو د بې اعتمادۍ د قرارداد له جمع کولو ورسته رسنیو سره په خبرو کې وویل چې د ایالتي اسمبلۍ د زیاترو غړو په ګډون د ایالت د اولس هم پر اعلا وزیر جام کمال باندې اعتماد ختم شوی، اعلي وزیر جام کمال دې نوره خپله څوکۍ پریږدي.

“هغه ويلي وؤ چې د دولسو کسانو په ويلو استعفا نه ورکوم،ځکه نن موږ د ايالتي اسمبلۍ څوارلس غړو د هغه پر ضد د بې اعتمادۍ تحريک د اسمبلۍ و سيکرېټري ته وړاندې کړ،چې پکې اکثريت د بلوچستان عوامي ګوند دغړو دی، بي اين پي عوامي او پاکستان تحريک انصاف هم ددې تحريک برخه دي اوس هم ستاسو په واسطه و هغه ته خبر ورکوو چې مهرباني وکړه چې ستا لپاره د عزت دا يوه لاره پاته ده چې ته استفا ورکړه، چې د رایې ورکولو ته ارتيا پاته نشي"

د وزير اعلا جام کمال پرضد د اپوزيشن غړو هم پر څوارلسم ستمبر دبې اعتمادۍ د رایې ورکولو لپاره د اسمبلۍ د غونډې رابللو غوښتنه کړې وه خو پر هغه درخواست عمل ونه شو۔

خو متحده اپوزيشن دخفه حکومتي غړو د اوسني عدم اعتماد دتحريک دملا تړ اعلان کړی دی۔

د بلوچستان د اعلا وزير جام کمال پر ضد د اپوزيشن غړو د مالپ کال ۲۰۲۱-۲۲م د بجټ له وړاندې کېدو وروسته په ډاګه مخالفت شروع کړی دی،

دوئ تورونه لګولي چې اعلا وزير دوئ ته په بجټ کې عوامي سکيمونه نه دي ورکړي، د دوئ فنډونه يې بند کړي او د دوئ په انتخابي حلقو کې یې مداخلت کړی، له هغې وروسته د اپوزيشن له لوري په دې مخالفت کې زياتوالی راغلی دی.

پينځه ورځې وړاندې د جام کمال د خپل ګوند بلوچستان عوامي پارټې نهو غړو د احتجاج په توګه دجام کمال پر ضد خپلې استعفاوې د بلوچستان ګورنرسيد ظهور آغا ته وړاندې کړې په کوم کې چې ګورنر د دریوؤ وزيرانو استعفاوې قبولې کړې، او د هغوئ وزارتونه يې ختم کړل، خو هغه د ايالتي اسمبلۍ غړي دي۔

جام کمال او د هغه د حکومت ايالتي وياند لياقت شاهواني د اپوزيشن اود هغه د ګوند د خفه غړو تورونه تل رد کړي دي۔

د بلوچستان ایالتي حکومت ویاند لیاقت شاهوانې تیره ورځ له رسنیو سره په خبرو کې وویل چې په جمع کړل شوي درخواست کې که څه هم د څوارلسو کسانو دستخطونه شته خو دده په خبره د دوئ د ګوند دومره غړي نه دي خوابدي،

شاهوانې زیاته کړه چې وزير اعلا جام کمال به له خپل منصبه استعفا نه ورکوي

"اوس هم وخت شته موږ يې داسې نه پرېږدو ، زموږ دوستان دي زموږ ملګري دي، د خوشحاله کولو هڅې يې روانې دي،او که د خدای خوښه وه موږ به د دوئ په پخلا کولو کې کاميابه شو، د څوارلسو غړو لاسلیکونه خو پرې شته خو په رسنيو کې او پر اسمبلۍ سيکرېټريټ کې موږ ته په نظر څوارلس غړي نه دي راغلي"

بل لوري ته د بي اين پي عوامي مرکزي جنرل سېکرېټري او د ايالتي اسمبلۍ غړی اسد بلوڅ هم وايي چې اعلا وزیر نوره لوبه بایللي ده.

دا وخت د بلوچستان اسمبلۍ د غړو شمېر ۶۵ دی په کوم کې چې د اپوزيشن ګوندونو د غړو شمېر دوه ويشت دی، د يوه آزاد اميدوار نواب اسلم رئيساني په ګډون د اپوزيشن د غړو شمېر درويشت جورېږي، د مسلم ليګ ن د بلوچستان ايالت پخوانی صدر نواب ثناء الله زهري د ايالتي اسمبلۍ غړی دی خو تر اوسه يې د کوم چا د حمايت يا مخالفت غږ نه دی کړی۔

بل لوري ته د جام کمال د ګوند بلوچستان عوامي د خفه حکومتي غړو شمېر څوارلس دی ، د اپوزيشن او د باپ ګوند د ټولو خفه غړو شمېر اووه دېرش جوړېږي۔

حکومتي لوری دعوه کوي چې دوئ سره۲۷ غړي ملګري دي۔

د اعلا وزير د ليري کولو لپاره په ۶۵ شپيتوؤ غړو کې د ۳۳ غړو رایې د هغه پر ضد کارول ضروري وي۔

قانوني پوهان وايي چې د اسمبلۍ په سيکرېټرېټ کې د تحريک عدم اعتماد د قرارداد له جمع کولو وروسته په اوووه ورځو کې دننه د اسمبلۍ اجلاس راغوښتل ضروري دي

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG