واشنګټن – چارواکي وايي، د هند د مهاراشترا ایالت د یو روغتون په کورونا څانګه کې د اور لګېدنې له امله د خالي یا شنبې په ورځ لس ناروغان مړه شوي دي.
یو چارواکي د نوي ډلي ټي وي ته ویلي دي، چې د احمد نېګر ښار په دغه روغتون کې ۱۷ ناروغان د اور لګېدنې پرمهال په کورونا څانګه کې بستر وو.
ریجندرا بوسلې وویل، پاتې ناروغان د یو بل روغتون کوېډ څانګې ته انتقال شوي دي.
هغه وویل، لږېدلی اور مړ شوی خو د پېښې د سبب په اړه لا معلومات نشته او زیاته یې کړه چې چارواکي به یې په اړه پلټنې وکړي.
د مهاراشترا ایالت پخواني اعلی وزیر دویندرا فېدنوېس په ټویټر غمرازي ښکاره کړې او د پېښې د عاملینو پر ضد یې د جدي ګامونو د اخېستلو غوښتنه کړې.
په هندوستان کې داسې پېښې کله نا کله کېږي. په مې میاشت کې کله چې دغه هېواد له مرګونې کورونا سره لاس او ګریوان وو، د هندوستان په لویدیځ کې د کورونا په څانګه کې د اور لګېدنې له امله لږ تر لږه ۱۸ کسان مړه شول.
د زړو وسایلو او د اور وژنې د مناسبو وسایلو د نه شتون له امله په هند کې خلک خپل ژوند له لاسه ورکوي.
