لاس رسیدونکی لینک

تازه خبر

کوهاټ: د شهريار افريدي د کور مخې ته د لاسي بم چاودنه شوې


د خېبرپښتونخوا په کوهاټ سيمه کې د پاکستان تحریک انصاف ګوند سره تعلق لرونکي مخکني مرکزي وزیر شهريار افریدي د کور مخې ته د لاسي بم چاودنه شوې خو کوم ځاني او مالي تاوان يې نه دی اړولی.

شهريار افريدي په خپله فېس بک پاڼه د لاسي بم د سي سي ټي وي کېمرې ویډیو خپره کړې ده.

ويډیو ته ليکل شوي په کوهاټ کې د شهريار افريدي په پلارني کور د ګرنېډ بريد شوی، نامعلومه کسانو په کور ګرنېډ ویشتی خو هغه د ور/ ګېټ سره نزدې ډزېدلی دی.

د پېښې زمه واري تر دې دمه چا نه ده منلې.

د کوهاټ د سټي تاڼې پولیسو وي او اې ډيوه ته پېښه تاييد کړې چې پېښه شوې خو مقدمه او پلټنې يې د سي ټي ډي پوليس کوي.

د سي ټي ډي پولیسو لخوا په دغه اړوند کوم تفصيل مخې ته نه دی راغلی.

په کوهاټ کې دغه پېښه په داسې حال کې شوې چې په وروستيو کې د خېبرپښتونخوا په بېلابيلو برخو کې د بدامنۍ پېښې سېوا شوي دي.

دوه ورځې وړاندې د کوهاټ سره نزدې د خېبر ضلعې د باړې په بر قمبرخېل کې د نامعلومه وسله والو په ډزو کې قبايلي مشر منصف علي خان افریدی او يو لاروی وژل شوي او د قبايلي مشر وراره پکې ژوبل شوی دی.

پرون بيا د خېبرضلعې په جمرود کې د یوې بلې پېښې خبر هم مخې ته راغلی دی.

د پوليسو په وېنا په غونډۍ علاقه کې مولانا کلیم الله نومې تن د نامعلومه وسله والو په ډزو کې وژل شوی او د راپورونو ترمخه پولیس ويلي دا هدفي وژنه ده.

د شورو/ چهارشنبې په ورځ په پېښور کې د خېبر ضلعې سره تعلق لرونکو سياسي، قومي او مذهبي مشرانو د خېبر قومي جرګه کړې او ويلي يې دي، دوی به نور په سيمه کې قامي لښکرې يا د امن کمېټۍ نه جوړوي.

د جرګې ګډون والو زياته کړې چې په سيمه کې بيا وسله وال فعاليتونه پېل شوي، هدفي وژنې کيږي او د خلکو نه بهتې/ يا قلنګ اخستل کيږي.

د خېبرپښتونخوا په بېلابيلو برخو کې په وروستیو کې د امن غوښتنې دپاره لاريونونه او احتجاجونه شوي دي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG