لاس رسیدونکی لینک

Breaking News

امریکې خپلو وګړو ته دپاکستان ځېنو برخو ته دسفر نه کولو لارښوونه کړې ده


امریکا د ترهګرۍ او فرقه ايز تشدد د اندېښنو له کبله خپلو وګړو ته د پاکستان د خېبرپښتونخوا ،بلوچستان او د پنجاب ځینو سېمو ته د سفر نه کولو لارښوونه کړې ده.

د امریکا د خارجه چارو محکمې دا سفري لارښوونه په داسې حال کې کړې چې په دې وروستیو کې د پاکستان د کورنیو چارو مرکزي وزارت هم په هېواد کې د پاکستاني طالبانو دتحریک لخوا د ترهګرو برېدونو سېوا کېدو اندېښنه څرګنده کړې او په دې اړوند یې د ټول هېواد لپاره د خبرداري اعلاميه جارى کړې ده.

څېړونکي وايي د امريکا دا ګام به د وړاندې څخه د ګډوډي ښکار د پاکستان اقتصاد ته يو بله ضربه ورکړي او د سېلګرې سره تړلي صنعت ته به هم زيان ورسوي.

امریکا خپلو وګړو ته د پاکستان د ځینو سيمو د سفر نه کولو دا مشوره په داسې حال کې ورکړې ده چې تېره ورځ د خېبرپښتونخوا د سېلګرۍ په شمالي سيمه ګلګت بلتستان کې يوې ځايي وسله والې ډلې د خپلو غوښتنو دپاره د سړک تړلو وروسته يو ځاي صوبايي وزیر او سېلانيان ايسار کړي وو چې بيا وروسته خوشې کړل شول.

په دې سفري هدایت نامه کې د امریکا د بهرنیو چارو محکمې خپلو وګړو ته ویلي چي هغوي دې خېبرپښتونخوا، بلوچستان او قبايلي ضلعو ته د سفر کولو څخه ډډه وکړي ولې چې په دغو سيمو کې د ترهګرۍ او تښتونې پېښې زیاتیدای شي.

د ترهګرۍ په چارو نظر لرونکي څېړنکار او د پېښور پوهنتون د ژورنلزم د څانګې استاد سيد عرفان اشرف ډيوه ته وايي دا سفري هدايت نامه به د پاکستان په اړه نړۍ ته پېغام ورکړي چې پاکستان د بهرنيانو لپاره خوندي هېواد نه دی.

هغه وايي دا به د وړاندې څخه د ستونزو ښکار د پاکستان اقتصاد ته نقصان ورسوي.

نوموړي وويل هرکله چې يو رياست خپلو خلکو ته تحفظ نه ورکوي او تګلارې یې چې ترهګرې ته وده ورکوي نو بيا د نړۍ نور هېوادونه هم په خپلو خلكو ويرېږي.

"مونږ دا وېره هم لرو چې د امریکا نه وروسته به نور غربي هېوادونه هم خپل وګړي پاکستان ته سفر کولو څخه ایسار کړي"

دامریکا له لوري په دې سفري لارښونه کې خپلو وګړو ته د پاکستان او هند ترمنځ دکشمیر د ویشونکې پولې یا لاین اف کڼټرول شاوخوا سيمو ته د سفر نه کولو خبرداری ورکړی شوی او ویل شوي چې په پوله د پاکستاني او هندي ځواکونو ترمنځ د ګوله بارې خطر دی.

په دې سفري سپارښتنه کې ویل شوي چې ترهګر د امدو رفت مرکزونه، بازارونه، دفاعي تنصيبات، کالجونه، سکولونه او د سېلګرۍ او عبادت ځايونه په نخښه کولی شي.

تېره اوونۍاسلام اباد کې د شخړو او امنيتي چارو خپلواکه څېړنيز ادارې پاکستان انسټیټیوټ فار کنفلکټ اېنډ سيکورټي سټډيز په خپل وروستي راپور کې وېلي وو چې د پاکستاني طالبانو دتحریک لخوا د ډزبندۍ د ختمولو د اعلان پرته د بريدونو پېلېدو سره د هېواد امنیتي وضعیت خراب شوی.

په رپورټ کې ویل شوي چې د تېر ستمبر په مياشت کې قبايلي ضلعو او خېبر پښتونخوا کې د تشدد په کچه کې 106 فيصدي اضافه راغلې ده.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG