د پاکستان د سيند صوبې په نوري اباد سيمه کې د مسافرو په يو بس [کوچ] اوور لګېدلی چې له امله يې په بس کې سورو کسانو کې لږ تر لږه 16 کسان مړه شوي دي.
دا پېښه تيره شپه د کراچۍ ښار نه خواوشا 100 کلوميټره په موټر وی د پاسه شوې ده.
د پېښې په اړه چارواکو مطبوعاتو ته ويلي، دا بس د کراچۍ نه د سيند صوبې خېرپور ناتهن شاه علاقې ته روان وو.
ځینې راپورونه وايي په بس کې سواره کسان د سېلابونو نه اغېرمن خلک وو چې کراچۍ ته راغلي او بیرته ستنېده خو چارواکي وايي د دې تاييد لا نه شي کولی.
د جامشورو د مرستیال کمشنر په پېښه کې د مړينو تاييد کړی چې په پېښه کې زیاتره ماشومان مړه شوي دي.
د صوبې د اطلاعاتو وزیر شرجېل مېمن ویلي، د لومړو معلوماتو ترمخه د بس په اييرکنډيشن کې اوور لګېدلی او خور شوی دی.
وزيراعلا سيند مراد علي په بس کې د مسافرو په مړينه د خفګان څرګندونه کړې او د پېښې په اړه يې رپورټ غوښتی دی.
د پاکستان وزیراعظم شهباز شريف هم په پېښه کې په مړينو د خفګان څرګندونه کړې ده.
پاکستان کې اکثره دغه ډول پېښې کيږي اکثره د ټکر له امله په ګاډو اورونه لګي او مرګ ژوبلې اړوي.