لاس رسیدونکی لینک

Breaking News

رانا ثناالله: د ارشد شريف د وژنې کړۍ تر عمران خان او سلمان اقبال پورې رسي


د پاکستان د کورنيو چارو وزیر رانا ثناالله ویلي، په کينيا کې د وژل شوي پاکستاني صحافي د وژنې کړۍ د پاکستان تحریک انصاف ګوند مشر او مخکني وزيراعظم عمران خان او سلمان اقبال [اې ار وايي] چېنل د مالک پورې رسي.

رانا ثناالله پرون د زیارت/ پنجشنبې په ورځ [27 اګست] خبري غونډې ته په وينا کې د ارشد شريف د وژنې په اړه ويلي چې د پلټنو کمېشن جوړ کړی شوی او ټول معلومات به وړاندې کولی شي،

هغه ويلي، "په کينيا چې کوم حقايق مخې ته راغلي دي د تاييد نه وروسته به د قوم په وړاندې اېښودی شي، هلته د وقار او خرم نومونه اخستل کيږي خرم د [اې ار وايي] ملازم دی او هغه لانجمن فارم هاوس د هغې په اړه به هم تصديق وشي چې هغه د چا دی. وقار څوک دی په دې پېښه کې څه کردار دی، ډزې چرته شوي او ګاډی چرته ودرېدلی دی د دې ټولې کړۍ د عمران خان او سلمان اقبال [اې ار وايي] چېنل د مالک پورې رسي".

عمران خان د [92 نيوز] سره په مرکه کې په رانا ثناالله تورونه لګولي دي او ويلي يې دي په هغه بې ځايه کېسونه جوړول کيږي. او د سلمان اقبال لخوا تراوسه پورې په دغه اړوند کوم غبرګون مخې ته نه دی راغلی.

پرون د پاکستان د پوځ وياند لفټننټ جنرل بابر افتخار هم ويلي وو، "حکومت ته يې خواست کړی چې د ارشد شريف د وژنې په پلټنو کې دې د ARY چېنل مشر [چيف اېګزېکټيو] سلمان اقبال شامل کړی شي او بیرته دې ملک ته راوستل شي". او نوموړي په دغه اړوند څو پوښتنې راولاړې کړي دي چې ارشد شريف چا بهر لېږلی وو د دغه پېښې سره تړلو پوښتنو ته يې د ځواب غوښتنه کړې وه.

درې ورځې وړاندې د پاکستان تحریک انصاف ګوند مشر او مخکني وزيراعظم عمران خان دعوه کړې چې د ارشد شريف هدفي وژنه شوې ده.

نوموړي په پېښور کې د وکيلانو غونډې ته په وينا کې ويلي وو، ارشد شريف ته ګواښونه کېدل او زياته کړې يې وه، "ماته معلومه وه چې هغه [ارشد شريف] وژل کيږي او ما ورته بيا د ملک څخه بهر تلو ويلي وو". خو عمران خان نه وو ویلي چې ګواښونه ورته چا کول.

رانا ثناالله ويلي پکار ده کمېشن پلټې کوي خو د هغه په نظر د پاکستان تحریک انصاف فېصل واوډا نه پلټنې کېدل پکار دي.

واوډا د يادې پېښې وروسته په اسلام اباد کې یوې خبرې غونډې ته په وينا کې دعوه کړې وه، چې د پاکستاني خبريال ارشد شريف وژنه پېښه نه ده بلکې هغه قتل کړی شوی دی او سازش يې په پاکستان کې جوړ شوی وو.

عمران خان دعوه کړې واوډا د بل چا په خله دغه پرېس کانفرنس کړی وو.

پاکستانی خبريال ارشد شريف د 23 اکتوبر په شپه په کينيا کې د نیروبي سره نزدې په يوه پېښه کې وژل شوی او د کينيا پولیسو د ارشد شريف د وژنې د پېښې په اړه خپره کړې خپله لومړۍ خبر پاڼه کې ويلي وو پولیسو د غلط شناخت له کبله په هغه موټر ډزې وکړې چې ارشد شریف پکې سپور وو.

د پاکستان حکومت ويلي، د ارشد شريف د وژنې د پېښې دپاره د پلټنو د کمېشن جوړولو پرېکړه شوې او په دغه لړ کې کينيا ته هم افسران ليږل کيږي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG