لاس رسیدونکی لینک

Breaking News

عمران خان د یو بل پوځي افسر د نوم ښکاره کولو ويلي چې د وژلو په پلان کې يې ککړ وو


د پاکستان تحریک انصاف ګوند مشر او مخکني وزيراعظم عمران خان بل تور لګولی او ویلي يې دي، د مېجر جنرل فېصل سره يو بل پوځي افسر هم د هغه د وژنې د بريد څارنه کوله او په دغه منصوبه کې شامل وو، زر به د دغه افسر نوم هم ښکاره کړي.

عمران خان وړاندې تور لګولی وو چې په هغه د بريد په شا د پاکستان وزیراعظم شهباز شريف، د کورنيو چارو وزير رانا ثناالله او د پوځ د استخباراتي ادارې يو لوړ پوړی چارواکی مېجر جنرل فېصل نصير لاس وو.

خو د پاکستان حکومت او پوځ د عمران خان تورونه په کلکه رد کړي وو.

وزیراعظم شهباز شريف په عمران خان د بريد په اړه د سپريم کورټ چيف جسټس ته خط ليکلی چې د عدالتي کمېشن د لارې د دغه پېښې پلټنې وکړي، چې رښتيا معلوم شي.

عمران خان د درېم نومبر د پېښې چې په لانګ مارچ يې ډزې شوې وې هغه پکې د نورو کسانو سره ژوبل شوی وو، د مقدمې په اړه ويلي وو چې د يادو درېو کسانو پرضد دې درج شي خو بيا د سپريم کورټ د حکم وروسته د اووم نومبر په شپه ناوخته د پولیس افسر [سب انسپکټر] عامر شهزاد په مدعيت کې مقدمه درج شوې، يواځې د وژنې او ترهګرۍ ضد مادې پکې شامل کړی شوي او د نويد نومې تن چې ډزې يې کړې وې، پکې نومول شوی وو.

د تحریک انصاف ګوند مشر ويلي، هغه ته دوه میاشتې وړاندې معلومه شوې وه چې د وژلو پلان يې جوړ شوی او دوه ځله يې د دغه پلان په اړه څرګندونې کړې وې.

عمران خان ویلي، نن د زیارت/ پنجشنبې په ورځ بيا د پنجاب د وزیراباد څخه لانګ مارچ پېلوي.

په وزیراباد سيمه کې د ډزو د پېښې وروسته ياد لانګ مارچ ځنډول شوی او تحريک انصاف ګوند دوه ځله د لانګ مارچ بيا پېل کولو اعلان کړی وو خو دغه نېټې بيا بدل کړی شوې وې.

د تحریک انصاف فواد چودري ویلي، دې ځل له به پېنډۍ ته د رسېدو نېټه نوره نه پراخوي او د روانې نومبر د مياشتې په درېمه اوونۍ کې به پېنډۍ ته رسي.

تحریک انصاف ګوند ويلي، د لانګ مارچ د لارې د انتخاباتو د نېټې اعلانولو غوښتنه کوي خو حکومت ويلي، انتخابات به په خپل وخت کيږي.

هېلو وي او اې په ټي وي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG