په واشنګټن ډي سي کې د افغانستان په اړه د یو جوړ شوي کانفرانس ګډونوالو د طالبانو لخوا د بشری حقونو په تېریو، په تعلیم او کار کې د ښځو پر بندیز او په هېواد کې د حقاني مدرسو په جوړېدو اندېښنه څرګنده کړې.
دغه کانفرانس د زیارت یا پنجشنبې په ورځ د امریکا د مسلمانانو د بنسټونو شورا، د امریکا مېشتو افغانانو په همکاري او د ذکات خیریه بنسټ په مالي مرسته جوړ شوی وو چې د افغان سیاستوالو او پوهانو په ګډون پکې د پخواني افغان ولسمشر ډاکټر نجیب الله لور هیلې نجیب هم خبرې وکړې.
په افغانستان کې د ښې حکومتدارۍ، سولې او بشري حقونو تر نامه لاندې دغه کانفرانس ته د ډیوې همکار مجاهد جواد ورغلی و او دا راپور یې پرې تیار کړی.
