لاس رسیدونکی لینک

تازه خبر

چيف جسټس: د سپريم کورټ خبرولو بغېر دې د ملکي خلکو ضد پوځي عدالتونو کې مقدمې پېل نه کړی شي


پاکستان کې د ملکي خلکو ضد پوځي عدالتونو کې د مقدمو چلولو ضد خواستونو باندې اورېدنه کې چيف جسټس عمر عطا بنديال ويلي، د سپريم کورټ د خبرولو بغېر دې د ملکي خلکو ضد پوځي عدالتونو کې مقدمې پېل نه کړی شي.

د جمعې په ورځ د چيف جسټس په مشرۍ د شپږو ججانو ډلې اورېدنه کړې ده.

اټارني جنرل منصور عثمان عدالت ته دلايل وړاندې کړي او ويلي یې دي عدالت ورته لارښوونه کړې وه اوهغه د نهمې مې د پېښو په شا د منظمه پلان خبره کړې وه.

هغه ويلي د نهمې مې په پېښو کې د ککړو 102 کسانو ضد په پوځي عدالتونو کې د مقدمو چلولو په لړ کې د احتیاط نه کار اخستل شوی دی.

د ځايي رسنيو ترمخه د جسټس اعتزاز احسن وکیل لطيف کهوسه عدالت ته ویلي، نن چې په ملک کې څه روان دي دا د پوځي امر ضيا الحق په مارشل کې روان وو.

چيف جسټس ويلي، اوسنی وخت دې د ضیا الحق د دور سره ونه تلل شي دا نه د ضا الحق دور دی او نه مارشلا ده که مارشل کې لګېده عدالت به مداخلت کوي.

ويل شوي په اورېدنه کې د پوځي عدالتونو په طريقه کار بحث شوی او اټارني جنرل ویلي، په 21م اييني بدلون کې د ملکي خلکو ضد په پوځي عدالتونو کې د مقدمو قانون په عمل کې راغلی دی.

اټارني جنرل عدالت ته ويلي په پوځي عدالتونو کې تورن تن ته د وکيل اختيار ورکول کيږي هغه پوځي قانون پوهه يا بهرنی وکیل هم کولی شي.

چيف جسټس ویلي، په پوځي عدالتونو کې تورن تن ته د دفاع دپاره کم وخت ورکول کيږي خو اټارني جنرل ويلي، تورن تن ته د دفاع دپاره پوره حق ورکول کيږي.

د رپورټونو ترمخه اټارني جنرل عدالت ته ويلي په پوځي عدالتونو کې مقدمې نه دي پېل شوي او چيف جسټس ويلي د مقدمو پېل کېدو نه وړاندې دې عدالت خبر کړی شي.

جسټس مظاهر علي اکبر نقوي پوښتنه کړې د کومو کسانو ضد چې پوځي عدالتونو کې مقدمې کيږي هغه چرته ساتل کيږي؟

اټارني جنرل ويلي هغه په جېل کې دي ټولې ضروري اسانتياوې ورته ورکړی شوي دي.

د بحث وروسته اټارني جنرل د عدالت نه د بلې اورېدنې دپاره د يوې مياشتې وخت غوښتی او بيا اورېدنه ځنډول شوې ده.

د پاکستان پخواني چيف جسټس جواد ايس خواجه، د پاکستان ياد قانون پوهه وکيل اعتزاز احسن او پخواني وزیراعظم عمران خان په پوځي عدالتونو کې د ملکي خلکو ضد مقدمو چلولو خلاف سپريم کورټ ته خواستونه کړي وو.

پاکستان کې په نهمه مې د عمران خان د غبن په قضیه کې د نيولو وروسته په دغه ورځ او لسمه مې د تحریک انصاف غړو د ملک په لويو ښارونو کې قهرجنې مظاهرې کړې وې، په راولپنډۍ کې په پوځي مرکز جي اېچ کيو، او لاهور کې د کور کمانډر په کور ورغلي، اوورونه یې اچولي، ګاډي یې مات کړي او د ملک په نورو برخو کې هم سرکاري ودانيو ته د تاوانونو اړولو تورونه پرې لګول شوي وو.

عمران خان ويلي، په حقيقت کې په نهمه مې د دوی پرضد سازش شوی وو.

د پاکستان حکومت ويلي د نهمې او لسمې مې د پېښو په تورونو کې یې د زرګونو په شمېره کې کسان نيولي او په پوځي، دفاعي ودانيو بريد کوونکو ضد به په پوځي عدالتونو کې مقدمې چلولی شي.

په 26 جون د پاکستان د پوځ وياند مېجر جنرل احمد شریف چودري په خبري کانفرنس کې ويلي وو، د عمران خان د ګرفتارۍ خلاف د می په نهمه نېټه د احتجاجونو په مهال په تشدد کې په مبینه توګه د ککړو 102 کسانو مقدمې په پوځي عدالتونو کې شروع شوي دي.

د بشري حقونو فعال، ځينې سياسي مشران او وکيلان په پوځي عدالتونو اعتراض لري او وايي د نهمې مې د ورانکارۍ او تشدد په پېښو کې ککړو ټولو کسانو مقدمې دې په پوځي نه بلکې په سېول عدالتونو کې وچلولی شي.

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG