په جينېوا کې د ملګرو ملتونو د بشري حقونو د کونسل نه هغه وکيلانو چې په روس کې د قيد امريکايي خبريال ايوان ګرشکویچ مقدمه کوي غوښته کړې بايد غړي هېوادونه دغه مقدمې ته لومړيتوب ورکړي.
د ملګرو ملتونو د خپلسرو جيلونو په اړه کاري ډلې (ورکینګ ګروپ) ته په وينا کې دغو قانون پوهانو او د ارټيکل-19 د وکالت ډلې وويل د ګرشکویچ غيرقانونه بند د نړيوال قانون لاندې د بشري حقونو نه سرغړونه ده.
دا غوښتنه په ماسکو کې د ګرشکویچ د نهې- سې شنبې په ورځ د هغې عدالتي اوېدنې نه يوه ورځ وړاندې شوې چې قيد خبريال پکې د خپلې مقدمې نه وړاندې د جېل د مودې د نه غځولو اپيل کړی دی.
د وال سټريټ جرنل د خبريال د مقدمې نه وړاندې د بند ساتلو موده پکاره وه په 29 می ختمه شوې وی خو بيا د دېرشم نومبر پورې وغځول شوه.
د مقدمې د اورېدو نه مخکې په روس کې د امريکا استازي د تېرې جمعې په ورځ په جيل کې د ګرشکویچ سره ليدلي چې د سفارت لخوا په ملاقاتونو کې دا وروستۍ ليدنه ده. ګرشکوېچ په مارچ کې د جاسوسۍ په تور نيول شوی دی.
دا د سفير لېن ټريسي لخوا څلورم ځل دی چې په تېرو شپږو مياشتو کې ورته د نيول شوي خبريال د حال احوال اخستلو اجازت ورکړل شوی دی.
په سوشل ميډيا ايکس په روس کې د امريکا سفارت ليکلي “هغه ښه کلک دی او د خبرونو نه ځان خبر ساتي او دا اوونۍ په ملګرو ملتونو کې د خپل مور پلار د حاضرۍ نه هم خبر دی”.
په ديارلسم سېپټمبر د ګرشکویچ مور، پلار او خور په ملګرو ملتونو کې د امريکا د استازې لېنډا تهامس ګرينفيلډ سره په ګډ خبري کانفرنس کې په ماسکو غږ کړی وو بندي خبريال دې زر ازاد کړي.
تهامس ګرينفيلډ په نړيواله ټولنه او د ملګرو ملتونو په غړو هېوادونو غږ کړی، “زمونږ سره ودرېږئ چې د انصاف په اړخ ودرېږو او د روس د نړيوال قانون دا غير اخلاقي سرغړونه وغندو”.
په خبري کانفرنس کې د ګرشکویچ کورنۍ د نړيوالو مشرانو نه وغوښتل د ملګرو ملتونو په غونډه کې دې د بندي خبريال مشکل ته لومړيتوب ورکړي.
په واشنګټن کې د روس سفارت د وي او ای خواست ته د ځواب ورکولو نه ډډه وکړه چې په دې مسله خپل دريځ ښکاره کړي.
Forum