لاس رسیدونکی لینک

تازه خبر

پاکستان

شېر افضل ایډوکیټ ویلي عمران خان به د ګوند ټاکنو کې د چیرمین عهدې ته کاندید نه وي ، خو پي ټي آی وایي داسې هیڅ فېصله نه ده شوې

د شیر افضل ایډوکیټ وینا وه چې "د قانوني قدغن له امله به د پي ټي آی چیرمین عمران دا ځل د چیرمین د څوکۍ امیدوار نه وي"
د شیر افضل ایډوکیټ وینا وه چې "د قانوني قدغن له امله به د پي ټي آی چیرمین عمران دا ځل د چیرمین د څوکۍ امیدوار نه وي"

د پاکستان تحریک انصاف ګوند د مشر عمران خان وکیل اؤ د دغه ګوند مرستیال صدر شېر افضل ایډوکیټ وایي د توشه خانې په کیس کې د نااهلۍ له امله عمران خان پرېکړه کړې ده چې دا ځل به د ګوند انتخاباتو کې د پارټۍ د چیرمین څوکۍ ته پخپله ځان نه کاندیدوي.

خو تحریک انصاف ګوند بیا د شېر افضل ایډوکیټ دا دعوه په سختۍ سره رد کړې ده اؤ وایي د ګوند انتخاباتو نه د عمران خان د لاس پسر کېدو یا د کوم بل مشر ته د پارټۍ د چیرمین د څوکۍ سپارل کېدو په اړه هیڅ پرېکړه نه ده شوې.

تېره ورځ د اډیاله زندان مخې ته میډيا سره خبرو کې شیر افضل خان ایډوکیټ ویلي وؤ "نن موږ عمران خان خبر کړو چې د هغه پر سر د نااهلۍ تلوار راځوړند شوی دی اؤ د الیکشن کمیشن د دې پرېکړې محرک هم همدا ؤ چې عمران خان د پي ټي آی د چیرمین له کرسۍ لرې کړي"

د شېر افضل ایډوکیټ وینا وه چې "د قانوني قدغن له امله به د پي ټي آی چیرمین عمران دا ځل د چیرمین د څوکۍ امیدوار نه وي"

د عمران خان د وکیل اؤ ګوند د مرستیال صدر له دغه بیان وروسته تحریک انصاف ګوند په ټولنیزو رسنیو یو بیان خپور کړو اؤ د شیرافضل ایډوګیټ څرګندونې یې په کلکه رد کړې.

د پي ټي آی په رسمي ایکس ( پخواني ټویټر) پاڼه خپور شوي بیان کې ویل شوي چې "ګوند د الیکشن کمیشن په حکم کېدونکو ګوندي ټاکنو کې د چیرمین په توګه د عمران خان د برخې نه اخستو په اړه د سینیر رهنما دعوه په کلکه ردوي"

د ګوند بیان وایي د پارټۍ دننه د کېدونکو ټاکنو په اړه په ټولو چارو د غور اؤ بحث لړۍ روانه ده اؤ تر اوسه داسې هیڅ پرېکړه نه ده شوې چې ګنې عمران خان د انتخاباتو نه لاس پسر شوی یا ګنې کوم بل مشر ته د چیرمین د منصب سپارلو پرېکړه شوې ده.

د ګوند ویاند ویلي هر کله چې د ګوند دننه په ټاکنو،نېټه ، طریقه کار اؤ د امیدوارانو د ټاکنې په اړه معاملو باندې قیادت کومې نتیجې ته ورسیږي نو په رسمي توګه بې یې اعلان وکړل شي.

خو شېر افضل خان ایډوکیټ بیا پخپل بیان ولاړ دی اؤ د ګوند د ویاند له لوري په جاري شوي بیان یې خپل غبرګون کې ویلي دي هغه د تحریک انصاف له لوري خپور شوي بیان کې تضاد ارزولی دی اؤ پارټۍ دننه د ټاکنو په اړه چې یې څه ویلي هغه سم دي.

پخپل بیان کې هغه ویلي چې عمران خان د سینیټر علي ظفر،بیرسټر ګوهر،عمیر نیازي اؤ د ده پر وړاندې فیصلې کړې دي خو نه پوهیږي چې د پي‌ ټي آی له لوري دا بې لارې کوونکې بیان ولې خپور کړی شو؟

د تحریک انصاف ګوند سېنېټر ښاغلي علي ظفر هم د جیو ټي وي په یو پروګرام کې د خبرو کولو په وخت ویلي چې د شیرافضل ایډوکیټ بیان پځای دی .

هغه ویلي دعمران خان سره ملاقات کې مهمې پرېکړې شوې دي اؤ عمران خان دې خبرې ته امادګي ښودلې ده چې که چرې هغه په ګوندي ټاکنو کې برخه نه شي اخستی نو کوم بل تن دې د ګوند چیرمین وټاکل شي.

نوموړي وویل ګوند به د الیکشن کمیشن د پرېکړې پر ضد اپیل هم کوي اؤ د پارټۍ دننه به الیکشن هم کیږي.

هغه ویلي نن چهارشنبه به غوڅ اعلان وکړل شي چې عمران خان د ګوند د چیرمین په توګه ټاکنې ته ودریږي که نه؟

هغه وایي که چرې عمران خان د پارټۍ د چیرمین ټاکنه کې برخه نه اخلي نو په هغه صورت کې په دریوو، څلورو نومونو مشوره شوې ده اؤ عمران خان پکې په یو نوم متفق شوی هم دی چې دغه نوم به د چهارشنبې په ورځ مخې ته راوړل شي.

د پاکستان د ټاکنو کمیشن په ۲۰م نومبر پاکستان تحریک انصاف ګوند ته حکم کړی ؤ چې په ۲۰ ورځو کې دننه باید د ګوند دننه انتخابات وکړي .

په دویم اګست د الیکشن کمیشن لخوا پي ټي ای ته ورکړل شوي یو نوټس کې خبرداری هم ورکړل شوی ؤ چې د ګوند دننه په انتخاباتو نه کولو دا ګوند د بیټ د انتخابي نښې نه محرومیدای شي.

See all News Updates of the Day

بلاول بوټو: د بلوچستان د لادرکه کسانو ستونزه به د پارلیماني کمېټې له لارې هواروؤ

د پاکستان په کړکیچ ځپلې صوبه بلوچستان کې له واک سمبالولو وروسته د پاکستان پیپلز ګوند چېرمین بلاول بوټو زرداري ویلي چې د جوړجاړي د سوچ په اساس به بلوچستان کې حکومتي چارې پرمخ وړي اؤ هڅه به وکړي چې د لادرکه کسانو ستونزه د پارلیماني کمېټې له لارې هواره کړي.

د خالي- شنبې په ورځ بلوچستان کې د خپل ګوند د وزیراعلا ټاکل کېدو نه وروسته د ښاغلي بګټي سره یو ځاي په مطبوعاتي کانفرنس کې ښاغلي بلاول وویل:

"مونږ به د جوړ جاړي په سوچ بلوچستان کې حکومت چلوؤ،ټولې دخېلې خواوې به ځان سره اوږه پر اوږه بوځو ځکه چې ددې صوبې ستونزې هیڅ یو تن یا ګوند په یوازې ځان نه شي هوارولی".

پیپلز ګوند په اتمه فرورۍ له شوؤ ټاکنو وروسته د پاکستان د څلورو صوبو څخه په دوؤ صوبو سیند اؤ بلوچستان کې خپل حکومتونه جوړ کړي اؤ مطبوعات وایي چې د هیواد د صدر اؤ د سینیټ د چېرمین ترڅنګ د څوکیو ترڅنګ به د سیند اؤ خېبر پښتونخوا د ګورنرانو څوکۍ هم دغه ګوند ترلاسه کړي.

بلاول بوټو زرداري وویل ګوند یې په سیند اؤ بلوچستان کې حکومتونه سمبالوي اؤ د پارلیمان نه بهر ناستې دخېلې خواوې به هم له ځان سره اخلي.

هغه ویلي چې د ترهګرۍ اؤ تندلاریتوب مقابله به د نیشنل ایکشن په اساس کوي .

د نوموړي وینا وه، مونږ په سوات اؤ وزیرستان کې د ترهګرو مقابله کړې ده، د مذاکراتو،دلیل اؤ ترقیاتي پالیسۍ له لارې به د ترهګرۍ ستونزه هواره وؤ اؤ هڅه به وکړو چې د پارلیماني کمیټې له لارې د لادرکه کسانو ستونزه حل کړو.

د خالي په ورځ پرته له مقابلې د بلوچستان صوبې له وزیراعلا ټاکل کېدو وروسته اسمبلۍ ته خپله وړومبۍ وینا کې ښاغلي سرفراز بګټي ویلي، حکومت به یې د مرورو (بلوڅانو) سره مذاکرات کوي اؤ بیا بیا به یې کوي خو هغه پخپل تقریر کې بیا دا نه دي ویلي چې بلوچستان کې د جبري لادرکیو د لړۍ ودرولو په اړه به یې حکومتي تګلاره څه وي؟

په بلوچستان کې له یوې اوږدې مودې راهسې د جبري بې درکیو اؤ د صوبې د قدرتي وسیلواؤ حقونو په مسلو بلوڅ وسله وال په مقاومت بوخت دي اؤ په امنیتي ځواکونو بریدونه کوي.

پوځ ته زیات نزدې ګڼل کېدونکي سرفراز بګټي تر دې وړاندې په نګران حکومت کې د کورنیو چارو د وزیر په توګه دنده ترسره کوله اؤ هغه د جبري بې درکیو پرضد د بلوڅانو لخوا کېدونکي احتجاجونو بې اساسه بلل اؤ ویل یې چې بې درکه کسانو کې زیاتره دهشت ګرد دي.

بلوچستان د رقبې په لحاظ د پاکستان تر ټولو ستره صوبه ده خو په پسماندګۍ کې هم د هیواد تر ټولو پسمانده صوبه ګڼل کیږي.

په دغه کړکیچ ځپلې صوبه کې د قدرتي وسیلو پریمانه ذخیرې وجود لري چې هرکال دپاکستان قامي خزانې ته د اربونو روپو ګټه ورکوي خو د بلوچستان قام پرست تنظیمونه اؤ سیاسي ګوندونه وایي چې په قدرتي وسیلو دپور مامور دې صوبې وګړي پخپلو وسیلو اختیار نه لري اؤ ګټې یې ټولې بهر روانې دي.

وخت په وخت مخې ته د راغلو شمیرو اؤ معلوماتو له مخې بلوچستان نه ترلاسه کیدونکی قدرتي ګیس دپاکستان د26 فیصده ابادۍ ضرورتونه پوره کوي خو پخپله دبلوچستان زیاتره سیمې دتېرو اویاؤ کالو راهسې دګیس داسانۍ نه محرومې ساتل شوې دي.

بلوچستان کې د قدرتي ګیس ترڅنګ د معدنیاتو نورې ډير سترې ذخیرې هم موجودې دې چې هغې کې د سرو زرو،سپینو زرو، اوسپنې،کرومایټ، تانبې، چونې، قیمتي کانو، سنګ مرمرو وغیره ذخیرې شاملې دي.

پخپلو وسیلو د اختیار نه لرلو پرضد د اوږدې مودې نه بلوچستان کې ګڼ شمیر بلوڅ تنظیمونه په وسله وال مقاومت بوخت دي اؤ غوښتنه لري چې د بلوچستان په وسیلو دې د دې صوبې خپلو وګړو ته واک اختیار ورکړل شي.

د پاکستان پارلیمان نن د نوي وزیراعظم ټاکنه کوي

د پاکستان د نوي وزیراعظم ټاکلو لپاره د قامي اسمبلۍ غونډه نن د اتوار-یکشنبې په ورځ کېږي چې پکې به د اسمبلۍ غړي د پټو رایو له لارې د راتلونکو پینځوؤ کالو لپاره د وزیراعظم انتخاب کوي.

د پاکستان مسلم لیګ(ن) اؤ پیپلز ګوند له لوري شهباز شریف اؤ د سني اتحاد کونسل(پي‌ټي آي) له لوري عمر ایوب د وزیراعظم عهدې ته کاندیدان دي.

مسلم لیګ (ن) دعوه لري چې شهباز شریف ته د ایوان په 336 غړو کې د 209 غړو ملاتړ ترلاسه دی اؤ څېړونکي اتکل کوي چې عمر ایوب په دې ټاکنه کې تر 90 زیاتې رائ اخستی شي.

د وزیراعظم ټاکلو لپاره به د قامي اسمبلۍ غونډه د ورځې په یوولس بجې د اسپیکر سردار ایاز صادق په مشرۍ پېل کیږي اؤ د رایو اچول کېدو نه وروسته به اسپېکر نتیجې اعلانوي.

پارلیمان کې کوم ګوند څومره څوکۍ لري؟

په اتمه فرورۍ شوؤ ټاکنو کې د پاکستان مسلم لیګ(ن) کاندیدانو 75عمومي څوکۍ ګټلې وې اؤ نهه نور ازاد کامیاب شوي د اسمبلۍ غړي هم په دغه ګوند کې شامل شوي دي چې ددې سره شمیره 84 ته رسېدلې ده خو دغه ګوند ته بیا څلور د لږکیو اؤ 20 د ښځو ځانګړې څوکۍ هم قامي اسمبلۍ کې ورکړل شوي اؤ دا وخت یې د غړو ټوله شمېره 108ده.

پیپلز ګوند په عمومي ټاکنو کې 54 څوکۍ ګټلي،دوه ورته اقلیتي اؤ 12 د ښځو ځانګړي سیتونه ورکړل شوي اؤ دا مهال یې اسمبلۍ کې شمېره 68 ده.

ایم کیو ایم 17 د قامي اسمبلۍ څوکۍ ګټلي اؤ یوه اقلیتي اؤ څلور د ښځو ځانګړې څوکۍ ورکړل شوي چې دې سره یې پارلیمان کې د غړو شمېره 22 ته رسېدلې ده.

جمعیت علماء اسلام 6 څوکۍ په عمومي ټاکنو کې ګټلي اؤ دوه ورته د ښځو ځانګړې څوکۍ ورکړل شوي اؤ دا وخت یې د غړو شمیره 8 ده.

د تحریک انصاف ګوند ملاتړو ازادو کاندیدانو 81 څوکۍ ګټلي اؤ دوي بیا وروسته په سني اتحاد کونسل کې ددې لپاره شامل شوي چې الیکشن کمیشن ورته د اقلیتونو اؤ ښځو ځانګړې څوکۍ ورکړي خو الیکشن کمیشن تر اوسه هغوي ته ځانګړې څوکۍ نه دي ورکړي اؤ په پارلیمان کې یې د غړو شمېره همغه81 ده.

مسلم لیګ(ق) درې څوکۍ په عمومي ټاکنو کې ګټلي،یو پکې ازاد امیدوار شامل شوی اؤ یوه ورته د ښځو ځانګړې څوکۍ ورکړل شوې اؤ دا مهال یې قامي اسمبلۍ کې د غړو شمېره 5 ده.

استحکام پاکستان ګوند درې عمومي څوکۍ ګټلي اؤ یوه ورته د ښځو څوکۍ ورکړل شوې اؤ د غړو شمیره یې اوس څلور ده.

مجلس وحدت المسلمین ، مسلم لیګ ضیاء،بلوچستان عوامي ګوند،بلوچستان نیشنل ګوند،نیشنل پارټي اؤ پښتونخوا ملي عوامي ګوند په قامي اسمبلۍ کې یو، یو غړی لري.

ددې ترڅنګ د قامي اسمبلۍ په 99 عمومي څوکیو ازاد امیدواران هم کامیاب شوي دي چې 8 کسان پکې تر اوسه هیڅ یو ګوند کې نه دي شامل شوی اؤ د قامي اسمبلۍ په دریوؤ څوکیو د کاندیدانونو د بریاليتوب معامله لا د ځنډ ښکار ده.

کرک: پوځ وایي عملیاتو کې یې درې "ترهګر" وژلي، څلور نور ژوبل شوي دي

د پاکستان پوځ وایي د خېبر پښتونخوا په کرک سیمه کې امنیتي ځواکونو د ترهګرو پرضد عملیات کړي چې پکې درې "ترهګر" وژل شوي اؤ څلور نور ژوبل شوي دي.

د پوځ د عامه اړیکو څانګې (آي ایس پي ار) د خالي- شنبې په ورځ پخپل یو بیان کې ویلي امنیتي ځواکونو سیمه کې د ترهګرو د شتون اطلاعات ترلاسه کړي وؤ اؤ کله چې دغلته د هغوي په ضد عملیات کول نو د ترهګرو سره یې څخه نښته وشوه.

پوځ دعوه کړې ده چې په دې عملیاتو کې ترهګرو ته د درانه مالي زیان اوښتو تر څنګ د هغوي نه وسلې، چاودېدونکي مواد اؤ نور مهمات هم ترلاسه شوي دي.

پوځ پخپل بیان کې نه ده واضحه کړې چې د وژل شوؤ ترهګرو تعلق د کومې وسله والې ډلې سره دی خو دعوه یې کړې ده چې هغوي د امنیتي ځواکونو اؤ بېګناه وګړو خلاف یو شمیر کارروایو کې ککړ وؤ.

تر دې وړاندې په 28مه فرورۍ هم پوځ د افغانستان د پولې ترڅنګ شمالي وزیرستان کې د ترهګرو پرضد عملیاتو کې د شپږو ترهګرو د وژلو دعوه کړې وه.

په دې نزدې وختونو کې چې په خېبر پښتونخوا کې په امنیتي ځواکونو څومره بریدونه شوي هغې کې د زیاترو ذمه واري تحریک طالبان پاکستان یا هم ترهګرې ډلې داعش خراسان په غاړه اخستې ده.

پاکستان کې د شخړو او امنيت د مطالعاتو څيړنيزې غېر حکومتي ادارې پاکستان انسټيتیوټ فار کانفلیکټ اینډ سیکورټي سټډیز (پېکس) ويلي، د روان کال په لومړۍ مياشت کې وسله وال فعاليتونه 102 فيصده سېوا شوي دي.

‎په رپورټ کې ویل شوي، په جنورۍ 2024م کې په ملک کې 93 وسله وال بريدونه شوي، 90 کسان پکې وژل شوي، 135 ژوبل شوي او 15 تښتول شوي دي.

د پيکس د یو وروستي رپورټ ترمخه دپاکستان دننه تېر کال ۲۰۲۳م کې په ترهګریز تشدد کې 53 فيصدي اضافه رېکارډ کړی شوې ده چې په تېرو لسو کلونو کې يې مثال نه موندل کېږي.

ادې ادارې په خپل کلني رپورټ کې ویلي چي کال 2023م کې د پاکستان دننه د ترهګرۍ په 789 پېېښو کې تر ټولو زياتې پيښې په خېبر پښتونخوا او بلوچستان صوبه کې شوې دي.

په پاکستان کې د ګرانۍ کچه ټیټه شوې ده

د پاکستان حکومتي شمېرې ښيي چې په تېرو شپږو میاشتو کې د ګرانۍ کچه 8.3 فیصده (سلنه) غورځېدلې ده.

د پاکستان د شمېرو دفتر وايي د روان کال فبرورۍ کې د خلکو د استعمال د شیانو بیعې په عمومي کچه 23.1 فیصده وې.

شپږ میاشتې وړاندې د تېر کال په سپټمبر کې د عام استعمال شیان 31.4 فیصده ګران وو.

د پاکستان د خزانې وزارت په فبرورۍ کې د 24.5 - 25.5 فیصده پورې د ګرانۍ اټکل کړی وو خو بازار کې د شیانو بیعې د اټکل شوې اندازې نه کمې ښودل شوې دي.

د تېر کال د مارچ نه تر د 2024م د فبرورۍ پورې څلور داسې میاشتې وې چې د ګرانۍ کچه د 30 فیصده نه لوړه وه او په تېره مۍ کې تر ټولو زیاته ګراني وه.

د پاکستان د شمېرو دفتر د خلکو د استعمال د شیانو په بیعو کې د لري بري په اړه د ګرانۍ میاشتنی رپوټ ورکوي.

یاد دفتر د خوړو، څښلو، دوا، جامې، پېزار، تګ راتګ، سېل سپاټي، تعلیم او دا ډول د نورو شیانو او اسانتیاوو د بیعو په اساس خپل رپوټ تیاروي.

څېړونکي نه ګڼي چې پښتونخوا کې به د پي‌ ټي آي حکومت د ترهګرۍ مخه ونیسي

څېړونکي وايي د خېبرپښتونخوا د نوي حکومت د پاره ترټولو لويه ستونزه ترهګري ده او دوي دا نه ګڼي چې نوی حکومت به د ترهګريزو بريدونو په مخنيوي کې بریالی شي.

د څېړونکو وینا ده چې تېرو وختونو کې هم د پاکستان تحريک انصاف ګوند بيانيه او دريځ د ترهګرۍ د مخنيوي په لړ کې شکمن او کمزوری پاتې شوی دی اؤ ویره شته چې د پي‌ ټي آي په نوي حکومت کې به صوبه کې ترهګري د قابو کېدو پر ځای نوره وده هم وکړي.

تېره ورځ د صوبې د وزیراعلا په توګه له غوره کېدو وروسته ښاغلي علي امین ګنډا پور اسمبلۍ ته پخپله وړومبۍ وینا کې ویلي وؤ چې حکومت به یې د ترهګرۍ مخه نیسي اؤ دې لړ کې به رغنده ګامونه پورته کوي.

څېړونکی او ليکوال ډاکټر عرفان اشرف وي او ای ډیوه ته وایي، دپاکستان تحريک انصاف ګوند وروستی ريکارډ ډېر کمزوری پاتې شوی او د هغوئ دا دريځ هم هم دمنلو نه دی چې ګنې ترڅو پورې هغوي په حکومت کې وؤ نو د ترهګرۍ پېښې کمې شوې وې.

د نوموړي په خبره "نو بريدونه به ولې کمېږي چې تاسو مذاحمت نه کوئ او نه څه وايئ،ولې چې تاسو طالبانو ته پيسې ورکوئ او کله چې ستاسو حکومت و په خېبرپښتونخوا کې نو په سوات کې د پخواني وزير اعلا محمود خان د ورور په اړه داسې رپورټونه راتلل او تورونه پرې لګېدل چې طالبانو ته پيسې ورکوي".

ډاکټر عرفان اشرف وایي ،د پاکستان تحريک انصاف ګوند که څه هم په تېر وخت کې دلته حکومت ؤ نو دا هڅه يې کړې چې طالبان مرکزي دایرې ته راولي او د هغوي عملداري ومني او عمران خان په خپله دا څو وارې ويلي وؤ چې طالبانو ته دې په پېښور کې دفترونه ورکړل شي.

د جمعې په ورځ د خېبرپښتونخوا ټاکل شوي وزيراعلا علي امين ګنډاپور په خپله وړومبۍ وينا کې ويلي وؤ،مونږ به ټولو نه وړومبۍ ترهګري ختموؤ، امنيت به په ځائ کوؤ ځکه چې له دې پرته پرمختګ نه شي کېدای.

څېړونکي وايي د پي ټي ايي ګوند سياسي تګلاره کله هم دا نه ده پاتې شوې چې د ترهګرۍ په مخې نیولو ملکي اقتصاد ښه کړی شي او د خلکو ستونزو ته پام راوګرځولی شي.

پېښورپوهنتون د صنفي علومو د څانګې استاذ ډاکټر درویش اپریدی وایي کله چې په افغانستان کې طالبانو د اشرف غني حکومت نسکور کړی ؤ نو دلته یې د تحریک انصاف د هغه وخت حکومت هرکلی کړی ؤ.

ډیوه سره خبرو کې هغه وویل "بلکې دوئ خو په افغانستان کې چې طالبانو د اشرف غني حکومت وغورځولو نو د دغه ګام هرکلی يې کړی ؤ او په پاکستان کې يو مشر هم داسې نه و چې دې قبضې ته يې په ازاده توګه هرکلی ویلی ؤ خو يوازې عمران خان دا کار کړی ؤ".

هغه وایي عمران خان په افغانستان کې د طالبانو لخوا په اقتدار د قبضې هرکلی په داسې حال کې کړی ؤ چې هغه د پاکستان وزیراعظم ؤ اؤ دا ښیي چې دوئ د پاره ترهګري او طالبان هيڅ مسله نه ده او نه د دوئ ايجنډه دا ده .

نوموړی وایي که په وزيرستان او باجوړ کې د ترهګرۍ پېښې کېږې نو دوي د پاره دا لويه ستونزه نه ده.

په پاکستان تحریک انصاف ګوند اؤ دهغې په مشر عمران خان خپلو مخالفینو مدام طالبانو سره د خواخوږۍ تورونه لګولي دي اؤ هغه یې حتی د "طالبان خان" په نوم یاد کړی دی خو عمران خان اؤ ګوند یې مدام دا تورونه رد کړي اؤ ویلي یې دي هغوي د ملک ایین ته د غاړې اېښودو صورت کې طالبانو سره د مذاکراتو پلوي دي.

څېړونکي وايي خېبرپښتونخوا حکومت به په راروانو ورځو کې ټول وخت مرکزي حکومت سره په لانجو او سياسي کشالو کې تېروي او د امنيت ستونزې ته به هيڅ پام نه راګرځوي.

د ډاکټر عرفان اشرف په خبره"څومره پورې چې په دې سيمه کې داسې مضبوط حکومت رانه شي چې هغه رياستي پاليسو ته هم ودرېدی شي او د پولې د هغې غاړې حکومت په پاليسیو هم پوهېږي او د هغوئ د ولس په نبض هم لاس وي ، نو زما په فکرخو د ترهګرۍ ختمولو دعوې يو خواب کېدای شي".

په اسلام اباد کې د څېړنې او امنيتي مطالعاتو غېر دولتي ادارې سي ار اېس اېس په خپل کلني رپورټ کې ويلي چې تېر کال 2023م کې دپاکستان دننه د ترهګرۍ ۷۸۹ پيښې ترسره شوي چې په کې ترټولو زياتې پيښې په خېبرپښتونخوا او بلوچستان کې ترسره شوي دي.

نور کتل

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG