لاس رسیدونکی لینک

تازه خبر

وزیراعظم کاکړ ګوادر کې د سمندري اوبو د څښلو د جوګه کولو پروژې پرانسته کړې ده


د گوادر تصویر (فائل)
د گوادر تصویر (فائل)

د پاکستان نګران وزيراعظم انوارالحق کاکړ د چين په مرسته ګوادر کې د سمندري اوبو د استعمال وړ جوړولو پروژې پرانسته کړې ده.

د ګل یا دوشنبې په ورځ نګران وزيراعظم انوارالحق کاکړ د دې منصوبې پرانسته وکړه او په مراسمو کې يې وويل چې ګوادر ته د څښلو د پاکو اوبو يوه پخوانۍ ستونزه ورپېښه وه چې حل شوه،.

هغه وویل د سي پېک له لارې د ګوادر خلک د پرمختګ نوي دور ته ننوتي دي.

انوار الحق کاکړ وویل چې ګوادر او بلوچستان به د پرمختګ په سيالۍ کې مخ په وړاندې ځي اؤ ځوانانو ته به په ګوادر کې د کار موندنې فرصتونه په لاس ورشي.

نګران وزيراعظم انوارالحق کاکړ وويل د پاکستان او چين ترمېنځه قوي دوه اړخيزه د ورورولي اړيکې دي، چين په بې مثاله توګه په لکونو خلک د بې وزلۍ نه بهر کړي، صدر شي چن پنګ د چين پرمختګ نوو لارو ته ورسولو.

هغه وويل په راتلونكې كال كې به پاكستان ته د اربونو ډالرو سرمايه كاري را شي.

چین ګوادر کې د څښلو د پاکو اوبو د پروژې لپاره دوه بلینه روپۍ د مرستې په توګه پاکستان ته ورکړي دي اؤ ټاکل شوې ده چې ددې پروژې نه به ګوادر سمندري ښار خواو شا 168,000 ابادۍ ته د څښلو پاکې اوبه په لاس ورشي.

په ګوادر ښار کې چې د ځمکې لاندې کومې اوبه دي هغه تروې اؤ د څښلو جوګه نه دي چې له دې امله ددغه ښار په لکونو وګړي د ډیرې مودې راهسې د اوبو د کموت سره مخ دي اؤ د ځښلو اوبه په بیعه د نورو ښارونو نه په ټینکرونو کې راغواړي.

د الله بخش په نوم د ګوادر یو اوسیدونکي څه موده وړاندې وي او ای ته ویلي وؤ یوازې د ګوادر ښار د اوبو ورځنی ضرورت 33 لکه ګیلنه دی خو دغه ښار ته هره ورځ په ټېنکرونو کې د دوه نیمو نه تر دریوؤ لکو ګلینو اوبه رسي چې د سیمې خلک د پاکو اوبو د کمي له امله د کړاوونو ډک ژوند تېروي.

د پاکستان مرکزي حکومت قابو یوه لسیزه وړاندې د ګوادر د اوبو د ضرورت پوره کولو په خاطر دسمندر د اوبو د څښلو د جوګه کولو په دوؤ پروژو کار پېل کړی ؤ.

Forum

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG