لاس رسیدونکی لینک

تازه خبر

د صحت عالمي بېړني حالات، د ډبلیو اېچ او د کلني اجلاس اهمه اېجنډه


د صحت د عالمي ادارې (ډبلیو اېچ او) د اکزېکټیو مشرانو د سږکال ناسته په داسې حال کې پرانېستلی شوې چې په نړۍ کې دا مهال د صحت په برخه کې څو څو بېړنی حالات لیدلی کیږي. دا اجلاس داسې وخت کې هم پرانېستلی شوی چې د ملګرو ملتونو د صحت دغه اداره، د عوامو د صحت په برخه کې "ګڼ شمېر کامیابۍ او سنګ میل" څرګندولی شي.

د ډبلیو اېچ او مشر ټېډراس ادهانوم ګېبرېیاسوس د ګل/دوشنبې په ورځ استازو ته وویل: "په مې میاشت کې، د قریب درې نیمو کلونو پس ما هم د کوېډ-۱۹ او هم د اېم-پاکس مرضونو د نړېوالو بېړنیو حالاتو ختم اعلان کړ، که څه هم په نړېواله کچه د دې دواړو امراضو خطرې موجودې دي."

د صحت د عالمي ادارې مشر پخپلو خبرو کې دا هم وویل چې، "د دنیا د ټولې آبادۍ د دوه په درې برخو نه زیاتو یې د یو کوېډ-۱۹ وېکسین ابتدایي خوراکونه مکمل اخستي دي. کوواکس چې د تېرکال په پای کې وتړلی شو، د قریب دوه بلینه خوراکه وېکسینونو په مهیا کولو سره یې یو ډېر اهم کردار ادا کړ چې دې سره په غریبو ملکونو کې د اندازې ترمخې، د دوه اعشاریه اووه میلین وګړو ژوند بچ کړی شو."

د ډبلیو اېچ او د سږکال اجلاس د پرانېستو په ورځ، یو بل ګټور ګام هم واخستل شو او هغه دا چې په همدې ورځ د افریقې په کامېرون هېواد کې د ډبلیو اېچ او په سپارښتنه، د ملېریا مرض دپاره د دوو وېکسینونو له جملې نه د یو استعمالېدل یې پیل شول. دا اولنی ملک دی چې د ملېریا وژونکي مرض د مقابلې دپاره روټین وېکسینونه ورکوي.

د ډبلیو اېچ او د رپوټونو ترمخه، هر کال نړۍ کې د پنځو لاکهو نه زیات ماشومان چې عمرونه یې د پنځو کلونو کم دي، د ملېریا په مرض مړه کیږي، او اکثره یې په افریقې کې دي.

د صحت د عالمي ادارې مشر چې د تېرکال د کامیابیو خبرې کولې، یوه یې په کې دا وه چې د نړۍ په یو سل او پنځوس (۱۵۰) ملکونو کې د سېګرېټ څکوونکو شمېر راکم شوی دی. همدا راز د پنځوسو نه په زیاتو ملکونو کې د موسمي بدلون سره مطابق د صحت نظامونو په جوړولو کې ملاتړ شوی، او په زیاتره ملکونو کې بنیادي دوایانو، وېکسینونو، معایناتو او نورو طبي پیداوارو ته رسایي هم سېوا شوې ده.

د دې نه علاوه، ډبلیو اېچ او وایي چې په ۲۰۲۲ کال کې په ټوبرکلوزس باندې اخته د څه باندې اووه نیم میلین کسانو معالجه شوې ده، چې په تېرو قریب دېرشو کلونو کې بې مثاله کامیابي ده.

د ډبلیو اېچ او د اکزېکټیو بورډ په اجلاس کې چې څلوردېرش (۳۴) ممبران لري، هرکال د صحت عالمي اسمبلې دپاره اېجنډه ټاکلی کیږي او د صحت عالمي ادارې فیصلې او تګلارې عملي کیږي.

ټېډراس د ګل/دوشنبې په ورځ وویل: "۲۰۲۴ کال به د عالمي صحت او زمونږ ډبلیو اېچ او ته، یو متعین یا ډېر اهم کال وي. په دې کال کې، تاسو سره دا فرصت شته چې د آینده څلورو کلونو دپاره د عالمي صحت سټراټیجي جوړه کړئ. دا کال، تاسو فرصت لرئ چې د صحت د بېړنیو حالاتو آینده معلومه کړئ."

ټېډراس یادونه وکړه چې تېر کال (ډبلیو اېچ او) د صحت پنځه شپېتو (۶۵) شدید هنګامه حالاتو ته امداد رسولی چې د ترکیې او شام د زلزلو نه یې راواخله، بیا د کانګو ډېموکرېټیک جمهوریت، اېټوپیا (حبشې)، هېټي، میانمر، سوډان، اوکراین او د غزې جنګي حالات او ناامنۍ په کې شاملې وې.

ټېډراس د ملګرو ملتونو ټولو غړو ملکونو باندې غږ وکړ چې یو بل سره کار وکړي او یو قوي اتفاق ته ورسیږي چې انسانان نور د آینده عالمي وباګانو نه په امن کې پاته شي.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG