لاس رسیدونکی لینک

تازه خبر

پاکستان د انتخاباتو په روڼوالي د نړیوالې ټولنې نیوکې رد کړې 


پاکستان د انتخاباتو په مهال د موبایل فون د خدماتو په ځنډولو د ځېنو هیوادونو لخوا شوې نیوکې رد کړې دي اؤ ویلي یې دي چې د الیکشن په ورځ په ټول هیواد کې د انټرنیټ خدمات نه وؤ ځنډول شوي.

د جمعې په ورځ یورپي اتحاد، امریکې او برتانیې په جلا جلا بیانونو کې په پاکستان کې د انتخاباتو پر نتایجو د شکونو په اړه هم اندېښنې ښکاره کړې وې او په دې اړه یې د بیړنیو او بشپړو پلټنو غوښتنه کړې وه. په پاکستان کې دننه هم ګڼ شمېر ګوندونه په نتایجو کې د درغلۍ تورونه لګوي.

د خبري شبکې ایسوسي ایټډ پریس له مخې د پاکستان خارجه وزارت پخپل یو بیان کې ویلي دي چې د انتخاباتو په ورځ ملک کې د ترهګرۍ د اندېښنې په اساس یوازې د موبایل فون خدمات تړل شوي وؤ.

په اتمه فرورۍ پاکستان کې د شوؤ انتخاباتو لپاره د رایې ورکولو د عمل پېل کېدو نه لږه شېبه وړاندې د کورنیو چارو وزارت په ګرد هیواد کې د موبایل فون اؤ انټرنیټ د خدماتو د ځنډولو اعلامیه خپره کړې وه .

امریکې پاکستان کې د عامو ټاکنو په مهال د تشدد په رامنځته شوؤ پېښو، د موبایل فون اؤ انټرنیټ د خدماتو به تړل کېدو اندېښنه ښودلې وه اؤ ددې غندنه یې کړې وه.

د امریکې د بهرنیو چارو د محکمې ویند میتهیو ملر ویلي وؤ چې پاکستان کې په انتخابي عمل کې د لاس وهنې یا درغلیو د دوؤ باید بشپړه پلټنې وشي.

اروپایي اتحاد هم ویلي وؤ چې پاکستان کې ځېنو سیاستوالو ته الیکشن لپاره په هوار میدان نه ورکول کیدو مایوسه شوی دی.

د نړیوالو نیوکو په غبرګون کې د خالي په ورځ خپل یو بیان کې د پاکستان د بهرنیو چارو وزارت ویلي دي اسلام اباد د ځېنو بیانونو په منفي لهجو حیرانه شوی دی.

بیان کې ویل شوي چې په دغو ځېنو منفي لهجو کې نه خو د انتخاي عمل کږلیچونه یا پیچیدګۍ په نظر کې نیول شوي دي نه پکې د لکونو پاکستانیانو لخوا په ازادۍ اؤ د جوش په جذبې سره د خپلې رایې ورکولو د حق استعمال ته پام ګرځول شوی.

خارجه وزارت ویلي چې پاکستان کې عامې ټاکنې په پرامنه ډول په کامیابۍ سره ترسره شوي دي اؤ داسې بیانونه د انتخاباتو د پرامنه انعقاد یا سرته رسیدو ناقابل تردید حقیقت نظر انداز کوي .

په اتمه فرورۍ د پاکستان د قامي اسمبلۍ په 265 څوکیو انتخابات شوي ؤ چې دې کې اوس پورې مخې ته د راغلیو غیرحتمي نتیجو له مخې په 100څوکیو ازاد امیدواران کامیاب شوي دي چې زیاتره پکې د تحریک انصاف ګوند ملاتړ لرونکي دي.

د الیکشن کمیشن لخوا مخې ته د راغلو نتیجو له مخې پاکستان مسلم لیګ(ن) ګوند تر اوسه 70 اؤ پیپلز ګوند 54 سیټونه ګټلي دي.

Forum

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG