لاس رسیدونکی لینک

تازه خبر

د القادر ټرسټ ‏‎190‎‏ ملينه پاونډونو قضيه کې په عمران خان او بشرا بي بي فرد جرم لګول شوی


د پاکستان د راولپنډۍ د احتساب عدالت د القادر ټرسټ د ‏‎190‎‏ ملينه پاونډونو په قضيه کې په پخواني وزيراعظم او د تحریک انصاف ګوند په مشر عمران ‏خان او د هغه په مېرمن بشرا بي بي فرد جرم یا رسمي تور لګولی دی. ‏

د مطبوعاتي رپوټونو ترمخه د احتساب عدالت جج ناصر جاوېد رانا په اورېدنه کې فرد جرم لګولی، خو تورنو/ ملزمانو (عمران خان او بشرا بي بي) د صحت ‏جرم نه انکار کړی او عدالت بيا د شپږم مارچ پورې اورېدنه ځنډولې او ګواهان یې غوښتي دي.‏

ويل شوي د عمران خان وکیلانو د عدالت نه د قضيې د چالان کاپیانې غوښتي او عمران خان عدالت ته ويلي چې د قضیې په چلولو کې دې نور وخت وانه ‏خستل شي.‏

وکیل زياته کړې، د فرد جرم لګولو نه اووه ورځې وړاندې د رېفرنس اسناد ورکول وي، خو د ‏‎50‎‏ پورې نزدې اسناد داسې دي چې هغه د لوستو قابل نه دي ‏کوم چې د قضيې په اړه اهميت لري، دوی د فرد جرم لګولو په وړاندې خنډ نه جوړيږي خو اووه ورځې وخت دې نور ورکړل شي.‏

د القادر ټرسټ قضيه څه ده؟

تېر اتحادي د پي ډي اېم حکومت په عمران خان تور لګولی وو چې کله هغه په اقتدار کې وو نو د القادر ټرسټ په نوم د یو خېریه بنسټ لپاره یې د پاکستان ‏دنننه د ځمکو د یو لوی کاروباري ملک ریاض نه د پنجاب صوبې د جهلم په سوهاوه سیمه کې یې د القادر پوهنتون لپاره 458 کناله ځمکه ترلاسه کړې وه.‏

القادر پوهنتون د القادر ټرسټ یا بنسټ د سیوري لاندې فعالیت لري او عمران خان او د هغه مېرمن د دغه بنسټ مسولین یا مشران دي.‏

عمران خان وړاندې ويلي وو دغه ځمکه ورته د القادر پوهنتون لپاره ملک ریاض عطیه کړې وه خو تېر حکومت تور لګولی وو چې دا معامله د عطیې یا ‏چندې نه ده بلکې د بحریه ټاون د مالک ملک ریاض او عمران خان د تېر حکومت ترمنځ د شوي یو پټ تړون برخه ده.‏

د پي ډي اېم حکومت ويلي وو، چې د برتانيې د نيشنل کرايم ايجنسۍ د پلټنو په نتيجه کې ملک رياض د قضيې کولو په ځای جوړ جاړی کړی او ايجنسۍ ‏دغه پېسې (‏‎190‎‏ ملينه پاونډونه) د پاکستان د رياست اثاثه ګرځولې وه

ويل شوي، دغه پېسې بيا برتانیې د پاکستان حکومت ته سپارلې وې خو د عمران خان حکومت بیا دا پېسې د ملک ریاض په ذمه ورپورې هغو 460 اربو ‏روپو کې شمارلې وې چې سپریم کورټ یې د کراچۍ د بحریه ټاون په قضیه کې ملک ریاض ته د ادا کولو امر کړی وو.‏

Forum

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG