د اقتصاد پوهانو په خبره، د پاکستان د ونډو بازار غورځېدو غټ ښکاره علتونه د پاکستان د نړيوالې مالياتي ادارې (آی اېم اېف) سره خبرې اترې او د سود شرحه ده.
پرون د شورو/چارشنبې په ورځ د پاکستان د ونډو بازار کې د سر د 100 کمپنو کاروبار په 64,801 پواينټونو پيل شوی، وروسته بيا په دغه شمېره کې 931 پوانټونه کم شوي او د کاروباري ورځې په ختمېدو د ونډو بازار د 753 پواینټونو په کمي سره بند شوی دی.
له دغې يوه ورځ وړاندې د نهې/ سه شنبې په ورځ هم د ونډو بازار 953 پواينټونه راغورځېدلی وو.
د ونډو بازار تازه په داسې وخت کې غورځېدلی چې په ملک کې نوی حکومت جوړ شوی دی، د سیاسي او اقتصادي چارو کار پوهان وايي، په مرکز او صوبو کې حکومتونه جوړ شوي، يو څه ښه پرمختګ دی خو هغه شان نه دی څنګه چې پکار دی.
خو د پوهانو په خبره پاکستان ته بيا هم ګڼ چېلنجونه مخې ته دي چې پکې په سر کې د اقتصاد مسله ټولو نه مهمه ګڼل کيږي.
اقتصاد پوهه ډاکټر غلام صمد وایي، پاکستان ته د بهرنیو پانګونو، برامداتو سېوا کولو، بهر نه ملک ته د زیاتو پېسو راوړل یا رالېږل، ګراني قابو کول او تر ټولو غټ چېلنج د آی اېم ايف نه پور ترلاسه کول دي.
وي او ډیوہ سرہ خبرو کې نوموړي وویل، که هر څوک د خزانې چارې سمبالوي، دا ټول چېلنجونه به ورته مخې ته وي، او د پاکستان اقتصاد سمبالول او په خپلو پښو ودرول اسان کار نه دی.
د پاکستان د خزانې نوي مرکزى وزیر محمد اورنګزيب د اړين اقتصادي اصلاحاتو ته پام ګرځول او د هېواد اقتصاد د بحران څخه د راويستلو لپاره نړیوالې مالياتي ادارې آي اېم اېف سره يو بل د پور تړون کول خپله يوازينۍ اېجنډه ګرځولې ده.
د اقتصادي چارو ماهرين وايي اورنګزېب ته د پاکستان ټول اقتصادي چېلنجونه ورمخې ته دي او وايي هغه ته به تر ټولو ستر چېلنج دا وي چې د آي اېم اېف سره يوه بله د پور لوظنامه په څه شرطونو لاسلیک کوي؟.
او د غلام صمد په خبرہ د اورنګزېب خپله شخصي کارکردګي ښه ده او هغه ټکنوکریټ دی، مثبت یې اړخ یې دا دی چې سیاستوال نه دی او د آی اېم اېف نه به پور ترلاسه کړي خو که د چا دا خیال وي چې هغه به ټولې مسلې ھواري، نو دا دومرہ اسان کار نه دی.
Forum