لاس رسیدونکی لینک

تازه خبر

بلوچستان کې د تربت په پوځي ائیرپورټ ډله ايز وسلوال بريد شوی – ذمه واري یې بي اېل اې منلې ده


د پاکستان د بلوچستان صوبې په تربت ښار کې یوې ډلې وسله والو د سمندري قواوو په پوځي ائیرپورټ حمله کړې ده خو تر اوسه د دې برید د مرګ ژوبلې په اړه څه کره رپوټونه ترلاسه شوي ندي.

د تربت پوليس چارواکو وي او اې ډېوه سره خبرو کې د دغه برید د خبر تصديق کړی او ویلي یې دي چې "لومړي رپورټونه ښايي څلور وسلوال بريد ګر د هوايي ډګر و حدودو ته ننوتي، د ځاني او مالي زيان اندازه به سهار په رڼا کې کېږي".

د پوليس دغه لوړ پوړي چارواکي د نوم نه ښوول په شرط ډيوه ته ويلي: "د ګل/دوشنبې په ماښام په تربت کې د پاکستان د سمندري ځواک پر هوايي اډې بريد شاوخوا د شپې لس بجې پیل شوی".

د دغه پولیس چارواکي تر خبرو پورې هم په سیمه کې برید جاري و.

د چارواکو په وینا د هوايي ډګر په شاوخوا کې د درنو ډزو او چاودنو غږونه اورېدل شوي دي.
د سمندري ځواک "نيول فورسس" ائیرپورټ په تربت ښار کې موقعيت لري، چې دلته د تربت ښار هوايي ډګر سيمه ورسره لري.

د چارواکو وینا ده چې، "ياد هوايي ډګر د پاکستان د سمندري ځواکونو دويم يا دريم لوی هوايي ډګر دی او دلته په زيات شمېر کې د پاکستان سمندري ځواک موجود دی".

تربت د بلوچستان په جنوب کې د مکران ډويژن د کيچ ضلعې سر ښار دی.

د مکران ډویژن پوليس چارواکي وایي چې، "بريد کوونکو له څلورو تر پنځو ځايونو هوايي ډګر ته د ننوتو هڅه وکړه، خو امنيتي ځواکونو يې مخه ونيوله، د نيول بېس د خونديتوب لپاره هلته سمندري ځواک، او ايف سي موجوده ده، پوليس د هوايي ډګر شاوخوا سيمه په ولکه کې اخيستې ده."

يوه بل چارواکي و ډيوه ته وويل، "د سمندري ځواکونو هوايي اډه په هوايي ډګر کې دننه جوړه شوې، خو ډېره لرې ده او بريد کوونکي ترې ډېر لرې دي، دلته د پاک بحريه، فرنټير کور او پوليس موقعې ته رسيدلي دي، له بریدګرو سره جګړه روانه ده."

ناقانونه ګرځول شوې بلوڅ بېلتون غوښتونکې وسلوالې ډلې بلوچ لیبریشن ارمي مجيد بريګېډ د برید ذمه واري منلې ده.

دا په بلوچستان کې په تيره يوه اونۍ کې دویم لوی برید دی.

تر دې وړاندې د مارچ پر شلمه د مکران ډویژن په گوادر ضلع کې د ګوادر پورټ اتھارټي د استوګنې په کمپلیکس د BLA حمله شوې وه، چې په ترڅ کې يې دوه عسکر وژل شوي او ځينې ټپي شوي او د چارواکو په وينا په ځوابي ډزو کې يې اته وسلوال بريدګر وژلي وو.

د ياد بريد ذمه واري هم د بي ايل اې تنظيم مجيد بريګېډ نومي ډلې منلې وه.

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

Forum

ځانګړې ویډیوګانې

د هندوستان کرکټ ټیم د مینه والو څو خبرې
please wait

No media source currently available

0:00 0:00:44 0:00

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG