په افغانستان کې د واکمنو طالبانو مشر ملا هبت الله اخند زاده د کوچني اختر په اړوند خپل یو پیغام کې په طالب چارواکو ټینګار کړی چې هغوي خپل اختلافات یوې خواته کړي اؤ سمه توګه د افغانستان خدمت وکړي.
د طالبانو په صفونو کې که هر څو په عمومي توګه ډیر کم اختلاف لیدل کیږي خو ځېنو مشرانو یې د مشرتابه د پرېکړو په ځانګړي ډول د نجونو په زده کړو د بندیز له پرېکړې سره اختلاف ښودلی دی.
هبت الله اخند زاده چې یو دیني عالم دی اؤ تقریباً کله هم د ولس منځ کې نه دی لیدل شوی هغه ډیر کم د جنوبي ولایت کندهار څخه بهر اوځي .
هغه ته نزدې کسانو په افغان ښځو او نجونو بندیزونو لګول کې مهم رول لوبولی دی چې د طالبانو دغه اقدام په نړیواله کچه سخت غبرګونونه راپارولي اؤ هغوي یې د نړۍ په کچه یوازې کړې دي.
د شنبې په ورځ د هغه لیکلی د اختر پېغام په اووه ژبو خپور کړی شوی چې په کې هغه د سیمې، نړۍ او په ځانګړي ډول اسلامي هیوادونوسره د اړیکو اړوند مسلو او د خپل حکومت مسوولینو ته یو لړ سپارښتونو ته ځای ورکړی دی.
اخندزاده ویلي طالب چارواکي "باید خپلو کې د ورورګلوۍ ژوند وکړي، د رایو د اختلاف اؤ خودغرضۍ نه ورته ډډه پکار ده"
د طالبانو مشر خپل پېغام کې ویلي" امنیت په دې نه راځي چې سختي وشي او مړي ډېر وشي، بلکې امنیت د شریعت په نفاذ او عدالت کې دی او بې امنیتي هغه وخت راځي چي د شريعت مخالفت وشي، نو د ځانونو اصلاح ضرور ده د هر مسئول او فرد ګناه په ټول نظام بد اثر کوي"
هغه پخپل دې پېغام کې د نجونو اؤ ښځو په مخ بېرته د مکتبونو اؤ پوهنتونونو پرانستلو په اړه هیڅ نه دي ویلي.
هبت الله اخند زاده په دې پیغام کې د خپل ځان په اړه د خپرو شوؤ هغو ناتاییده رپورټونو په اړه هم څه سپیناوی نه دی کړی چې پکې ویل شوي وؤ طالبان به د زنا په جرم کې د ښځو د سنګسارولو عمل بیا پیل کوي.
دا ښځو ته د سنګسار دا سزا د 1990 د لسیزې په وروستیو کې د طالبانو د حکومت په وړومبۍ دوره کې ورکړل کیده.
په واشنګټن کې د نیشنل ډیفنس پوهنتون پروفیسر حسن عباس چې "د طالبانو واپسي" په نوم یې یو کتاب هم لیکلی وایي د اخند زاده دا پېغام "تر ډیره حده معقول ښکاریدو" اؤ هغه پکې خپل پام ښه حکومتولۍ اؤ د غبن د مخنیوي معاملو ته ګرځولی ؤ
ښاغلي عباس ایسوسي ایټیډ پریس ته ویلي زه باور لرم چې دا پېغام په دې وروستیو کې د هغه د خپور کړل شوي یو غږییز پیغام د لارې د خپور شوي منفي تاثیر لرې کولو لپاره تیار کړی شوی .
هغه وایي په دغه غږییز پیغام کې یو ډیر سخت دریځ مخې ته راغلی ؤ په ځانګړي ډول د ولسي سزاګانو اؤ د ښځو د حقونو په اړه.
هغه وایي "زه فکر کوم دا نوی پیغام په نقصان د قابو موندلو لپاره دی"
د شبنې په ورځ هم د طالبانو د واک لاندې سترې محکمې ویلي چې په ختیز ولایت لوګر کې یې د یوې ښځې په ګډون شپږ کسان د زنا په تور کې په عام محضر کې په دورو وهلي دي.
Forum