د یوکرین پوځي چارواکو د نهې- سه شنبې په ورځ ویلي چې د شپې په بریدونو کې د روس لخوا کارول شوي 60 ډرون الوتکو کې یې 36 ویشتلې او را غورځولې دي.
د یوکرین هوایی پوځ ویلي چې دغه ډرون الوتکې یې د چېرنیف، دنېپروپیټروسک، خارکیف، خمېلنیتسکي، کییف، پولتاوا، سومې او زاپوریژیا په سیمو کې ویشتلې دي.
د نیپروپېټروسک ګورنر سرهي لېسک د ټیلیګرام د لارې په یو پیغام کې ویلي چې د ډرون او د روس لخوا شوي بمبارۍ کې یو شمېر کورونه او د بجلۍ لاین یا تارونو ته نقصان رسیدلې دی.
په غربي یوکرين کې د خمېلنیتسکي ګورنر سرهي تيورين ویلي چې د روس په حملې کې څو کورونه ته نقصان رسیدلی دی.
د یوکرین په شمال ختیځ کې د سومې په سیمه کې چارواکو ویلي چې هلت یوه ودانۍ زیانمنه شوې ده.
د روس د دفاع وزارت د نهې، سه شنبې په ورځ ویلي چې د دوی هوایي دفاع نظام د یوکرین څلور ډرون الوتکې په روستوف او ورونېژ سیمو کې ویشتلې او تباه کړې دي.
روستوف او ورونېژ دواړه د روس او یوکرین سرحد ته څېرمه موقعیت لري او اکثره د یوکرین د ډرون الوتکو لخوا په نخښه کېږي.
د روستوف او ورونېژ ګورنرانو د ټیلیګرام د لارې په پیغام کې ویلي چې د یوکرین د بریدونو په نتیجه کې د کوم نقصان یا مرګ ژوبلې رپورټ نه دی ورکړل شوی.
Forum