تبت کې د 7.1 شدت زوروره زلزله شوې، د مړو شمېره 95 ته ورسېده

د چين او نيپال په پوله پرته علاقه تبت کې د نهې، سه شنبې په ورځ زورورله زلزله شوې، د مطبوعاتي رپورټو ترمخه د زلزلې له امله ګڼې ودانۍ غورځېدلي دي.

د اې پي خبري ادارې ترمخه، پېښو کې د مړه شوو کسانو شمېره 95 ته رسېدلی ده.

چارواکو ویلي په پېښو کې 130 کسان ژوبل شوي دي.

ویل شوي، اغېزمنې سيمې ته د 1,500 پورې د ژوغورنې او امدادي کار کوونکي روان کړل شوي دي.

د امریکې د جيولوجېکل سروی ترمخه، د زلزلې شدت 7.1 او په ځمکه کې لس کلوميټره ژور وو، چین د زلزلې شدت 6.8 ريکارډ کړی دی.

ويل شوي، تبت کې د شوې زورورې زلزلې جټکې د چین سره په نيپال او هند کې هم محسوس کړل شوي دي.