د پاکستان د وزیراعظم دفتر ويلي، پاکستان په درېمه فرورۍ د سعودي عرب د پرمختيايي فنډ سره يو تړون لاسليک کړی، د کوم لاندې به پاکستان د سعودي عرب څخه د يو ارب او شل کروړه ډالرو تېل د يو کال پورې پيسو وروسته ورکولو په سر ترلاسه کولی شي.
پاکستان وايي د تيلو ترلاسه کولو دغه تړون سره به د تيلو مصنوعات په باثباته توګه ورکړه يقيني کول د پاکستان د اقتصاد پیاوړي کولو کې مرستندويه وګرځي.
ويل شوي، پاکستان د سعودي عرب سره د مانسهرې د اوبو د سکيم دپاره د 41 ميلينه ډالرو ورکولو تړون هم لاسليک کړی دی، د لاسليک په دستورو کې وزيراعظم شهباز شریف ګډون کړی دی.
د پاکستان د سرکاري خبري ادارې اې پي پي ترمخه، شهباز شريف د تيل په راغوښتو کې په مالي رعايت د لاسليک کېدو هرکلی کړی چې پاکستان به یې يو کال وروسته پيسې ورکوي.
خبر کې ويل شوي، د خېبرپښتونخوا د مانسهرې دپاره چې د اوبو د کومې پروژې تړون شوی، له دغې به د علاقې 150,000 ځايي خلکو ته د څښلو پاکې اوبه ورسي او د 2040م پورې به د دوه لکو کسانو دپاره د اوبو طلب پوره شي.
پاکستان زياتره تېل د سعودي عرب څخه راغواړي، او د بهر څخه راغوښتونکو توکيو کې زياته خرچه هم په تيلو راځي.
ويل شوي، د تيلو پيسې وروسته کولو دپاره د سعودي عرب دغه رعايت، اسلام اباد ته د مارچ په مياشت کې د نړيوالې مالياتي ادارې (آی اېم اېف) د اووه اربه ډالرو د پور د پروګرام د لومړي جاج څخه وړاندې د خپلې زر مبادله سېوا کولو په لړ کې مرستندويه ګرځېدی شي.
Forum