افغاني مامورینو ویلی دي چی امنیتي قواو یې تیره شپه د مشکوکو یاغي طالبانو سره په جگړه کی دوه طالبان وژلي دي . په دې جگړه کی یوه ښځه هم وژل شوې ده .
مامورینو وویل چی افغاني قواوي پرون د ننگرهار په ولایت کی د یاغیانو سره چی په یوه ودانۍ کی پټ شوي وو ، په سخته جگه اخته وې .
محلی مامورین وایی چی په دې جگړه کی امریکایی عسکرو د افغاني قواو ملاتړ کاوه مگر امریکایی مامورینو دا خبره نه ده تایید کړې . مامورینو ویلی دي چی مشکوک یاغي طالبان چی د چپرهار ولسوالۍ ته ورغلي وو د هغه ځای نه تښتیدلي دي . په ودانۍ کی د یوه سړي مړی پیدا شوی دی .
په افغانستان کی په دې وروستیو وختو کی د مبارزینو حملې زیاتی شوی دي او ددې حملو رپوټونه تقریبا هره ورځ ورکول کیږی .
د امریکا په مشري قواو په ٢٠٠١ کال کی طالبان وروسته له هغه پسې واخیستل چی هغوی د القاعده مشر اسامه بن لادن په امریکا کی د سیپټیمبر د یوولسمي د حملو نه وروسته په لاس ور نه کړ .
