لاس رسیدونکی لینک

Breaking News

په افغانستان کی  ٢٥ یاغی طالبان ووژل شو ل


په افغانستان کی د امریکا په مشری د اییتلاف قواوی وایی چی د افغان عسکرو سره یی د پوځی عملیاتو په لړ کی لږ تر لږه ٢٥ یاغی طالبان وژلی دی.

د اییتلافی قواو په یوه اعلامیه کی چی نن خپره شوه ویل شوی دی دا پیښه پرون د پنجشنبی په ورځ د هلمند په ولایت کی وشوه .

نن په کندهارکی دناتو پوځی کاروان ته نږدی د سړک په غاړه د بم یوه چاودنه وشوه خو څوک پکی ټپی شوی ندی.

طالبانو د پنجشنبی په ورځ د ناتو په قواو کی دری تنه کانادایی عسکر هم په کندهار کی ووژل.

په همد ی ولایت کی په بله جلا پیښه کی یوه سر تیری بم چونکی خپل موټر چی د چاودیدونکو موادو نه یی ډک کړی و پر یوه گڼ مارکیټ ور وست ٢١ تنه یی ووژل او ١٣ تنه یی زخمیان کړل.

محلی مامورین وایی د سر تیری بم چونکی هدف په اصل کی د ناتوپر مشری د آ یساف قواوی وی خو پکی یوازی ملکی کسان ووژل شول.

ناتو پدی اونی کی د افغانستان په ٦ جنوبی ولایتونو کی د امریکا په مشری د اییتلاف د قواو نه د امنیت د چارو قومانده په لاس کی واخیسته.

XS
SM
MD
LG