دَ افغنستان پولې ته نزدې دَ پاکستان قبایلي سیمه خیبر ایجنسۍ کې دواو غلیمو مذهبي ډلو دَ ایجنسۍ ځینې
سیمې خپل کنټرول کې اخستې دي.
دَ لشکر اسلام او تنظیم اهل سنت والجماعت پلویانو دَ غرونو په سرونو دَ یوبل پرضد مورچلونه جوړ کړي دي. د دواړو ډلو ترمنځ دَ تاوتریخوالي له امله دَپیښور تورخم لار تړل شوې ده.
او دَ لنډي کوتل په گډون ځیني نور بازارونه هم تړل شوي دي.
حکومت تراوسه په دغه سیمه کې دَ کړکچ په ختمولو کې ناکامه ده.
ځایي خلک دَ حکومت په ناکامۍ باندې سختې نیوکې کوي. ځیني څیړونکي په حکومتي چارواکو تور لگوي چې دَ شخصي گټو لپاره چارواکي نه غواړي په سیمه کې سوله او امن پاتې شې.
1
