دسکاټ لينډ يارډ پلټونکو جمهوررئيس پرويز مشرف سره ليدلي دي

دپاکستان پيپلز گوند دوژل شوې مشرې او پخوانۍ صدراعظمې بې نظير بوټو دوژنې په څيړنو بوختو دبرطانوى پوليسو سکاټ لينډ يارډ پلټونکو دپاکستان جمهوررئيس پرويز مشرف سره وليدل.
ليدنه کې دسکاټ لينډ يارډ پلټونکو جمهوررئيس مشرف سره دبې نظير بوټو دوژنې دڅيړنو په هکله په مختلفو اړخونو خبرې اترې وکړې.
پلټونکو جمهوررئيس دبې نظير بوټو دوژنې په اړه تر دې محاله دشوؤ څيړنو څخه خبر کړو. ښاغلي پرويز مشرف پلټونکي ډلې ته باور ورکړو چې د پلټنې په عمل کې به دپاکستان دولت ددوي سره بشپړه همکاري کوي.
پرويز مشرف وويل دولت دپيپلز گوند دوژل شوې مشرې بې نظير بوټو دوژنې دمحرکاتو دلټولو ترڅنگ قاتلان پيدا کول اؤ هغوي خپل انجام ته رسول هم غواړي.
جمهوررئيس هيله څرگنده کړه چې دسکاټ لينډ يارډ دډلې تخنيکي مرسته به دپاکستاني شبکو لپاره گته وره ثابته شي.