لاس رسیدونکی لینک

Breaking News

احمدمختار: کۀ کارروايي مو نۀ وى کړې نو ترهه گر به گرځول شوي وؤ


دپاکستان ددفاع وزير چوهدري احمدمختار وايي کۀ چرې حکومت دجماعت الدعوة په ضد کارروايي نۀ وى کړې اؤپه دغه تنظيم يې پابندي نۀ وى لګولې نو پاکستان به ترهگر هيواد گرځول شوى ؤ.
داسلام اباد په هوايي ډگر ميډيا سره په خبرو کې ددفاع وزير وويل جنگ دکومې ستونزې هوارى نۀ دى اؤ پاکستان دهند سره ښې اړيکې غواړي.
هغۀ وويل دپاکستان دفاعي توان دچا څخه کم نۀ دى.
ښاغلي مختار وويل دهيواد دوضعيت له امله به دنړۍ سره په گډه تگ کول وي.
هغۀ وويل ددښمن سره دجنگ کولو توان لرو خو دټولې نړۍ سره نۀ شو جنگيدلى.
ښاغلي مختار وويل امريکايي چارواکي زمونږ دگامونو څخه مطمئين دي.
هغۀ وويل پاکستان به بې ثباتۍ ته پرې نۀ ږدو.
ددفاع وزير وويل دترهه گرۍ په ضد جنگ زمونږ په گټه دى.

XS
SM
MD
LG