دافغانستان پولې ته نزدې د پاکستان په قبائيلي سيمه جنوبي وزيرستان کې طالب جنګيالو امريکا ته دجاسوسۍ په تور يوتن وژلى دى.
دسرچينو له مخې دجنوبي وزيرستان داعظم ورسک سيمې څخه ديو تن مړى ترلاسه شوى چې په ډزو ويشتل شوى.
ددغه تن مړي سره په خوا کې يو ليک هم موندل شوى چې په پښتو ژبه ښکل شوى اؤ په هغه تور لګول شوى چې امريکا ته يې جاسوسي کوله.
په شمالي اؤ جنوبي وزيرستان ايجنسو کې له دې وړاندې هم ګڼ کسان امريکا ته دمخبرۍ په تور دځايې طالبانو لخوا وژل شوي.
تيره ورځ په ميرانشاه کې دوه کسان طالبانودامريکايي جاسوسي الوتکو لخوا دکيدونکو بريدونو دمخبرۍ په تور وژلي وؤ اؤ اخطار يې کړى ؤ چې کۀچا دهغوي جنازه وکړه نو ددغه رقم پائيلو سره به مخ کيږي
1
