په یمن کې شیخ عبدل ماجد الځنداني یو مشهور، بااثره خو لانجمن عالم په حیث پیژندلی کیږي. په امریکا کې هغه یو ترهگر گنړلی کیږي.
خو د هر څه نه زیات ځنداني د هاغه تضاد شکل اختیار کړی دی کوم چې په یمن او امریکا کې د القاعده خلاف د جنگ په موضوع وجود لري.
هغه د امریکې نه زیات په یمن کې شهرت لري خو په غربي نړۍ کې هم پیژندلی کیږي.
د امریکې حکومت ځنداني په خصوصي توگه نړي وال ترهگر بولي او په هغه دا تور لگوي چې هغه د اوسامه بن لادن روحاني رلارښوددی او ترهگر تنظیمونو ته پیسیې رسوي.
اسماعیل سهیلي د ایمان یونیورسټۍ د سیاسياتو د څانگې مشر دی. ایمان یونیورسټي ځنداني جوړه کړې ده او مشريي هم دی. سهیلي وايي امریکې خپل تاریخ گډوډ کړی دی.
د نورو یمني عالمانو او د امریکې د حکومت په رنگ ځنداني به هم د نولسوه اویایم او نولسوه اتیایم په لسیزو کې عرب ځوانانو ته په افغانستان کې د روس خلاف د جنگیدو حوصله ورکوله.
سهیلي وايي اوسامه بن لادن به هم په دغو خلکو کې شامل وو چې افغانستان ته به يي د جنگ د پاره ځوانان لیږل. هغه وايي ځنداني د القاعده سره څه تړون نه لري.
خو ځنداني د غرب د پالیسو په اړه خپله نا خوښي نه پټوي. د یمن سرښار ثنا په یو خبري کانفرنس کې هغه اویل چې د امریکې مشران خپل اولس ته دروغ وايي او په نړۍ کې اقتصادي بهران په عراق کې د امریکې د پیسو ضائع کیدو په وجه رامنځته شوی دی.
د جنورۍ په منځ کې ځنداني د نړي وال جهاد غږ اوکړو کې که چرې غربي قوتونو د القاعدې سره د جنگ د پاره یمن ته ځواکونه اولیږل.
یمن کې اکثر خلک په عراق او افغانستان کې د جنگونو مخالفت کوي او ټوکې کوي که امریکاي ځواکونه یمن ته اولیږلی شول نه هر تن به القاعده کې شامل شي.
که څه هم ځنداني باندې ترهگرو ته د پیسې ورکولو تورلگول کیږي خو یمنیان په دې اړه خپل نظر لري چې څوک ترهگر دی او څوک نه دی.
د مثال په توگه حماس په یمن کې په پراخه کچه د فلسطین قانوني حکومت گنړلی کیږي. او ځنداني لکه د نورومشهورو یمنیانو په رنگ په ډاگه د حماس ډله کوي. امریکا او اروپاي اتحاد حماس ترهگر تنظیم گنړي.
یمن کې د ځنداني خلاف د ملگرو ملتونو د بندیزونو په څرگنده سرغړونه کیږي. د یمن دخارجه دفتر یو چارواکی وییل الحمداني وايي ځنداني ته څه سزا نشي ورکیدی ځکه چې کوم قانون يي نه دی مات کړی.
الحمداني وايي ځنداني د یمن شهري دی، د قانون پابندي کوي او که جرم اوکړي نو عدالت به ته وړاندې کیږي.
په یمن کې د ځنداني د ځنی نظریاتو په وجه لانجې هم راپورته شوې دي. هغه وايي چې د ایډز مرض علاج يي دریافت کړی دی او داسې سائنسي دلیل لري چې ښځې په یو و خت د یاداشت او دسوچ کولو صلاحیت نه لري نو په دې وجه اسلامي عدالت کې د دوو ښځو شهادت د یو سړي برابر گنړلی کیږي.
تیر کال هغه د هاغه مجوزه قانون مخالفت کړی وو چې د ورکوټو جینکوسره په واده يي پابندي لگول غوښتل. هغه په سیاست کې د زناناؤ په گډون پابندي لگول غوښتل او په یمن کې دی سعودي عربستان په شان د مذهبي پولیس جوړول غواړي.
د ډیرو یمنیانو د پاره، که د هغه سیاست سره اختلاف هم لري، ځنداني یو قامي شخصیت دی. ذیاتره سیاستدانان وايي داگنړل هم د خندا خبره دا چې د یمن حکومت به دومره مشهور شخصیت مجبوره کړی شي چې د غربي نړۍ لخوا په هغه د لگول شوو الزاماتو ځوابونه ترې واخلي.
1
