یو بندی اسلامی مبارز په جاکارتا کی د ابو بکر بشیر د محاکمی په وخت اقرار وکړ چی دغه مسلمان ملا ته یو وار په افغانستان کی د اسامه بن لادن سره د ژوند کولو بلنه ورکړ شوی وه. محمد ریس محکمی ته وویل چی هغه په یو دپاسه دوه زرم کال کی د اسمه بن لادن یو پیغام ور رسولی و . پدی پیغام کی اسامه بن لادن دی ملا ته ویلی و چی که په اندونیزیا کی ارامه نه یی نو افغانستان ته راشه . لدینه دمخه هم یو بل بندی عینی شاهد یودی لوکیتو هم پدی خبری اقرار کړی و چی هغه په دوه زرم کال کی د فلپین د هیواد په جنوبی برخه کی د ترورستی کمپ ښوونکو ته د ابوبکر بشیر ویناواوریدلی وه . پر بشیر باندی په څو څو چاودنو کی د لاس درلودلو تور لگول شوی دی چی د جاکارتا په یوه معتبر هوتل باندی د تیر کال ناڅاپی حمله او په بالی کی د نڅا پر کلب باندی حمله هم چی دوه سوه دوه تنه پکی ووژل شول هم شامله ده. خو ابوبکر بشیر پدی ټولو حملو کی د لاس درلودلو تورونه رد کړی دی .
